19/07/2026
اسلام میں دو طرح کے حقوق ہیں۔ ایک *حقوق اللہ* اور دوسرا *حقوق العباد* حقوق العباد میں لوگوں کے ساتھ اچھا سلوک اور لوگوں کی عزت کرنا اور لوگوں کو تکلیف نہ دینا شامل ھے۔
* روح کے زخم سب سے خطرناک ہیں*
ہم اکثر جسمانی زخموں کا خیال رکھتے ہیں تھوڑی سی چوٹ لگے تو فوراً دوا لیتے ہیں لیکن زبان سے کسی کا دل دکھا دیں، طنز کر دیں، بے عزت کر دیں تو اس کا مداوا نہیں کرتے۔
جسم کے زخم کی ہزاروں دوائیاں بازار سے مل جاتی ہیں، مگر روح کے طبیب بازار سے نہیں ملتے ایک بار جو بات دل پر لگ جائے وہ عمر بھر نہیں بھولتی
*حقوق العباد کا خاص خیال رکھیں*
حقوق العباد صرف بڑے کاموں کا نام نہیں یہ چھوٹی چھوٹی باتوں میں ہے جسے
کسی کا راستہ نہ روکنا
کسی کی غیبت نہ کرنا
وعدہ پورا کرنا
پڑوسی کا خیال رکھنا
ملازم کے ساتھ نرمی سے پیش آنا
سوشل میڈیا پر کسی کو شرمندہ نہ کرنا۔(سوشل میڈیا پر میری وجہ سے کسی کی دل ازاری ہوئی ہو تو میں ان سے گزارش کرتا ہوں کہ وہ مجھے معاف کر دیں)
اللہ ہمیں ایک دوسرے کا خیال رکھنے والا، نرم دل اور باعمل مسلمان بنائے۔ آمین 🤲
امجد زمان
