Mr. Islam Khalifa

Mr. Islam Khalifa عايز معلومه كل يوم

عايز تتعلم اكسيل .. عايز تتعلم محاسبه ماليه .. عايز تتدمج الاتنين مع بعض
انا هنا عشان اساعدك وباعلى جوده، باقل تكلفة

انا معاك 01500069190

26/02/2026

الفرق بين الميزانية العمومية و قائمة الدخل

الميزانية العمومية (قائمة المركز المالي):
📊 بتوضح الوضع المالي للشركة في "لحظة محددة"، وبتعرض:
✔️ الأصول (الحاجات اللي بتمتلكها)
✔️ الخصوم (الديون والالتزامات)
✔️ حقوق الملكية (اللي باقي لصاحب الشركة)
✅ المعادلة الأساسية:
الأصول = الخصوم + حقوق الملكية

قائمة الدخل:
💵 بتوضح أداء الشركة خلال "فترة زمنية" (شهر - ربع سنة - سنة) وبتعرض:
✔️ الإيرادات
✔️ المصروفات
✔️ الربح أو الخسارة

✅ ببساطة:
الميزانية العمومية: لقطة ثابتة للحالة المالية
قائمة الدخل: بتسجل الأحداث اللي حصلت خلال الفترة

📌
قائمة الدخل بتوضح إحنا كسبنا قد إيه
الميزانية بتوضح إحنا نملك قد إيه

21/02/2026

من أرض الواقع.. مش من الكتب 🔻
لو انت محاسب شغال في مصنع أو شركة إنتاجية ، فالبوست ده ليك وهيفيدك جدًا، لأن المعلومات الي فيه جاية من خبرة ميدانية فعلية :-

1- مش كل مصروف بتصرفه هو مصروف تشغيلي!
في مصانع كتير بيتم تصنيف مصروفات زي الزيوت والشحوم، وأجور الصيانة، على إنها مصاريف عمومية… مع إنها في الحقيقة مصاريف صناعية مباشرة مرتبطة بالإنتاج، ولازم تدخل جوه تكلفة المنتج.

2- حساب الإهلاك مش بس محاسبي… ده قرار استثماري!
في مصنع اشتغلت فيه، الإهلاك كان بيتم على مدى زمني طويل عشان يخفف العبء على الأرباح، لكن ده أخفى خسائر حقيقية في الكفاءة.
☑️ الإهلاك الصح لازم يعكس عمر الأصل فعليًا ويخليك تقرر إمتى تغيره أو تطوره.

3- مخزون الإنتاج تحت التشغيل = كنز مدفون أو قنبلة موقوتة
لو سبت شغل كتير في نصه في عنبر الإنتاج من غير رقابة أو متابعة، فده بيشوه القوائم، ويخلي التكلفة غير دقيقة.
🎯 لازم يكون عندك نظام لتقييم الشغل الجاري بدقة (ويا سلام لو شغال على Odoo أو ERP).

4- مش كل خصم بتديه للعميل هو خصم مبيعات!
فيه خصومات مرتبطة بكميات معينة أو تسويات حسابات، ودي لازم تتحلل وتتوزع بشكل سليم محاسبيًا… لأن في الآخر الخصومات بتاكل من صافي المبيعات، وبتأثر على نسبة الربح.

5- الحسابات الوسيطة هي سر ضبط السيستم!
شفت بعيني مصانع دخلها بيتلخبط بسبب عدم استخدام حسابات وسيطة زي:
🔹 تحت التحصيل – تحت التسوية – عهد تحت التسوية – مواد تحت التشغيل
دي مش رفاهية… دي اللي بتخلي تقفيل الشهر سهل ومنطقي.

نصيحة من قلب المصنع 🏭

المحاسب الشاطر مش اللي بيقفّل دفتر اليومية وخلاص…
الشاطر هو اللي بيعرف يربط بين المخازن والإنتاج والحسابات والتكاليف… وبيفهم القايمة قبل ما يعدها.

🔸 افهم المصروف قبل ما تصنّفه
🔸 راقب دورة التشغيل
🔸راجع تحليليًا قبل ما تعتمد

19/02/2026

هل ممكن رقمين بسيطين يكشفوا سر كبير عن الشركة؟ 🤔
تعال شوف القوة التحليلية للنسب المالية 👇
شركة عندها:
📌 Current Ratio = 2.5
📌 Quick Ratio = 1.0
من بعيد، تقول السيولة ممتازة ..
لكن لما نقرب .. نكتشف فرق كبير بين الرقمين
وده معناه ببساطة: الشركة شايلة مخزون كبير جدًا!

ليه؟
لأن Quick Ratio بيستبعد المخزون
فلما ينزل من 2.5 لـ 1.0، فده معناه إن أغلب الأصول المتداولة = مخزون.

💡 التحليل المالي مش مجرد أرقام ..
ده قراءة ما وراء الأرقام

📉 شركة عندها مخزون ضخم = تحدي في التصريف
📦 والمخزون مش دايمًا "سيولة" حقيقية

18/02/2026

أثناء رسملة أصل جديد ودفعنا ضرايب أو تأمين مُسترد مش بندخلها هنا ضمن رسملة الأصل.
الضرايب هتروح لحساب الضرائب المستردة والتأمين هيروح لحساب تأمين لدى الغير والإتنين بيظهروا في جانب الأصول من الميزانية.
حساب تكلفة الأصول صح مش بتخلينا بس نشوف عرض عادل لقائمة المركز المالي، كمان بنقدر نشوف مصروف اهلاك حقيقي في قايمة الدخل مش مصروف كبير بناء على اهلاك أصل متضخم بتكلفة لا تخصه.

17/02/2026

كمدير مالي تخيل عندك أصل قيمته نص مليار ريال سعودي يركض على الملعب ومعرض للاصابة او المرض او او
هذا بالضبط صار مع رمينا المدير المالي لنادي النصر لما وقعوا مع كريستيانو رونالدو

في عالم كرة القدم الحديث اللاعبين ليسوا نجوم فقط لكنهم ايضاً أصول محاسبية بكل معنى الكلمة، تعال اقلك شلون

وفقًا لمعيار IAS 38، كريستيانو تم تسجيله كـأصل غير ملموس بقوائم النصر المالية، وبقيمة تقدر بحوالي 500 مليون ريال سعودي ( التكلفة كاملة مثل رسوم الانتقال + أتعاب وكيل اللاعب + تكاليف التسجيل ) لمدة سنتين ونصف اي كامل مدة العقد
بالعربي البسيط:
يتم إطفاء (Amortization) قيمة العقد تدريجيا
حوالي 200 مليون ريال سنويا تظهر كمصروف في قائمة الدخل

وإذا حدثت إصابة خطيرة لا قدر الله ، وانا لا اتمنى ذلك لانني من اشد المعجبين بطريقة لعبه وشخصيته الشغوفة واتمنى ان أراه دوما يلعب ، فسيتم إعادة تقييم القيمة الدفترية للأصل المعيار المحاسبي رقم ٣٦ ( IAS 36 ) ويتم تسجيل خسارة انخفاض قيمة (Impairment Loss) إذا لزم الأمر

وما ننسى، لو تم إعارة كريستيانو لنادي الهلال مثلا فالمعالجة المحاسبية تختلف:
نادي النصر يحتفظ بالأصل.
نادي الهلال يسجله كـعقد إيجار حسب IFRS 16.

ولو نادي النصر باع كريستيانو
اولا حازعل كثير
ثانيا لا يسجل المبلغ كإيراد بل كربح أو خسارة من بيع أصل غير ملموس

اليوم كرة القدم ليست فقط متعة وأهداف هي أرقام وأصول وأرباح وخسائر وقوائم مالية

فكل مرة تشوف فيها كريستيانو يراوغ أو يسجل، تذكر أنك لا ترى فقط لاعب خارق، بل أصل مالي يتحرك بكل ذكاء على أرض الملعب ومع كل هدف قد يرفع سعر سهم ناديه في سوق الأسهم

11/02/2026

كل رصيد في القوائم محتاج “مطابقة”… علشان تطمن إنه صح.

المطابقات المحاسبية مش مجرد خطوة .. دي عملية أساسية علشان تتأكد إن الحسابات ماشيه صح ومبنية على واقع فعلي.

✅ أنواع المطابقات اللي بنقابلها يوميًا كمحاسبين:

1️⃣ مطابقة البنك:
نطابق بين كشف الحساب البنكي ورصيد حساب البنك في الدفاتر

2️⃣ مطابقة الموردين والعملاء:
نطابق بين كشف حساب العميل أو المورد وما هو مسجل في دفاترنا

3️⃣ مطابقة المخزون:
نراجع الرصيد الدفتري مقابل الجرد الفعلي

4️⃣ مطابقة الضرائب:
نطابق الإقرارات الضريبية مع الحسابات المسجلة

📌 كل مطابقة بتمنع خطأ، وكل خطأ بنتجنبه = حماية لسمعة الشركة ومركزها المالي.

17/08/2025

في الائتمان، أربع مؤشرات ماليّة ماينفعش تغيب عننا وقت القرار:
ROA – ROE – ROS – ROI

كل رقم فيهم بيحكي حكاية مختلفة عن العميل

خلينا نبسطهم:

1️⃣ Return on Assets (ROA)
العائد على الأصول
= صافي الربح ÷ إجمالي الأصول

بيقيس كفاءة الشركة في استغلال أصولها لتحقيق أرباح.
لما يبقى قليل؟ معناه الشركة مش بتحقق عائد كويس على استثماراتها في الأصول = مخاطرة أعلى.

2️⃣ Return on Equity (ROE)
العائد على حقوق الملكية
= صافي الربح ÷ حقوق الملكية

بيعبر عن العائد اللي بيحققه المساهمين على استثمارهم.
ROE عالي = إدارة قوية بتعرف تزود القيمة للمساهمين = مؤشر إيجابي عند تقييم المخاطر.

3️⃣ Return on Sales (ROS)
هامش الربحية
= صافي الربح ÷ صافي المبيعات

بيقولك الشركة من كل جنيه مبيعات بتحقق كام ربح.
كل ما النسبة أعلى، كل ما الشركة قادرة تحافظ على أرباحها حتى لو السوق ضاغط = سيولة أفضل لخدمة الديون.

4️⃣ Return on Investment (ROI)
العائد على الاستثمار
= (الربح من الاستثمار - تكلفة الاستثمار) ÷ تكلفة الاستثمار

بنستخدمه لما نقيّم مشروع معين أو توسع استثماري.
لو ROI منخفض؟ يبقى لازم نسأل: المشروع ده فعلاً هيولّد تدفقات نقدية كفاية لخدمة القروض؟

📌 الخلاصة:
مفيش قرار ائتماني قوي بيتاخد من غير ما تفهم الأربع مؤشرات دول كويس.
الأرقام دي مش بس حسابات، دي بتكلمك بلغة
المخاطر والعوائد

اعمل لايك وشير وكل يوم معلومه 😊

14/08/2025

في مقابلة عمل سألوني سؤال مهم:
"ما هي الإيضاحات المطلوب تقديمها مع القوائم المالية؟"
الإيضاحات جزء لا يتجزأ من القوائم المالية حسب معيار IAS 1، وهدفها توضيح وتفسير المعلومات المقدمة في القوائم.
ومن أهم الإيضاحات المطلوبة بنهاية السنة:
▪️ السياسات والتقديرات المحاسبية الجوهرية
(زي الاعتراف بالإيراد، طرق الإهلاك، تصنيف الاستثمارات، نظام تقييم المخزون)
▪️ الإفصاح عن الأطراف ذات العلاقة – IAS 24
▪️ المخاطر والأدوات المالية – IFRS 7
▪️ الضرائب المؤجلة والإيرادات الضريبية – IAS 12
▪️ الأحداث اللاحقة لتاريخ القوائم – IAS 10
⚠️ الإيضاحات دي أساسية في القوائم السنوية، لكن غير مطلوبة في القوائم المرحلية إذا ما حصلش تغيير جوهري.
📌 كمان لازم يتم الإفصاح عن أي معلومات جوهرية تؤثر على الشفافية، زي:
المساعدات الحكومية – IAS 20
ممارسات غير قانونية
تغيّرات جوهرية في الأرصدة
تصحيحات جوهرية أو إعادة تصنيف – IAS 8
🎯 الإفصاح مش مجرد التزام محاسبي، ده أساس الثقة والحوكمة.

30/07/2025

الفرق بين المصروف المستحق والمصروف المدفوع مقدمًا


1. المصروف المستحق (Accrued Expense)

📌 هو مصروف تم استخدامه أو تحمّله، لكن لم يُدفع بعد.

✅ أمثلة:
• مرتبات موظفين عن شهر يونيو تُدفع في يوليو
• فاتورة كهرباء عن مايو تُسدد في يونيو

🧾 يُسجّل كمصروف في قائمة الدخل
ويُسجّل كـ التزام (دائن) في الميزانية

➤ المعنى ببساطة:
“استخدمت الخدمة ولسه ما دفعتش”


2. المصروف المدفوع مقدمًا (Prepaid Expense)

📌 هو مصروف دُفع مقدمًا، لكن لم يُستخدم بعد.

✅ أمثلة:
• إيجار مكتب مدفوع عن 6 شهور قادمة
• تأمين سنوي مدفوع مقدّمًا

🧾 يُسجّل كـ أصل (مدين) في الميزانية
ويتحول تدريجيًا إلى مصروف شهريًا

➤ المعنى ببساطة:
“دفعت الفلوس، ولسه ما استخدمتش الخدمة”

29/07/2025

إزاي تقرأ القوائم المالية الأساسية ببساطة؟

القوائم المالية هي أدوات مهمة عشان تعرف إذا كانت الشركة بتكسب ولا لأ، وبتواجه مشاكل مالية ولا مش. في الموضوع ده هنشرح القوائم المالية الأساسية بشكل بسيط وسهل علشان تقدر تفهم وتقرأ الأرقام دي بسهولة

1. الميزانية العمومية (Balance Sheet):
إيه هي؟
الميزانية العمومية بتديك صورة عن الوضع المالي للشركة في لحظة معينة. بتقولك إيه اللي الشركة تمتلكه (الأصول)، وإيه اللي عليها دفعه (الخصوم)، وحقوق المساهمين في الشركة (حقوق الملكية)

إزاي تقراها؟

الأصول: اللي هي حاجات الشركة بتمتلكها زي الفلوس، العقارات، المخزون، والأجهزة
الخصوم: اللي هي التزامات الشركة، زي القروض والحسابات الدائنة
حقوق الملكية: ده هو المال اللي المساهمين بيمتلكوه في الشركة
الميزانية بتقولك إذا كانت الشركة في وضع مالي قوي ولا ضعيف. لو حقوق الملكية سلبية، ده ممكن يكون إنذار إن الشركة في خطر

2.قائمة الدخل (Income Statement):
إيه هي؟
قائمة الدخل بتوضح أداء الشركة خلال فترة معينة (زي السنة المالية أو الربع المالي) بتقولك هل الشركة حققت ربح ولا خسارة

إزاي تقراها؟
الإيرادات: المبالغ اللي الشركة كسبتها من بيع منتجاتها أو خدماتها
المصروفات: كل حاجة الشركة أنفقتها زي الأجور، الإيجارات، والتكاليف
الربح الصافي: هو الفرق بين الإيرادات والمصروفات. لو الإيرادات أكبر من المصروفات، يبقى في ربح
لو عندك ربح صافي، ده يعني إن الشركة شغالة بشكل كويس، والعكس لو كان في خسارة

3.قائمة التدفقات النقدية (Cash Flow Statement):
إيه هي؟
القائمة دي بتوضح حركة الفلوس داخل وخارج الشركة. بتوريك إذا كانت الشركة عندها فلوس تكفي لدفع التزاماتها ولا لأ

إزاي تقراها؟
التدفقات من الأنشطة التشغيلية: دي الفلوس اللي الشركة جبتها من بيع منتجاتها ودفع العملاء

التدفقات من الأنشطة الاستثمارية: زي شراء أو بيع ممتلكات أو معدات
التدفقات من الأنشطة التمويلية: زي القروض أو توزيع الأرباح
لو الفلوس الداخلة من الأنشطة التشغيلية أكبر من المصروفات، ده معناه إن الشركة شغالة بشكل صحي

4.قائمة التغيرات في حقوق الملكية (Statement of Changes in Equity):
إيه هي؟
القائمة دي بتوضح التغيرات في حقوق الملكية للمساهمين خلال فترة معينة. بتقولك إذا كانت حقوق الملكية زادت أو نقصت

إزاي تقراها؟
الربح الصافي: إذا كانت الشركة كسبت فلوس
التوزيعات: لو الشركة وزعت أرباح على المساهمين
زيادة أو سحب رأس المال: لو المساهمين دفعوا فلوس جديدة للشركة أو لو الشركة سحبت فلوس

نصائح لقراءة القوائم المالية:
ابدأ بالميزانية العمومية: علشان تعرف الشركة فين من الناحية المالية
راجع قائمة الدخل: علشان تشوف إذا الشركة جابت ربح ولا خسارة
لازم تبص على التدفقات النقدية: علشان تتأكد إن الشركة قادرة تدير فلوسها
شوف التغيرات في حقوق الملكية: علشان تعرف إذا كانت الشركة بتزود حصص المساهمين أو لا

اعمل شير ماتخليش المعلومه تقف عندك وخلي غيرك يستفيد 😎

Address

Cairo

Website

Alerts

Be the first to know and let us send you an email when Mr. Islam Khalifa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category