31/05/2026
نسخه IFRS 2027
متوفره حصريآ في مكتبه فاست برنت
الحجز علي الواتس 01111614815
01120417111
تجربة ال IFRS DIP
FROM A TO Z
إيه هي ال ( (IFRS
المعايير الدولية للتقارير المالية
وهى اختصار
International Financial Reporting Standards
هي مجموعة من المعايير المحاسبية يصدرها مجلس معايير المحاسبة الدوليةIASB وهناك العديد من المعايير والتي تشكل جزء من المعايير الدولية للتقارير المالية IFRS تعرف بالاسم القديم وهو معايير المحاسبة المالية IAS التي قام بإصدارها هيئة معايير المحاسبة الدولية IASC وبدأ مجلس معايير المحاسبة الدولية IASB في عام 2001 بتطويرها حتى الآن وأطلق عليها .IFRS
الـ IFRS هى معايير تم إعدادها من قبل مجلس معايير المحاسبة الدولية بهدف تنظيم المعاملات المالية والمحاسبية على الصعيد العالمي، بحيث يتم الاتفاق على مجموعة من القواعد والمعايير الثابتة، والتى يترتب عليها نوع من التوافق العام بين سبل الإدارة والعمل بين مختلف الشركات والمنظمات المحلية والدولية.
الهدف من المعايير الدولية لإعداد التقارير المالية في الأساس هو خلق لغة واحدة يجمع عليها المحاسبين في مختلف دول العالم، بحيث تصبح كل من التقارير المالية و الميزانيات وقوائم الدخل والأصول الثابتة، ومجموعات الأعمال، وأسعار صرف العملات الأجنبية، وعرض البيانات المالية، و.التعامل مع الواردات والصادرات وغيرها، خاضعة لنظام واحد مشترك، نظام يسهل على
الشركات فهم الأداء المالي لبعضهم البعض لاسيما عند التعامل في البورصة وطرح الأسهم للبيع أو المضاربة.
سبب نشأة الـ IFRS فى البداية، يرجع إلى العولمة التي إتخذت من القرن الـ 21 شعارًا لها، بحيث احتاجت التجارة العالمية نوعًا من المرونة والحداثة في المبادئ المستخدمة في عملية تداول الأموال، عكس الجمود والثبات الذى كانت سمة ثابتة لمعايير الـ GAAP وقتها أو ما يعرف اصطلاحًا بالــ مبادئ المحاسبة المقبولة عمومًا Generally Accepted Accounting Principles؛ وهى معايير شاع استخدامها عالميًا، قبل أن تنجح الـ IFRS في ضم 120 دولة تحت لوائها، بينما اقتصر تطبيق الـ GAAP الآن في كلا من الولايات المتحدة وكندا.
إيه الفرق بين شهادة ال IFRS ودبلومة ال IFRS
الشهادة:
• تقدم CERTIFR مقدمة واسعة في معايير التقارير المالية الدولية وتتبع معايير المحاسبة الدولية و التغيرات الأخيرة.
• هذه الشهادة هي الافضل لممارسي المحاسبة والمراجعة لسهولة الحصول عليه.
• هذه الشهادة (مادتها العلمية + اختبارها) مصممه بطريقة سهلة و تؤكد المعلومات الاساسية. فهى تقسم المعايير الى مواضيع محددة. وتحتوى تدريبات متعددة (اسئلة متعددة الخيارات).
• يمكن للمتدرب التقدم لاختيار الشهادة على الانترنت فى اى وقت ومن أي مكان.
• تكلفة المواد الدراسية والامتحان 235 جنيه استرلينى ولكن اذا اردت حجز الامتحان فقط هتكون التكلفة 130 جنيه استرلينى والتكلفة توفر التقدم للامتحان ثلاث محاولات للامتحان.
• الامتحان عبارة عن اسئلة اختيار من متعدد لمدة ساعة ويجب ان تحصل 50% او اكثر لتنجح بالامتحان.
الدبلوم:
• هذه الدبلومة هي مناسبة للمحاسبين المهنين او مراجعي الحسابات الذين يمارسون المحاسبة
• المتدربين الذين يعملون ولكن ليسوا مؤهلين (خريجين الكليات التى تدرس علم المحاسبة) لا يزالون مؤهلين للحصول على الدبلومة والكل سوف يحتاج الى اثبات واحد مما يلى: خبرة محاسبة مناسبة لمدة 3 سنوات ومؤهل محاسبى مناسب
• رسوم التسجيل الاولى (محاولة امتحان واحد فقط واذا رسبت تدفع رسوم جديدة) هو 185 جنيه استرلينى
• الامتحان ينعقد مرتان سنويا فى يونيه و ديسمبر من كل عام
• الامتحان عبارة عن امتحان CBE امتحان علي الكمبيوتر COMPUTERIZED لمدة 3 ساعات و 15 دقيقة ويجب ان تحصل 50% او اكثر لتنجح بالامتحان.
ودا شكل الشهادة والدبلوم
محتوي الدبلوم
The Diploma content :
IAS 1 Presentation of Financial Statements
IAS 2 Inventories
IAS 8 Accounting Policies, Changes in Accounting Estimates and Errors
IAS 10 Events After the Reporting Period
IAS 12 Income Taxes
IAS 16 Property, Plant and Equipment
IAS 19 Employee Benefits
IAS 20 Accounting for Government Grants and Disclosure of Government Assistance
IAS 21 The Effects of Change in Foreign Exchange Rates
IAS 23 Borrowing Costs
IAS 24 Related Party Disclosures
IAS 27 Separate Financial Statements
IAS 28 Investments in Associates and Joint Ventures
IAS 32 Financial Instruments: Presentation
IAS 33 Earnings per Share
IAS 34 Interim Financial Reporting
IAS 36 Impairment of Assets
IAS 37 Provisions, Contingent Liabilities and Contingent Assets
IAS 38 Intangible Assets
IAS 40 Investment Property
IAS 41 Agriculture
IFRS 1 First-Time Adoption of International Financial Reporting Standards
IFRS 2 Share-Based Payment
IFRS 3 Business Combinations
IFRS 5 Disposal of Non-current Assets and Reporting of Discontinued Operations held for sale
IFRS 6 Exploration for and Evaluation of Mineral Resources
IFRS 7 Financial Instruments: Disclosure
IFRS 8 Operating Segments
IFRS 9 Financial Instruments
IFRS 10 Consolidated Financial Statements
IFRS 11 Joint Arrangements
IFRS 12 Disclosure of interests in Other Entities
IFRS 13 Fair Value Measurement
IFRS 15 Revenue from Contracts with Customers
IFRS 16 Leases
من يدرسها
كل من يعمل في مجال المحاسبة المالية والمراجعة الخارجية والداخلية والتحليل المالي، أضف إلي ذلك كل الأطراف المهتمة بالقوائم المالية.
رأيت بعض المديرين التنفيذيين يدرسون معايير المحاسبة الدولية عشان يفهموا محتوي القوائم المالية بيتكلم عن إيه ويفهموا تفاصيل التفاصيل لهذه القوائم، ويكونوا علي دراية المدير المالي بيشرح إيه او بيعرضله ايه او ايه التقارير الماليه اللي بتجيلوا من ال CFO.
أماكن امتحان
الIFRS DIP بتمتحن تقريبا في معظم دول العالم، تقريبا اكتر من 80% من الدول العربية فيها أماكن لامتحان الIFRS DIP.
بيتم تحديد مكان الامتحان عند حجز الامتحان من علي موقع ال ACCA.
شروط الحصول علي ال IFRS DIP
معهد ال ACCA بيشترط لدخول امتحان ال IFRS DIP ان
تكون حاصل علي بكالوريوس تجارة.
خبرة في مجال المحاسبة او المراجعة 3 سنوات علي الأقل.
اجتياز الامتحان.
فوائد دراسة ال IFRS DIPLOMA واهميتها في سوق العمل
تعد شهادة IFRS هى الشهادة الأولى المطلوبة عالميًا في مجال المحاسبة المالية، فالحاصل عليها يستطيع العمل بحرية في أي دولة في العالم، دون الخوف من عراقيل لغوية أو تنظيمية؛ والفضل في ذلك راجع لثبات معايير الـ IFRS دوليًا، بالشكل الذى يجعلها متشابهة في أى مكان ويسهل فهمها والتعامل معها، دون أن تؤثر السياسة الداخلية للدولة على تغييرها أو التعديل عليها.
بجانب زيادة فرص العمل للحاصل على شهادة IFRS دوليًا، فإنها توفر لصاحبها أيضًا فرصة الترقى الوظيفى وتحسين مصدر الدخل؛ فعادة ما يحصل المحاسب ذو شهادة IFRS على مرتب ومكانة إجتماعية أفضل فى الأوساط المحاسبية.
تكمن اهمية شهادة IFRS في تركيزها على التخصصات وإعطائها الأهمية التي تستحقها؛ فبفضل المعايير الدولية لإنشاء التقارير المالية وجد أصحاب الشركات الكفاءات اللازمة لتولى المهام المتخصصة في المحاسبة المالية، ليس فقط بالخبرة والمهارة المطلوبة، بل يزيد عن ذلك معرفة المتغيرات المالية المستمرة ومواكبتها بكل سهولة.
كلما انتشر عدد المحاسبين الحاصلين على شهادة الـ IFRS، كلما أمكن التضيق على الاختلافات بين النظم العالمية والوصول إلى لغة واحدة من التواصل والتفاهم العالمي؛ فبفضلها تمكن المحاسبين من فهم البيانات المالية المختلفة
وتحليلها ومعرفة نقاط القوة والضعف، وكذلك الفرص والمخاطر المحيطة بالسوق والاستعداد لها، في وضع يحيط بيه الشفافية والنظام، دون الخوف من وجود عراقيل أو تلاعب يؤثر بالسلب على مؤسساتهم أو سير عملهم.
بفضل المعايير العالمية لإعداد القوائم المالية، ازدادت فرص التجارة العالمية، وازداد معها عمليات التداول المالي والاستثمار، وازداد معها قدرة أصحاب المال على فهم وتحليل السوق العالمي، وأخذ قرارات مستنيرة تساعد في دفع دفة العمل إلى الأمام.
THE MATERIALS
أفضل الكتب هو الكتاب المصدر من الـ BPP والمعتمد والمرشح من الـACCA هما 2 كتاب:
- كتاب الـStudy ويحتوي على كل موضوع ويليه بعض الأسئلة العملية بإجابتهم النموذجية.
- كتاب الـ Practice اسمه REVISION KIT ويحتوي على حالات عملية على كل موضوع بإجابتهم النموذجية وأخر 3 امتحانات بإجابتهم النموذجية.
دايما في جزئية الماتريال أنا بحبذ إني أعمل ال HANDOUTS الخاصة بيا اللي هتريحني في المراجعة والاستذكار والحفظ ، فدايما حاول أنك وأنت بتذاكر أك تعمل التلخيصات الخاصة بيك ، اللي بأسلوبك أنت، فصدقني جزئية المراجعة والحفظ بعد كدا مش هتشيل همهم بتاتا والموضوع هيكون معاك فل جدا، أنا بحكيلك دا عن تجربة مريت بيها في الCMA وال IFRS.
لينك الماتريال هتلاقيها علي الباركود دا وقناة التلجرام الخاصة بيا الخاصة بال IFRS وكل ما يتعلق بيها.
هتلاقي كمان أسئلة الامتحانات السابقة من 2001 إلي 2025 بالترتيب بإجاباتهم.
وكمان هتلاقي التليخيصات الخاصة بيا من أول شابتر لأخر شابتر.
دا لينك قناة الماتريال
https://t.me/IFRS_BY_MOHAMED_SAMIR
مين بيشرحها
اللي بيشرح الشهادة مؤخرا بقيوا كذا حد ،قبل كدا ما كانش حد شارحها غير واحد أو اتنين ، بس كانوا شارحين بعض المعايير.
لكن حاليا فيه كذا حد شرح معايير الدبلومه كلها ، وفيه اللي شرح شوط معين من المعايير.
طيب تعالوا نشوف مين اللي شرحها والمفروض تتابع مع مين.
أولا: أستاذ عبدالله عبدالنعيم ، شرح الدبلوم بالكامل جزاه الله عنا خير الجزاء،
شرحه ماشاء الله جميل جدا وذو خبره عمليه فهتستفيد منه كجانب عملي ونظري، أستاذ عبدالله شرح كل حاجه في الكتاب، مسابش ركن الا لما شرحه.
دا لينك قناة أستاذ عبدالله
https://www.youtube.com/channel/UC0Tpc8D6qPkOxIBTm2ALjlg
ثانيا: أستاذ محمد غازي.
شرح أستاذ محمد غازي كمان في غاية الروعة والجمال، شرحه كويس وبسيط انا بصراحه تابعت معاه كل اللي شرحه لأن مكانش لسه أستاذ عبدالله بدأ شرح الدبلوم ، أستاذ محمد شرح تقريبا من 60 إلي 80% من الدبلوم.
قناة أستاذ محمد اسمها Easy accounting علي اليوتيوب.
ودا لينك القناة ،
https://www.youtube.com/channel/UCIDRhTTbFy41-5-cNgm6jKA
ثالثا: أستاذ محمد فوزي
أستاذ محمد فوزي شرحه كمان جميل أوي، أنا تابعت معاه بعض المعايير لأنه مش شارح كل المعايير علي قناته، شارح بعض الأجزاء.
قناته علي اليوتيوب إسمها IFRS JUICE.
دا لينك القناة علي اليوتيوب.
https://www.youtube.com/channel/UC7M9hicC9fhrsYY3bZIocGQ
بعد كدا هتلاقي قنوات أجنبيه شارحه المعايير
فيه حاجه حابب اوضحها في جزئية الشرح علي اليوتيوب، لو انت متابع مثلا مع محاضر معين علي اليوتيوب ، وفيه معيار معين انت مش فاهمه، روح علي اليوتيوب واكتب في السيرش اسم المعيار هتلاقي عشرات الفديوهات محتوي عربي واجنبي ناس ومحاضرين بتشرح وبتتكلم عن المعيار، افتح وجرب وشوف المحتوي او المحاضر اللي يعجبك ويريحك وافهم منه المعيارز
الطريقة دي انا كنت بعملها دايما سواء في ال CMA او ال IFRS DIP.
كيفية التسجيل ومواعيد امتحان ال IFRS DIP
أولا الدبلوم بتمتحن مرتين في السنه، مره في شهر يونيو ومره في ديسمبر.
عشان تسجل لامتحان يونيو يبقا لازم تسجل قبل 15 ابريل، لان التسجيل للامتحان بيقفل يوم 15 ابريل.
عشان تسجل لامتحان ديسمبر يبقا لازم تسجل للامتحان قبل نهاية 15 أكتوبر لان التسجيل بينتهي في 15 أكتوبر.
طيب المفروض اسجل ازاي للامتحان.
انا عامل فديو علي قناتي علي اليوتيوب شارح الطريقة ازاي تسجل للامتحان.
لينك الفديو
https://www.youtube.com/watch?v=a0rTCLWcd90&list=PL3DAzykPxBYn7R-17_WtP1cCIDgBzgz9H
تكاليف امتحان ال IFRS DIP
تكاليف ال IFRS DIP بتنقسم الي قسمين:
القسم الأول : تكاليف التسجيل وهي 45 جنيه إسترليني ودي بتدفع مره واحده فقط، سواء امتحنت مره او اكثر، وتختلف باختلاف الدولة التي ستمتحن فيها.
القسم الثاني : تكاليف الامتحان نفسه وهي 123 جنيه إسترليني بالنسبه لمصر ( دا تكلفة الامتحان لويندو ديسمبر 2022) لان ممكن التكلفه بتتغير من وقت لأخر، لو لا قدر الله متوفقتش في الامتحان بتضطر انك تدفع تكاليف الامتاحن مره تانيه لو حابب تدخل تاني.
موقع ال ACCA عامل OPTION عشان تعرف التكلفه للدولة اللي انت موجود فيها .
https://www.accaglobal.com/lk/en/qualifications/glance/dipifr/date-fee.html
تكاليف التسجيل والامتحان لأغلب الدول تكاد تكن متقاربه جدا ، الفرق بسيط جدا يكاد يكون الفرق الكبير في تكلفة التسجيل.
مدة الدراسة
مدة الدراسة بتختلف من شخص لاخر، لان كل شخص له ظروفه الخاصه.
فالشخص المتفرغ للدراسة غير الموظف، واللي عنده شغل 10 ساعات غير اللي عنده شغل 12 او 14 ساعه.
والاعزب غير المتزوج، وحديث التخرج غير اللي عنده خبره في مجال المحاسبة المالية.
واللي الإنجليزي بتاعه قوي غير اللي الإنجليزي بتاعه ضعيف.
واللي تجارة انجليزي غير بتاع تجارة عربي ، بتاع تاجارة انجليزي مثلا درس المصطلحات دي كلها في الكلية بشكل كلي فالموضوع بالنسبه ليه اسهل ومش هياخد وقت في الدراسه زي بتاع تجارة عربي.
فعلي حسب ظروفك وعلي حسب العوامل اللي عندك ايه الوقت هيختلف معاك.
فاللي الإنجليزي بتاعه ضعيف اكيد هيلاقي مشقه انه لسه هيترجم وبعد كدا يفهم فالموضوع هيطول معاه علي عكس اللي لغته قويه.
ولكن متوسط دراسة ال IFRS DIP تقريبا من 4 شهور الي 6 شهور ممكن تقل او تزيد عن المتوسط، يعني مثلا فيه ناس اخدتها في سنه، واخرون في سنتين، واخرون في 6 شهور، واخرون في 4 شهور، اللي احدها في سنتين دا انا اقصد انه اخدها في كذا محاوله ، لكن كدراسه زي ما قولتلك المتوسط زي ما ذكرت فوق.
ال IFRS DIP صعبه محتاج تركيز وفهم وحفظ لكل كلمه وفهم تكنيك الاجابه عن الاسئله ازاي، لانها مختلفه عن أي شهادة مهنيه تانيه، فممكن متنجحش من اول مره، ممكن من مرتين او تلاته او اربعه، اعرف ناس حصل معاها كدا.
انا دخلتها من مرتين : الاولي جبت 35 والتانيه بفضل الله جبت 72%.
تذاكر ازاي
عزيزي القارئ كل شخص له أسلوب خاص به في المذاكرة والدراسة، كل واحد له مدرسة خاصة به في هذا الصدد، اذا أسلوب محمد ممكن ينفع مع علي ومينفعش مع محمود.
ولكن فيه بعض الحاجات اللي هي بتكون معروفه وبتسهل الرحله واغلب الناس بتمشي عليها فهقولك أسلوب ممكن يساعدك انك تمشي بيه.
أولا هتشوف هتحضر الشرح مع مين سواء علي اليوتيوب او كورس.
ثانيا هتحضر الماتريال والكتب اللي هتذاكر وتحل منها.
ثالثا هتحضر الأول الشرح وبعد كدا تقرا من الكتاب او المذكره اللي هتذاكر منها.
رابعا وانت وبتذاكر من الكتاب حاول تدون وتلخص الحاجات المهمه في مذكرة خاصة بيك بحيث تكون دي التلخيصات اللي تقدر تراجع منها المهم بعد كدا.
خامسا بعد ما تخلص القراءة والمذاكرة في الكتاب هتمسك الاسئله اللي في الكتاب اللي بعد كل جزئية.
سادسا تمسك الأسئلة اللي في كتاب كيت وتحلها علي الجزء اللي انت ذاكرته.
هتفضل تعمل كدا لحد ما تخلص كل المعايير، طبعا كل دا وانت بتدون وبتلخص تلخيصاتك الشخصي دا مهم جدا.
بعد كدا هتبدا انك تراجع من الأول وتحل تاني أسئلة كيت وفي نفس الوقت تحل أسئلة امتحانات السنوات السابقه.
هتفضل تراجع وتحل أسئلة لحد يوم الامتحان.
تكرار المراجعه والحل هما سر ومفتاح النجاح لاي شهادة مهنيه.
الامتحان وجو الامتحان
أولا اعزائي دارسي ال IFRS DIP الامتحان مكون من اربع أسئلة مقالية ، اول سؤال بيكون CONSOLIDATED FINANCIAL STATEMENT ، وتاني،تالت، ورابع سؤال بيتكون كل سؤال منهم من اتنين او تلاتة أسئلة فرعية كلهم أسئلة مقاليه.
السؤال الرابع بيكون نظري بحت، السؤال التالت والتاني بيكون اغلبه عملي وفيه نقطه او اتنين نظري.
الامتحان بيجيب نقطه عن ال ETHICS ودي ثابته في كل امتحان وبيكون عليها 5 درجات من اجمالي ال 100 درجة.
مدة الامتحان 3 ساعات وربع يعني 195 دقيقه يعني كل سؤال 48 دقيقه يعني كل درجه 1.95 دقيقه.
الامتحان طويل ومحتاج كتابة كتير بالكيبورد لانه امتحان COMPUTERIZED مش علي الورق، اذا دا معناه ان لازم يكون عندك مهارة الTYPING علي الكيبورد سريعة، عشان توفر وقت في الامتحان ، والوقت يقضيك ، لاني اغلب الناس مش بيقضيها الوقت وبتقع ومش بتتوفق بسبب جزئية الوقت وجزئية ال TYPING .
الجو العام للامتحانات الدولية غالبا بيكون فيه شوية توتر وضغط نفسي، فلازم يكون هندك اتزان انفعالي وتقدر تتحكم في توترك لان التوتر هياثر بالسلب عليك في الامتحان وهيكون سبب عدم توفيقك ، اذا جزئية الاتزان الانفعالي مهمه جدا في الامتحان.
عشان تدخل الامتحان مش خايف يبقا لازم تذاكر كويس اوي وتكون مراجع وحالل كتير وحالل كل الامتحانات وكل الأفكار مره واتنين وتلاته، وحالل علي أسئلة ال CBE ك SIMULATION علي موقع ال ACCA.
عادة لما تروح تمتحن لازم يكون معاك حاجه اسمها DOCKET ودي بتتبعت في ميل من المعهد، وانت بتطبعه وبتاخده معاك الامتحان عشان بيطلبوه منك ومينفعش تدخل من غيره.
كمان لازم يكون معاك باسبور او بطاقة او رخصه قيادة يكون فيها نفس اسمك اللي موجود في الدوكيت او اللي مسجل بيه الامتحان، ولازم يتكون الهويه مش منتهية الصلاحية.
تعمل ايه في الامتحان؟
حاول ان اليوم اللي قبل الامتحان انك متذاكرش كتير او يفضل متذاكرش خالص.
حاول تنام بدري وتنام كويس اوي.
حاول تاكل كويس خفيف وتاخد المياه بتاعتك معاك والاله حاسبه بتاعتك اللي كنت شغال بيها وانت بتذاكر عشان انت كنت متعود عليها وعارف مكان الأرقام عشان تنجز معاك.
حاول تروح الامتحان بدري شويه بساعه عشان تخلص إجراءات الدخول ولا قدر الله لو حصلت مشكله او نسيت حاجه تقدر تعملها قبل بداية الامتحان لان لسه معاك وقت.
لما تبدا الامتحان حاول ان تكون هادي جدا وجاوب راحتك وانت ذهنك صافي ومش مشغول باي حاجه غير الامتحان وخد الأمور ببساطه، واللي تعرفه حله واللي متعرفهوش خليه علي جمب للاخر.
حاول انك تبدا في اول سؤال حل اللي تعرفه فيه واللي متعرفهوش متاخدش وقت فيه لان لسه فاضلك 3 أسئلة.
حاول ان كل سؤال تديله وقته ومتاخدش من وقت الاسئله التانيه.
حاول انك تجمع نقاط وتذكركل النقاط اللي هو عاوزها في المعيار.
اذاكر لوحدي ولا اخد كورس عند Instructor
الموضوع متوقف عليك انت، هل هتقدر تذاكر لوحدك او تلزم نفسك انك تذاكر كل يوم وتتابع مع نفسك وتعرف تجمع الماتريال ولا مش بتعرف وبتنتظر حد يديك المعلومه جاهزه والماتريال جاهزه؟
خليك عارف ان ال instructor هيديك 20% من المشوار اللي هو الماتريال بس والشرح، ولو هو شخص كويس ممكن أحيانا يساعدك في بعض الحاجات اللي واقفه معاك ويديك شوية نصايح، علي عكس بعض الموجودين حاليا في السوق الا من رحم ربي.
عن تجربتي انا كدراسة ذاتية في ال CMA وال IFRS DIP موضوع الدراسة الذاتيه ممتع جدا وتحدي جميل اوي مع نفسك، بيكسبك مهارات عظيمه جدا، زي الاعتماد علي النفس في تحصيل المعلومه.
بيكسبك مهارة البحث عن المعلومه بشكل صحيح وفي وقت قياسي.
بيديك فرصه انك تتوسع في الحصول علي كم اكبر من المعلومات بشكل دسم.
بيخلي ثقتك في نفسك كبيره لأن جزئية انك اخدت شهادة مهنيه ك Self study دا انجاز عظيم وكبير وتحدي كمان مش عادي.
بيخلي عندك مهارة الالتزام عالية وبيدعمها جدا.
بيربي عزيمتك علي القوة والتحمل وانك تقدر تعمل أي حاجه برغم أي حاجه وبرغم أي ظروف وفي ظل عدم وجود إمكانيات.
اعرف ناس كتير ليهم قصص نجاح عظيمه في الشهادات المهنيه كself study .
صحبة ال IFRS DIP
قصدت اني أتكلم عن موضوع الصحبه وبالأخص صحبة ال IFRS ,ليه؟
بص يا غالي او يا غالية لما تيجي تكون عاوز تحقق حاجه ، حاول انك تتصاحب علي الناس اللي واخده الحاجه دي او الناس اللي بيدرسوا في الحاجه اللي انت بتدرس فيها او لسه هتدرس فيها , ليه ؟
عشان يشجعوك وياخدوا بايدك لو وقفت او توهت ، او حتي لو انت طلبت مساعده منهم مش هيبخلوا عليك وبالعكس هيكونوا دايما داعمين ليك لانهم في نفس المشوار وعقلياتهم نفس عقليتك.
لكن انت بتدرس ال ال IFRS او ال CMA ودايما بتحكي لحد في نفس مجالك بس مش بيدرس فيها وبالأخص لو كان قريب عليك او معاك في الشغل ، مش هتلاقيه داعم ليك ، بالعكس هتلاقيه حاقد عليك ودايما بيكون مصدر احباط ليك.
فالصحبه مهمه جدا في مشوارك في أي حاجه انت بتدرس فيها ، فحاوط نفسك بناس IFRS DIP HOLDERS وناس بتدرس في الدبلوم معاك في نفس الويندو اللي هتمتحن فيه، صدقني الموضوع هيفرق معاك جدا.
وحاول انك تنضم للجروبات الخاصه بال IFRS سواء علي فيس بوك او تلجرام او واتس اب ، ودول مفيش اكتر منهم دلوقتي.
ادرس ال CMA الأول ولا ال IFRS DIP
من وجهة نظري ادرس IFRS DIP الأول, طب ليه ؟
عشان
ارخص من ال CMA.
اقصر شوية من ال CMA.
هتفيدك اكتر في البداية من ال CMA.
اقرب لجانب المحاسبه المالية من الCMA لان ال IFRS DIP كلها محاسبة مالية بحتة.
الفرق ما بين ال IFRS وال US GAAP
تعتبر الـ IFRS نسخة مطورة من مبادئ المحاسبة المقبولة بحيث قامت بعلاج جوانب قصورها وساهمت في جعل عملية التداول التجاري أكثر مرونة وسهولة عم سبق؛ فينما اتصفت الـ GAAP بالجمود عند التعامل مع الإيرادات أو تغيير الأصول أو إعادة تقييمها، منحت الـ IFRS للعاملين وفقًا لها الصلاحية في تغيير الإيرادات وتغير الحقوق الملكية للممتلكات، بالإضافة إلى حرية تعديل الأصول وكذلك إضافة الإستثمارات العقارية كمصدر من مصادر الربح للمنشأة.
تختلف المعايير الدولية لإعداد التقارير المالية عن مبادئ المحاسبة مقبولة عمومًا في كونها أكثر ثابتًا عند تطبيقها، فالمعايير التي يتم تطبيقها في مصر هى هى التي يتم تطبيقها في الهند أو المملكة المتحدة أو حتى فرنسا، لكن على الصعيد الآخر وخاصة فيما يتعلق بتطبيق الـ GAAP في كندا والولايات المتحدة، فكلا من الدولتين، يطبقون المبادئ بطريقة تناسب النظام المالي الخاص بهم بما يتسق مع سياستهم الداخلية.
تختلف أيضًا الـ IFRS عن الـ GAAP فيما يتعلق بطريقة التعامل مع المخزون، فبينما تفضل المعايير الدولية لإعداد القوائم المالية التخلص من المخزون القديم أولًا بأول بطريقة First in First Out أو ما يعرف اصطلاحًا بالـ FIFO، تقوم مبادئ المحاسبة المقبولة عمومًا على طريقة الـ last in first out أو ما يعرف اصطلاحًا بالـ LIFO، والتى ترمز إلى التخلص من المخزون الأحدث أول بأول، بحيث تكون المنتجات الأحدث هى صاحبة الأولية في عملية البيع.
اختلاف آخر ما بين كلا من الـ IFRS والـ GAAP جعل الأول هي الأكثر شيوعا وتفضيلًا للاستخدام على المستوى الدولي؛ فبفضل معايير الـ IFRS امتلكت الشركات مرونة فيما يتعلق بتحديد التكلفة المبدئية للأصول الثابتة للمشروعات، بينما شددت مبادئ المحاسبة المقبولة عمومًا على رجال الأعمال بكتابة كل ما يتعلق بقيمة أصولهم الثابتة بدقة شديدة، تتعلق بقيمتها المالية والتاريخية كذلك، أما الـ IFRS فقد عالجت المشكلة بتوفير صلاحية التعديل والتغير الدائم بالزيادة أو النقصان طبقًا للمتغيرات السوقية المستمرة في القيمة التاريخية والمالية للمنشأت.
شوية نصايح
النصيحة الاولي:
انصحكم انكم تذاكروا علي IPAD وتحملوا برنامج اسمه NOTABILITY بصراحة المذاكرة والترتيب عليه والكتابة وكل حاجه عليه شيقة جدا جدا وبتسهل عليك الموضوع بشكل غير عادي، عن تجربة جربتها في ال IFRS DIP وحاليا بذاكر ال CPA من عليه وحاطط كل الماتريال علي البرنامج دا.
دا لينك بيشرح البرنامج ومميزاته وازاي تستخدمه.
https://www.youtube.com/watch?v=t2ezLLtCK2c&t=424s
النصيحة الثانية:
حط هدف واضح قدامك واسعي اليه، عشان لما يقابلك احباط او عزيمتك تقل، هيكون فيه هدف كل لما تفتكره هيرجعك تاني للسباق وللمباراة وتكمل بعدها، ودايما هتفتكر ان كل العناء والمشقه دي عشان هدف سامي انت وضعته لنفسك وبتسعي اليه بطريقة شريفة، علي عكس لو مفيش هدف، حتما مش هتكمل وهتقف في نص الطريق ومش هترجع تاني.
النصيحة الثالثة:
وانت بتدرس ال IFRS dip خلي هدفك انك تستفاد وتتعلم وتكتسب معرفة مش بتدرس عشان الامتحان ، صدقني الموضوع هيفرق معاك لو كان هدفك التعلم والاستفادة، ودا اللي حصل معايا، في المحاوله الاولي مكانش همي الاستفاده اوي، بسبب ضغط الشغل كنت بذاكر أي كلام وخلاص عشان الامتحان، كانت الاستفادة مش اوي والسكور بتاعي في الامتحان الأول كان 35%.
في المحاوله التانية، غيرت النية، بقي هدفي اني استفاد اكتر واركز في كل معيار، داه يخليني شارب المعايير وكلها مفهومه، وكان هدفي التفوق مش النجاح بس، ونتيجة لذلك السكور بتاعي في المحاوله التانية كان 72% بفضل الله وكرمة، شفت الفرق ايه؟.
النصيحة الرابعة:
اعمل خطة لنفسك علي مدار فترة دراستك للIFRS متذاكرش بعشوائية وبمزاج، اعمل خطة استراتيجية للفتره كلها، وبعد كدا اعمل خطط تكتيكية لكل شهر ، وقسم الشهر لخطط فرعية تانيه بحيث كل أسبوع ليه خطة ، مثلا هذاكر في الأسبوع الأول شابتر 1 و2، وهكذا كمان خطط لكل يوم، فمتسبش نفسك للهوائية والمزاجية، مش هتنجز ، ومش هتعمل حاجه، التخطيط مهم جدا جدا.
النصيحة الخامسة:
حاول تقلل سوشيال ميديا علي اد ما تقدر، حاول لما تيجي تذاكر تبعد الموبايل وكل وسائل الترفيه والتشتيت، الموضوع كارثي جدا.
النصيحة السادسة:
حاول انك تستخدم بعض برامج الإنتاجية في مذاكرتك زي مثلا:
• برنامج البرومودورو PROMODORO دا برنامج هيساعدك تقسم وقت مذاكرتك علي فترات قصيرة ب TIMER وكمان هياسعدك تتحكم في وقت راحتك فيه OPTION انك تعمله CUSTOMIZATION علي حسب الفتره اللي انت عاوزها سواء راحة او مذاكرة.
• برنامج TICKTICK دا برنامج للتخطيط وكتابة المهام ، دا برنامج اكثر من رائع.
النصيحة السابعة:
مذاكرة الفجر ، وما ادراك ما مذاكرة الفجر، بتخلي يومك يومين، وبيكون معدل التركيز فيه عالي جدا، فهتحصل بشكل عظيم في وقت الفجريه.
ما اجمل انك تنام بدري وتصحي بدري، هتصحي فايق اوي، تصحي وتصلي الفجر يا باشا، وتفطر أي حاجه، وتذاكركلك ساعتين قبل الشغل هيفرقوا معاك جامد، دا غير ان المذاكرة في اول اليوم افضل بكتير في اخر اليوم، لانك بتكون
خلاص جايب اخرك اخر اليوم، والمؤثرات اللي قابلتك من احباطات وحوادث في اليوم هتاثر علي تركيزك في اخر اليوم لما هتيجي تذاكر.
النصيحة الثامنة:
والله يا شباب دي اهم نصيحة وعن تجربة قوية.
الرياضة يا شباب، الرياضة يا شباب هتساعدكم في الإنتاجية وتنظيم حياتكم، الرياضة هتخليك دايما ACTIVE في كل حاجه، في شغلك، في دراستك، في تفكيرك، في كل حاجه صدقني، الرياضه وبالأخص الجيم، هو عامل كبير بعد فضل ربنا في نجاحي او اني انجز كذا حاجه في حياتي، فالرياضة الرياضة.
النصيحة التاسعة:
ذاكر يوميا ولو كم قليل حتي لو صفحة عشان بس تكون موجود في مود المذاكرة ومتقطعش، عشان لما بتقطع بيكون صعب انك ترجع، هترجع بس بصعوبة، فخليك دايما وسط، وقليل دائم خير من كثير متقطع.
النصيحة العاشرة:
اتعود انك تكتب كتير علي الكيبورد باللغة الإنجليزية لان داه يفيدك جدا جدا جدا في الامتحان ، لان سرعة كتابتك هتكون عامل قوي جدا لنجاحك في الامتحان.
أسئلة مكرره واجاباتها
Q AND A
متوسط مذاكرتي اليومية؟
كان من ساعتين الي ثلاثة.
طريقة مذاكرتي؟
بحضر الفيديو، بعد كدا اقرا الكتاب والخص وبعد كدا احل الأسئلة اللي علي الجزء دا.
هل ينفع امتحنها وانا طالب في الكلية؟
تقريبا لا ، لانهم من شروط معهد ال ACCA انك لازم تكون مخلص ومعاك خبرة 3 سنوات في المجال المالي.
ذاكرت منين؟
ذاكرت من فديوهات أستاذ محمد غازي، وفديوهين تلاتة من أستاذ محمد فوزي، وفديوهين تلاتة من أستاذ عبدالله عبدالنعيم، يعني كانت دراستي SELF STUDY.
كم نسبة النظري والعملي في ال IFRS DIP ؟
نسبة النظري كبيرة جدا في الدبلوم، تقريبا ممكن اكتر من 50% والعملي برضه كتير ، فنجاحك معتمد علي انك تفهم وتحفظ النظري وتفهم العملي كمان.
افضل حد بيشرح الدبلومه؟
لو تقصد اللي علي اليوتيوب
حتي الان (يوليو 2022) اللي شارحها كلها أستاذ عبدالله عبد النعيم
فأكيد انت هتتابع معاه، إضافة ان شرحه رائع جدا
باقي المحاضرين شارحين بعض المعايير مش كلها وبرضه شرحهم كويس
الفكرة عندك انت شوف حابب تتابع مع مين من خلال انت شايف مين اللي مرتاحله وهتفهم منه وتابع معاه.
ايه الصعوبات اللي واجهتك؟
• ضيق الوقت.
• السوشيال ميديا.
• الغربة.
ايه الأخطاء اللي وقعت فيها؟
بعد ما خلصت ال CMA استهونت بال IFRS وما عطيتهاش حقها وحجمها الحقيقي، ودا كانت نتيجته اني متوفقتش من اول محاوله.
مكنتش عارف تكنيك الاجابه ازاي اوي، لان تكنيك الاجابه في ال IFRS مختلف اختلاف جذري عن ال CMA وباقي الشهادات المهنيه.
مع تحيات مكتبتكم فاست برنت
00201120417111
00201111614815
ALL ABOUT IFRS
