10/04/2025
【強烈不滿】特區政府強烈反對同不滿美國向香港產品進一步加徵所謂對等關稅，以及由 5 月 2 號起取消香港產品嘅小額免稅待遇並調高付運美國而內載貨品嘅郵件需繳納嘅關稅。
特區政府發言人表示，美國唔再奉行自由貿易，肆意破壞國際共同建立嘅世界貿易組織規則，嚴重破壞多邊貿易體制同全球化進程，擾亂全球供應鏈，做法霸凌無理。
發言人表示，美國針對從來唔設關稅嘅香港加徵所謂對等關稅，完全違反常理，脫離事實，充分突顯其為打壓對手嘅野蠻行為。
美國由 5 月 2 號起取消香港寄往美國物品嘅小額免稅安排，美國繼續不停單方面修改政策，對市民造成極度混亂同不便，寄件往美國嘅香港市民亦需要有心理準備要就美方霸凌無理嘅行為因而繳付高昂嘅費用。香港郵政絕唔會代收所謂關稅，香港郵政暫時仍維持寄件往美國嘅郵遞服務，稍後會公布暫停處理寄件往美國郵遞服務嘅安排。
特區政府會繼續密切審視同評估美國違反公平貿易嘅單邊行為，並採取措施捍衞香港嘅合法權益，包括按世貿組織爭端解決機制作出申訴。同時亦會同商界保持緊密聯繫，共同應對美國嘅無理脅迫。
新聞公報：https://bit.ly/4jqMUYN
#美國 #香港產品 #對等關稅 #關稅 #小額免稅待遇 #世界貿易組織 #自由貿易 #香港郵政
