10/07/2025
تمام ٹیکس دہندگان کے لیے اہم پیغام 🔔
اگر آپ فائلر بننے کا ارادہ رکھتے ہیں تو براہِ کرم ان سستے اور غیر تربیت یافتہ افراد سے بچیں جو صرف ,2000 یا 2500 روپے میں ریٹرن فائل کرنے کی پیشکش کرتے ہیں۔ یہ لوگ عموماً ٹیکس قوانین کا محدود علم رکھتے ہیں۔ وہ صرف آپ کی بنیادی معلومات لگا کر ریٹرن فائل کرتے ہیں اور آپ کا نام ATL (ایکٹو ٹیکس پیئر لسٹ) میں شامل کروا دیتے ہیں۔ آپ خوش ہو جاتے ہیں کہ اب آپ فائلر بن گئے — لیکن حقیقت میں یہ آدھا سچ ہے۔
ایک پیشہ ور ٹیکس کنسلٹنٹ کا کام بالکل مختلف اور سنجیدہ انداز میں ہوتا ہے۔ وہ:
✅ آپ کی مکمل مالی و آمدنی کی تفصیلات لیتا ہے
✅ آپ کی معلومات کو FBR کے MIS (مینجمنٹ انفارمیشن سسٹم) سے چیک کرتا ہے
✅ ریٹرن کو درست طریقے سے متعلقہ ہیڈز اور سیکشنز میں ایڈجسٹ کرتا ہے
✅ تمام ٹیکس قوانین کے مطابق فائل تیار کرتا ہے — تاکہ آڈٹ یا جرمانے کا خطرہ کم ہو
جن افراد نے سستے اور شارٹ کٹ طریقے سے "فائلر" بننے کی کوشش کی ہے، ان کو مشورہ ہے کہ وہ کسی پروفیشنل کنسلٹنٹ سے اپنی فائل کا آڈٹ کروائیں۔ آپ کو اندازہ ہوگا کہ فائل میں کتنی غلطیاں یا غلط کلاسیفیکیشنز موجود ہیں، جو بعد میں نقصان کا باعث بن سکتی ہیں۔
اگر آپ کا کیس آڈٹ کے لیے منتخب ہو گیا — تو آپ کو نوٹسز یا جرمانوں کا سامنا کرنا پڑ سکتا ہے۔
اور تب یہی لوگ جو شروع میں پروفیشنل کی فیس سے بچ رہے تھے، انہی ماہرین کے پاس دوڑتے ہوئے آئیں گے کہ:
"یہ نوٹس آگیا، اب کیا کریں؟"
👉 تو براہِ کرم: آغاز سے ہی کسی ماہر اور رجسٹرڈ ٹیکس کنسلٹنٹ کی خدمات حاصل کریں۔
اور یاد رکھیں: اپنے کنسلٹنٹ سے کہیں کہ وہ آپ کا FBR پورٹل پر اپنے کلائنٹ کے طور پر ربط (link) کریں — تاکہ FBR کو علم ہو کہ آپ کی فائل کسی ذمہ دار اور مستند ماہر کے ذریعے ہینڈل ہو رہی ہے۔
اس سے آپ کی ساکھ اور کمپلائنس بہتر ہوتی ہے۔
