13/01/2023
MOENIE DIE FOUT MAAK OM TE D**K DAT DIE GOED VAN DIE WÊRELD JOU KAN GELUKKIG MAAK.
Johannes 16:10-11 "As julle my gebooie bewaar, *sal julle in my liefde bly*, net soos Ek die gebooie van my Vader bewaar en *in Sy liefde bly*.
Dit het Ek vir julle gesê, dat *my blydskap in julle kan bly en julle blydskap volkome kan word*.
As daar een ding is wat jou kan help om vry en gelukkig te wees dan is dit om na Jesus se woorde wat Hy gespeek het te luister en ook te doen wat Hy sê.
Lees verder of luister op audio by: https://on.soundcloud.com/iuBSD
Hebreers 13:5 "Julle gedrag moet vry van geldgierigheid wees. Wees tevrede met wat julle het, want Hy het gesê: Ek sal jou nooit begewe en jou nooit verlaat nie".
In ons vinnige en moderne wêreld is dit moeilik om nie voortdurend iets nuuts te wil hê nie, iets beter, iets mooier, iets vinniger en baie keer ook iets duurder net om ander te beïndruk en beter oor jouself te voel.
Of dit nou jou motor, jou huis, klere en tegnologie is, mense is oor die algemeen altyd op soek na maniere om hulleself te wil verbeter en te wil verryk.
Mense soek altyd die volgende beste ding. Die probleem van hierdie siklus van strewe en tydelike tevredenheid is nimmereindigend.
Die enigste manier om jouself daarvan te bevry is dat jy een of ander tyd tevrede moet raak met wat jy het en wie jy is; en die beste tyd is natuurlik vandag of nog beter "NOU" of hierdie oomblik.
Dit beteken nie dat jy nooit verbeterings in jouself of jou lewensgehalte soek nie, maar dit beteken dat jy bewus moet raak van hoe gelukkig jy regtig is, en om eenvoudige vreugdes in die alledaagse lewe te te vind en vir elke oomblik moet leef.
Min mense besef dat ware vreugde en vrede iets is wat jy "is" en dat dit nie bepaal word deur wat jy besit of nie besit nie.
Jesus leer ons dat dit omtrent onmoontlik is vir 'n ryk man om in die koninkryk van God in te kan gaan - Mattheus 19:22-24 "En Jesus sê vir sy dissipels: Voorwaar Ek sê vir julle *dat ’n ryk man beswaarlik in die koninkryk van die hemele sal ingaan*.
En verder sê Ek vir julle, dit is makliker vir ’n kameel om deur die oog van ’n naald te gaan as vir ’n ryk man om in die koninkryk van God in te gaan".
Ten spyte van hierdie waarskuwing begeer mense nog steeds om ryk te word want die natuurlike mens word omtrent 100% deur vrees en begeertes beheer - 1Timotheus 6:6-11 "Maar die godsaligheid saam met vergenoegdheid is ’n groot wins.
Want *ons het niks in die wêreld ingebring nie; dit is duidelik dat ons ook niks daaruit kan wegdra nie*.
*Maar as ons voedsel en klere het, moet ons daarmee vergenoeg wees*.
Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang.
Want die *geldgierigheid is ’n wortel van alle euwels*; en omdat sommige dit begeer, het hulle afgedwaal van die geloof en hulleself met baie smarte deurboor.
Maar jy, man van God, *vlug van hierdie dinge weg*, en jaag ná die geregtigheid, godsaligheid, geloof, liefde, lydsaamheid en sagmoedigheid.
Om die heeltyd te moet presteer om goed en belangrik te lyk of te voel beroof jou van lewensvreugde en plaas jou die heeltyd onder onnodige druk.
Hier is 'n paar idees om jou te help om tevrede te wees met wat jy het en nie jou fokus die verlede (wat verby is), of die toekoms (wat nog nie bestaan nie) te maak nie.
1. VIND VREUGDE IN EENVOUDIGE DINGE.
D**k aan en reflekteer oor die positiewe en gelukkige herinneringe.
Die herinneringe en ervarings wat die meeste vreugde bring, is dikwels van 'n basiese, alledaagse soort.
Jy mag byvoorbeeld vreugde vind om saam met 'n vriend golf te speel, saam met vriende te kuier, met jou kinders te speel, alleen deur die bos te loop of 'n goeie boek te lees.
Om bewus te wees van hierdie eenvoudige dinge kan jou help om meer op NOU te fokus en nie op probleme nie.
2. WEES BEWUS VAN JOUSELF EN JOU OMGEWING.
Raak bewus van jou interne gedagtes en gevoelens, sowel as jou eksterne omgewing en liggaamlike sensasies.
Kweek 'n bewustheid van NOU want dit sal jou help om in die oomblik te bly in plaas van om die heeltyd te droom en te beplan oor wat jy kan doen om meer dinge te kan bekom of om meer aandag en aanvaarding te kry.
Moenie onnodig in jou gedagtes ronddwaal nie, raak bewus van jou omgewing en sien wat NOU hier by jou en om jou is, luister na die voëls as jy stap, dit is wanneer ons teenwoordig is waar ons is dat ons meer bewus raak van God wat by ons en in ons is - Efesiërs 4:6 "*Een God en Vader van almal wat oor almal, deur almal en in julle almal is*.
Onthou dat jou emosies nie in beheer is van jou nie; jy is in beheer van hulle. Jou emosionele reaksies definieer jou nie, Jesus Christus doen.
D**K DOELBEWUS MEER AAN WAT POSITIEF IS
Filippense 4:8 "Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is — watter deug en watter lof daar ook mag wees, bedink dit.
En wat julle geleer en ontvang en gehoor en in my gesien het, doen dit, en die God van vrede sal met julle wees.
Ons moet meer fokus op dit wat reg is as dit wat verkeerd is, maak 'n punt daarvan om jouself met positiewe gedagtes te vul.
3. WEES VRYGEWIG.
Om selfsugtig te wees en nie te wil deel nie veroorsaak dat ons net nog meer wil hê.
Baie mense word vasgevang in die siklus van "bly by die Jones's" en jaag om die nuutste style, speelgoed, motors en tegnologie te bekom.
Al hierdie begeertes om meer te wil hê is direk in stryd met die doel om tevrede te wees met wat jy het.
Om vrygewig te wees kan jou help om hierdie selfsugtige gevoelens te oorkom.
Begin om te deel wat jy het, beide in terme van tyd, jou talente en materiële goedere.
Kyk in jou kas en garage na dinge wat jy nie meer gebruik of gebruik het vir 'n paar maande nie.
Speelgoed, ou boeke wat jy nooit weer sal lees nie, en klere is van die mees algemene dinge wat ons in die loop van ons lewens ophoop.
As hulle jou nie meer opgewonde maak nie, pak hulle in 'n boks of sak en skenk dit aan behoeftige of hawelose mense.
Een broek of h**p wat vir jou niks beteken nie kan baie waardevol en betekenis hê vir iemand wat niks het nie.
4. WEES DANKBAAR.
Begin om dankie te sê vir die klein dingetjies wat jy het.
Dit is maklik om dankbaar te wees vir al die klein dinge in jou lewe. Wees dankbaar vir jou gesondheid. As jy byvoorbeeld inasem, wees bly dat jy lewe en dat God in en deur jou leef - Efesiers 4:6 " een God en Vader van almal, wat oor almal en deur almal en in julle almal is.
As jy wakker word en jou oë soggens oopmaak, wees dankbaar hoe gelukkig jy is om oë te hê wat kan sien.
As jy televisie kyk saam met jou familie of vriende of saam braai, wees dankbaar dat daar sulke wonderlike mense is om tyd saam met jou te spandeer.
Onthou om dankbaar te wees vir die basiese goed wat die meeste van ons het, soos kos, 'n huis, familie, vriende en werk.
As dit ontbreek moet nie in sak en as gaan sit nie, wees dankbaar dat jy God ken want Hy gaan jou omstandighede spoedig verander as jy besluit om Hom jou fokus te maak en nie jou omstandighede of tekortkominge nie.
Psalm 37:25 "Ek was jonk, ook het ek oud geword, maar nooit het ek die regverdige verlate gesien, of dat sy nageslag brood soek nie"
Psalm 34:10 "Die jong leeus ly armoede en het honger; maar die wat die Here soek, het geen gebrek aan enigiets nie.
Hou 'n dankbaarheidsdagboek. Skryf al die dinge waarvoor jy daagliks dankbaar is in jou dankbaarheidsdag.
Dit maak nie saak of daar herhaling is vir sommige dinge waarvoor jy op verskeie dae dankbaar is nie, die Bybel sê in 1 Thessalonisense 5:18 " Wees in alles dankbaar want dit is die wil van God in Chritus Jesus oor julle lewe"
5. LEER OM BEWUS TE RAAK VAN JESUS CHRISTUS WAT IN JOU IS.
2 Korinthiers 13:5 "Ondersoek julself of julle in die geloof is; stel julself op die proef. Of is julle nie seker van julself dat Jesus Christus in julle is nie".
Daar is baie probleme in die wêreld en in ons eie lewens maar daar is net een oorsaak vir dit alles, die mens se onvermoë weens 'n gebrek aan kennis om God wat in hulle bly te ontdek en te beleef.
Probleme en vrees veroorsaak dat ons fokus weg van God af raak en meer uiterlik word.
Dit is wanneer ons in die verlede en toekoms in ons gedagtes dwaal dat ons *God mis wat NOU in ons en deel van ons is*.
Jesaja 40:28-31 "Weet jy dit nie? Of het jy dit nie gehoor nie? ’n Ewige God is die Here, Skepper van die eindes van die aarde; Hy word nie moeg of mat nie; daar is geen deurgronding van Sy verstand nie.
*Hy gee die vermoeide krag en vermenigvuldig sterkte vir die wat geen kragte het nie*.
Die jonges word moeg en mat, en die jongmanne struikel selfs; *maar die wat op die Here wag, kry nuwe krag*; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.
ONTHOU DAT JY ALREEDS ALLES VAN GOD ONTVANG HET WAT NODIG IS OM GELUKKIG TE WEES.
2 Petrus 1:3-4 “IMMERS, *Sy goddelike krag het ons alles geskenk wat tot die lewe en godsvrug dien*, deur die kennis van Hom wat ons geroep het deur Sy heerlikheid en deug, waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is.
Dank God vir alles wat Hy jou gee, dit is genoeg om te lewe en deel van die goddelike natuur te word.
GEBED
Vader, leer ons om op U te wag om versterk te word en nie op ons eie wysheid en krag staat te maak wat nooit werklik permanente vreugde en geluk kan bring nie.
U is ons asem, ons lewens en ons alles.
SKRIFTE OM TE MEMORISEER
Hebreers 13:5, Jesaja 40:28-31, Efesiërs 4:6.
PERSOONLIKE VRAAG ON OOR NA TE D**K
Is ek dankbaar vir wie ek is en wat ek het of streef ek daarna om myself te wil verryk ten koste van my verhouding met God en mense.
DEEL ASSEBLIEF DIE BOODSKAP
Stuur vir ons 'n WhatsApp na 079 610 9175 en die woord TEKS of AUDIO as u ons daaglikse oordenking op WhatsApp of Telegram op audio of teks wil ontvang.
Paul Stander
Facebook - Jesus Christus Leef in Jou
[email protected]
