04/08/2022
نرجو المتابعه علي الصفحه الجديده للمؤسسه
الفاتورة الإلكترونية بقت إلزامية لكل الشركات المسجلة بمناطق (القاهرة - الجيزة - القليوبية).
فيه 38 شركة أخرى تم تحويلهم للنيابة بعد إرسال إنذارات لهم لعدم تسجيلهم في الفاتورة الإلكترونية .
متضيعش شركتك بإيدك وسجل في برنامج الفاتورة الإلكترونية.
إزاي تسجل في الفاتورة الإلكترونية؟
لازم تسجل على موقع مصلحة الضرائب أولًا عشان تتعامل بالفاتورة الإلكترونية، وهتحضر بعض الأوراق في البداية.
إيه البيانات المطلوبة للتسجيل في الفاتورة الإلكترونية؟
طبقًا لمصلحة الضرائب المصرية، البيانات المطلوبة لاستخراج الفاتورة الإلكترونية (مع إرفاق صور لكل الأصول):
• رقم تسجيل الشركة
• البريد الإلكتروني للشركة
• رقم هاتف – موبايل الشركة
• اسم مفوض الشركة (باللغة العربية – والإنجليزية)
• أصل الرقم القومي للمفوض
• رقم موبايل المفوض
• البريد الإلكتروني للمفوض
الخطوات اللازمة للاشتراك في الفاتورة الإلكترونية:
• هتروح مأمورية التابع لها وتقدم التفويض ولازم يكون التفويض معتمد من الشركة بتوقيع بنكي، أو المفوض يقدم صورة التوكيل الرسمي من صاحب الشركة.
• يستلم الممول صورة من التفويض ولازم تكون الصورة مختومة بختم المأمورية.
• ترسل إيميل للمأمورية التابع لها وترفق بالإيميل:
1- صورة التفويض المختومة من المأمورية
2- صورة شهادة التسجيل الضريبي
3- صورة بطاقة الرقم القومي للمفوض
ولما تنساش يكون الإيميل – Subject يكون فيه اسم الشركة – رقم التسجيل – الغرض من الإرسال
هل بتختلف البيانات المطلوبة في تسجيل الفاتورة الإلكترونية باختلاف الشركة؟
نعم، لأن لكل شركة وضع خاص ببها، زي الممول نفسه وصاحب الشأن وغيرها،
إزاي تسجل الفاتورة الإلكترونية على موقع الضرائب المصرية؟
توقع أن يوصلك إيميل من مصلحة الضرائب فيه مبعاد التسجيل، بعدها تتوجه إلى المأمورية التابع لبها في اليعاد لتقديم أصول المستندات ، والحساب الرقمي هيكون جاهز في خلال 48 ساعة من مبعاد التسجيل.
الخطوة الثانية: تفعبل التوقيع الإلكتروني, بس إيه هو التوقيع الإلكتروني؟
ببساطة، هو توقيع رسمي للممول بيثبت هوية المستخدم داخل المنظومة الإلكترونية، ويتم الاعتماد عليه بشكل كامل، فلا يمكن منح المصلحة الصلاحية لأي مستند أو فاتورة إلا بعد توقيعه إلكترونيًا، وذلك لضمان الأمان والخصوصية.
أيه هي الأوراق اللازمة لتفعيل التوقيع الإلكتروني؟
• صورة البطاقة الضريبية
• صورة إثبات شخصية المسؤول
• صورة صحيفة الاستثمار
• صورة المستخرج الرسمي للسجل التجاري
بعد تحضير الأوراق تتوجه لأي من الجهتين:
• شركة مصر للمقاصة للإيداع والقيد المركزي
• الشركة المصرية لخدمات التوقيع الإلكتروني
الخطوة الثالثة: التكامل مع منظومة الضرائب المصرية
لازم تضبط جهازك بالتقنيات المتكاملة مع موقع مصلحة الضرائب المصرية لتسهيل تبادل البيانات ومراجعة الفواتير والفحص الضريبي،
الخطوة الرابعة: تسجيل الحساب الخاص
في الخطوة ديه هتقوم بإنشاء حساب رقمي للدخول على المنظومة وإدارة المفوضين و من خلال إدخال بعض البيانات الخاصة بالمفوض:
• الاسم الأول
• الاسم الأخير
• الرقم القومي
• البريد الإلكتروني
بعد إنهاء خطوة التسجيل الأولى، هتستلم دعوة من مصلحة الضرائب على البريد الإلكتروني الخاص ببك، وتقوم بفتح الدعوة واستكمال البيانات المطلوبة عشان تقدر تسجل الحساب الرقمي.
تأكد من رقم الموبايل االلي هتسجله عشان هيوصلك كود التأكيد أثناء متابعة التسجيل، وهو كلمة مرور لمرة واحدة OTP
الخطوة الخامسة: التكويد
يعتمد نظام مصلحة الضرائب على نوعين من التكويد:
• نظام التكويد العالمي GS1
• نظام التكويد الداخلي EGS
إيه هو نظام تكويد GS1؟
هو نظام تكويد عالمي معتمد من مصلحة الضرائب ، ومن مميزاته أنه كود مميز لا يتشابه مع أي كود آخر، لتسهيل معاملاتك، مش بس في الفاتورة الإلكترونية وإنما بكود بيفضل ملاصق للمنتج/الخدمة الخاصة ببك في حالة التجديد السنوي مع GS1 بأكواد GTIN، وممكن تستخدمه في كل الأنشطة في المستقبل، زي التجارة الإلكترونية وبيع منتجك أونلاين أو على منصات عالمية زي أمازون.
ويعني إيه GTIN؟
الأحرف الأربعة GTIN اختصار لـ Global Trade Item Number وممكن تستخدمه عالميًا بكل سهولة.
رمز GTIN بيتكون من إيه؟
• العلامة التجارية المالكة للمنتج/للخدمة
• وصف دقيق للمنتج.
• الوزن الكلي.
• وحدة قياس الوزن/الحجم.
• البلد/ السوق المستهدفة لبيع المنتج
• التصنيف العالمي للمنتج
بعد شراء أكواد GTIN من GS1 ممكن تسجيل بيانات المنتجات على حسابك في موقع GS1 وتبحث عن الأكواد دي على مصلحة الضرائب أثناء إصدار الفاتورة الإلكترونية وهتحمل البيانات الكاملة لمنتجاتك/خدماتك عشان الأكواد تنشاركها مع مصلحة الضرائب في خلال 24 ساعة فقط عشان يوفر وقت وانتظار قبول أو رفض الأكواد.
أو تتواصل معانا ونقوم بالنيابة عنك بكل الخطوات ديه بدون إضاعة لوقتك ومجهودك اللي ممكن تسغله في تطوير شركتك.
مكتب FPA خبراء لأكثر من عشرون عاماً في المحاسبة القانونية والضرائب عضو بجمعيه الضرائب المصريه وبالجمعيه المصريه للماليه العامه و الضرائب
لمزيد من المعلومات يرجى التواصل على: +20 1003744613
