Hvad er åbningstiderne?

Mandag 08:00 - 16:00 Tirsdag 08:00 - 16:00 Onsdag 08:00 - 16:00 Torsdag 08:00 - 16:00 Fredag 08:00 - 16:00

KNAPK

Ring Rutevejledning Website

Kalaallit Nunaanni Aalisartut Piniartullu Kattuffiat | Fishers and Hunters Association in Greenland

28/07/2026

Ataqqinartoq Pavia Nielsen ullumikkut 90-inik ukioqalerpoq, sulilu angalaniartarluni.

Pavia KNAPK-mi Siulersuisuunernut ilaasortaasimavoq 1973-imiit 1997-imut, 1989-imiit 1991-imut Siulittaasutut qinikkatut inisseqasimavoq, siulittaasutut qinigaaqqalluni Inatsisartunut aamma qinigaavoq, KNAPK-llu malittarisassai malittariaqaramigit Siulittaasutut tunuarsimalluni, inatsisartutullu sulinermini Aalisartut Piniartullu Sullinneqarnerat ingerlatiinnarneqarpoq.

Pavia 1973-mi KNAPP-p ataatsimeersuarnerani siulersuisunut ilaasortanngorpoq, kingusinnerusukkullu siunnersuuteqarnermigut KNAPP-i kattuffiup maannamut taaguutaa KNAPK-mik taaguuteqalernissaa akuerisaatippaa, tassalu Kalaallit Nunaanni Aalisartut Piniartullu Kattuffiat.

Taassumallu saniatigut Kattuffiup ullorsiortarfeqalernissaa aamma suliaanut ilaasimapput, siunnersuutigivimavaa ulloq 12. juni eqqorlugu kattuffiup ullorsiortarfigissagaa, kisiannili bundgarnersortarfiup nalaaniippallaaralugu ataatsimeersuartunit akuersaarneqarsimanngilaq, ullorsiortarnerlu 15. november ullorsiortarfissatut toqqarneqarluni, taamaalilluni KNAPK-p ullorsiortarnera ataavartumik inissinneqarneranut Pavia tunngaviliisoqataalluinnarsimavoq.

Pavia Nielsen-imut tunngasut eqqaasassarpassuugaluarput siulianili Kattuffeqarnikkut taasannguit marluk suli ullumimmut taaguut nalliuttorsiortarnerlu Pavia-mit tunngavilerneqarsimasut KNAPK-i sinnerlugu qujassutissaapput.

Pavia 90-inik ukioqalerninni ilaquttatillu tamassi pilluangaaritsi ullorlu atorluarisiuk

KNAPK-i
Sinnerlugu

Pele Blytmann
Siulittaasoq

20/07/2026

Aluukkut

Piffissami kingullertigut tamat oqallittarfiini sinerissap qanittuani kangerlunni qalorsorluni saarullinniarneq ingerlanneqartoq ilaatigut allanneqartarpoq KNAPK-miit akuersaarneqartoq.

Ilisimatitsissutigineqassaarli KNAPK-mi Siulersuisuunerit kangerlunni aqutaanngitsumik qalorsorluni saarullinniarneq akuersaanngimmassuk, akuersaartutullu isummersortitsinerit eqqortuunnginnerat matumuuna Siulittaasutut siulersuisuunerit sinnerlugit naqissuserusukkakku.

inussiarnersumik inuulluaqqusillunga

Pele Blytmann
KNAPK-mi
Siulittaasoq

13/04/2026

Anda Karl Egede-imut Eqqaaniut

Nuummi Aalisartut Piniartullu Peqatigiinni Ataqqinaammik ilaasortaq Anda Karl Egede toqukkut qimagussimasoq kalerrinneqarpugut, Anda Karl ukiorpassuarni nuummi aalisartutut pingaarutilittut inissisimajuarsimavoq aammalu peqatigiiffilerinermut toqqaannartumik siulersuinernut peqataanngikkaluarluni isummaminik aamma tunioraajuartuuvoq siunnersuisarlunilu, tamaattumik Anda Kaali annertuumik eqqaamaneqaatissaminik peqatigiiffimmut tunniussaqarluarsimavoq.

Anda Karl Egede eqqaaneqarnera ataqqinartuuli, mannalu iluatsillugu ilaqutaanut kammalaataanut maanilu aalisartunut misiginneqataanera KNAPK-mi Siulittaasutut siulersuisut sinnerlugit annguppara.

Tulluartutut isigivara ikinngutaata Nikolaj Heinrich-ip eqqaaniaanermini allagaa matumuuna ilanngutissallugu, Nikolaallu akuersineratigut matumuuna allagaa imatut imaqartoq:

Inuk nunaminut ernerulluartoq, nunagisaminut, pingaartumik nunatsinni illoqarfiit annersaannut Nuummut sunniuteqaqaluni, ernerulluarluni ukiorpassuarni inooqataasoq Anda Kaali Egede unnummut napparsimaviisuarmi Nuummiittumi eqissivoq.

Anda Kaali suli meeraalluni inuiaqatigiinni pisussafigisani atorlugu inuiannguit kalaaliusut inuutissarsiutitut tunngavigisaat aalisarneq, ilaatigullu piniarnermik akusarlugu pikkoreqaluni ingerlatilerpai, ukiorpassuarni inuiaqatigiinni tusaamasalluni pikkoreqalunilu aalisartutut inooriaatsini aallullugu pigami suli inuusoqaluni qatanngutini ilaquttanilu ilatigut peqatigalugit aalisariutinik pisaartalerpoq, sulilu inuusulluni angajuni Vittu ernini jorngunilu annikinnerusumik piginneqatatilugit kilisaammik rajarniummik nioqutissiorfiusunik pisaarpoq, tamannalu sioqqullugu alisariutinik alliartortitaminik angisuunik pisaartorluni, inuiaqatiminut maligassiuilluartuusut taaneqartariariaqalerluni.

Anda Kaali inuutissarsiornermini pikkorilluni ingerlatsinermini, aqqusinermi ilaani suleqatigisaminit ippinaateqartutut isikkoqartunik pineqanermi kingorna inooriaatsimigut allanguvivoq, immalli pissaritaanik atuinini millisikkaluarlugu taamaattoq inoriatsip tamatuma pingaarutaa, aammalu atorluaraanni kingunerisinnaasai inuiaqamminut nittarsaatuartarpai, tamannalu tunngaviulluinnarluni inuiaat kalaallit nunatsinniittut pingaartunik rajarniarnerup iluani anertuumik siuariartulerput. Ullumilu ima siuarsimatigilerlutik inuiaat inuannut allanut sanilliuttutut piulerput.

Anda Kaali utoqqalinermini inuusunnermisut imaani inuutissarsiutigisani ingerlasinnaajunnaaramiuk sorngunami tamanna eqqarsariaasianut aamma sunniuppoq, ilaquttani minnerunngitsumik ukiorpasuarni nuliannguani ilagalugit utooqalinini atorpaa. Unnumullu sivitsortumik nappatigisani timiminiittoq pigereerlugu qasuerfissaminut eqqisilluni iserpoq.
Inuk ulluinnarni inuttut nalinginnaasutut iskkoqartoq, eqissilluni sinilernerata takutippaa inuugallarnermini inuiaqatigiit pillugit ilutsinni suliaqangaarsimalluni inuuneq atugarisani qimakkaa, eqqissilluinnarluni sinilersimavoq iteqqissanani, kiina pilluarpasippoq, sumik ersissuteqarni ornitani iserfigivaa, nuliannguani, meeqqani, ilaquttani ikinngutini, nunaqatinilu qimallugit qasuerfissaminut eqqissilluinnarluni iserpoq.

Anda Karl Egede nunannut inuiaqatinnullu ernerulluareerlutit nunat inuiaqatitillu qimappatit.

Eqqaaneqarnerit ataqqinartuuvoq

Perersunut qujalluta, apuuffissanut apuulluarnissannik kissaallutit ukiorpassuarni ikinngutit
Nikolaj Heinrich.

10/04/2026

Kingumut KNAPK-i aalisarnermut saqqummersitsinermut peqataassaaq, taamaattumik Sinerissamiit soorunami aamma Nuummi Aalisarnermik Piniarnermillu inuussutissarsiuteqartut takunissaat saqqummersitsivimmi qilanaarivatsigit.

Takuss.

09/04/2026

Gaba Sandgreen-imut eqqaaniut.

Ippassaq kalerrinneqarpugut Gaba akornatsinniikkunnaarsimasoq 8. april 2026.

Gaba inuuvoq nuannersoq peqatigalugu soqutiginartuaannartoq naak nipituuliortorsuunngikkaluarluni oqaloqataanissamut suleqataanissamullu ammajuaannartoq.

Gaba Sandgreen 1973-mi raajarniutaarpoq namminerisaminik, raajarniarnermilu ingerlataqarnini tamaat KNAPK-mut aalajaattuaannartumik peqataajuartuuvoq, taamaasilluni illoqarfimminut Ilulissani raajarniarnermini pilersuinermik ingerlataqartuarpoq allat peqatigalugit.

Gaba raajarniarnermik inuussutissarsiuteqarnermi nalaani aamma avatitsinni aalisarnermut tunngatillugu saqqummersitsinernut peqataajuartarpoq pissutsinut malinnaarusulluni, saqqummersitsinernilu peqataanermigut kalaallit allat peqataasut peqatigisarpai nuannaarnermillu tunniussaqalaarnissani takutittuartarlugit.

Gaba Sandgreen-ip eqqaaneqarnera ataqqinartuuli.

Ilaqutaasut kammalaataasut tamarmik matumuuna misiginneqatigingaarpagut.

Pele Blytmann
KNAPK-mi
Siulittaasoq

08/04/2026

Matumuuna nalunaarutigissavarput KNAPK-i kiisalu Royal Greenland A/S, nipisat suaannut atsioqatigiiffiunngikkaluartoq akit pillugit isumaqatigiittoqarpoq.

Royal Greenland-eqarfinni nipisat suaat kiilumut 40 kr./kg. + 1 kr. bonus isumaqatigiissutigineqarmat.

Taassuma saniatigut Nuummi Royal Greenland-imut 42,00 kr./kr. + 1 kr./kg. bonus akeqartinneqassapput, tamatumunnga pissutaavoq maani tigooraavissat arlaqartussaammata.

Taassumallu saniatigut isumaqatigiissutigineqarpoq aalisakkat allat pillugit annertunerusumik oqaloqatigiittarnissat akulikinnerusumik ingerlanneqartarnissaat.

31/03/2026

KNAPK-p Arctic Roe ApS akunnerminni nipisat suaanik akinik isumaqitigiissuteqartoqarpoq.

Arctic Roe ApS Nuummi nipisat suaanik tigooranissaminut KNAPK-lu akimik minnerpaaffiusumik isumaqatigiissuteqarput.

Nipisat suaanut kiilumut 35,00 kr. isumaqatigiissutaavoq.

KNAPK-miit neriuutigineqarpoq tunisassiorfiit aamma allat akinik minnerpaaffimik isumaqatigiissuteqarfigineqarsinnaanissamut piumassuseqarumaartut.

KNAPK

18/03/2026

Ugguuna ilisimatitsilaarpunga ullumikkut nassiunneqarpoq KNAPK-p immikkoortortaqarfiinut tusarniut.

Taannalu imaqarpoq nipisanniarnerup aallartinnissaanut qaqugu peqatigiiffiit innersuusserusunnersut.

KNAPK-mut immikoortortaqarfiit akissutissartik nassiutereersimassavaat Sapaatiuppat 22. marts 2026.

Aalisarnermut pisortaqarfimmut KNAPK kingusinnerpaamik akissuteqartussaavoq 23. marts nalunaaqutaq 12:00

qilanaarpugut tigusaqarnissatsinnut.

ik.in.
Niels Boassen
KNAPK-mi
Pisortaq

19/02/2026

Aluukkut Kalaallit Nunaanni Aalisartut Piniartullu Peqatigiiffii,

ulloq 16. februat Nipisat pillugit tusarniut ingerlanneqarpoq email-ikkut, taamattumik Email-ersi alapernaalaarniarisiuk.

arlaatigut annguttoqarsimanngippat KNAPK-mi allattoqarfik tutsaqarfigiinnassavarsi uunga: [email protected]

inussiarnersumik inuulluaqqusilluta

KNAPK

05/02/2026

Ullumikkut Kalaallit Nunaanni Aalisartut Piniartullu Kattuffiani Siulittaasorput Pele Blytmann 60-inik ukioqalerluni inuuissiorpoq.

Taamaattumik Siulersuisuunerit kiisalu sulisut sinnerlugit inuuinik pilluaqquarput ullorlu atorluarnissaanik kissaallugu.

I dag er Sammenslutingen af Fisker & Fangernes Formand Pele Blytmann 60 års fødselsdag, på vegne af bestyrelsen og medarbejderne siger tillykke med dagen og goddag for ham.

Adresse

Nuuk
3900

Åbningstider

Mandag	08:00 - 16:00
Tirsdag	08:00 - 16:00
Onsdag	08:00 - 16:00
Torsdag	08:00 - 16:00
Fredag	08:00 - 16:00

Telefon

+299 322422

Website

https://www.knapk.gl/

Underretninger

Bliv den første, der får besked: Vi sender dig en e-mail, når KNAPK offentliggør nyheder og tilbud. Din e-mailadresse bliver ikke brugt til andre formål, og du kan til enhver tid afmelde dig.