06/05/2026
*दिसतं तस खरंच असतं असं नाही*
आताच्या आमच्या पिढीत चकचकीत दिसणं म्हणजेच प्रेझेंटेशन. तुम्ही कसेही असला तरी प्रेझेंटेशन तुमचे छानच पाहिजे, त्यासाठी consumables things उपभोग्य वस्तू वरचा खर्च खूप वाढला आहे. आता consumables things मध्ये सगळेच कव्हर होते अगदी Zepto, Zomato पासून तर myntra, flipkart, Amezon पर्यन्त सगळे. पण त्याचे झाले असे की जो आनंद आपल्याला वस्तू घेताना असतो तो साधा पुढच्या २ दिवस पण टिकत नाही. परत काहीतरी नवीन घ्यायचे खूळ डोक्यात येते. आधी लोकांचा संघर्ष मर्यादित असायचा, घरापासूनच सुरु व्हायचा तर तो घर सांभाळून करियर, जॉब करे पर्यन्त असायचा. आता पण struggle म्हणजेच संघर्ष आहे पण त्याची व्याख्या तशी modify आधुनिक झाली आहे, त्यात depression म्हणजेच वैफल्य या एका नवीन आजाराचे आमंत्रण दिले आहे. आता म्हणायला तश्या खूप सुविधा वाढल्या आहेत, अगदी वर्क फ्रॉम होम पर्यन्त, पण त्यात नवीन समस्या आपण आणल्या आहेत. संयम तसा संपत चालला आहे आणि आता सगळे इन्स्टंट निकालाच्या मागे धावायला लागले आहेत. त्यात अजून मदत केली आहे ती आपल्या chat Gpt ने. आधी आपली आई जॉइंट फॅमिली मध्ये राहून , सासू नणंद,जाऊ यांचे टोमणे खाऊन पण टिकून राहिली. आता प्रत्येकाला संयुक्त कुटुंबाच्या नावाखाली वेगळे रहायचे आहे. आधी आपले लाड म्हणजे चांगले मार्क्स आले की खाण्यापिण्यासाठी व्हायचे आता यात काही सामाजिक प्रतिष्ठा मध्ये येत आहे. मुलांना महागड्या शाळेत टाकण्यापासून तर मुलांना लहान वयातच मोबाईल देण्यापर्यंत सगळे विषय आता सामाजिक प्रतिष्ठेचा भाग झाला आहे.
*आपण खरंच प्रगतीच करतोय ना?* मला खूप वेळा असा प्रश्न पडतो. यावर तुम्हाला काय वाटते मला नक्कीच कळवा.
-ममता सोनी (बोकिल)
