https://www.instagram.com/invest_with_ajay/

Invest With Ajay, Shop No. 5, Vastu A-Wing, Lodha Heritage, Desale Pada, Bhopar Road, Dombivli East, Dombivli (2026)

24/05/2026

मी ज्या शाळेमध्ये शिकलो त्या शाळेचे शिक्षक मी अगदी जवळून पाहिलेले आहेत आणि त्यांचं शिकवणं म्हणजे फक्त पुस्तकातील धडे नव्हते, तर आयुष्य घडवण्याची एक पद्धत होती.

पेपरमध्ये कमी मार्क्स मिळाले, गृहपाठ पूर्ण केला नाही, वही अपूर्ण ठेवली तर छडी बसायची… पण त्या मारामागे राग नव्हता, तर आम्ही आयुष्यात काहीतरी बनावं ही भावना होती. त्या भीतीमुळे आम्ही अभ्यास करायचो, शिक्षकांना प्रश्न विचारायचो आणि शिकवलेल्या प्रत्येक गोष्टीकडे लक्ष द्यायचो.

पूर्वीचे शिक्षक फक्त नोकरी करत नव्हते, ते मुलं घडवत होते.
ते धड्यांमधून आयुष्य शिकवायचे.
मार्मिक उदाहरणं द्यायचे.
शिक्षणाचा उपयोग काय आहे हे समजावून सांगायचे.

पण आज जे पेपरफुटीचे प्रकार समोर येतात आणि त्यात शिक्षकांचीच नावं येतात, तेव्हा शिक्षण पद्धतीवरचा विश्वास डळमळतो.
आज अनेक ठिकाणी शिक्षकांचं उद्दिष्ट फक्त धडा पूर्ण करणं राहिलंय.
क्लासेसचं उद्दिष्ट जास्तीत जास्त फी मिळवणं झालंय.
मुलांना ज्ञान मिळावं यापेक्षा त्यांनी जास्त मार्क्स मिळवावेत यावर भर दिला जातो. कारण त्यावर पुढच्या बॅचची फी ठरते.

पूर्वी आम्हाला कोणत्या शिक्षकांनी काय शिकवलं, कोणते धडे शिकवले, कोणत्या पद्धतीने शिकवलं हे आजही आठवतं. पण आजकालच्या अनेक मुलांना दोन वर्षांपूर्वीचे वर्गशिक्षक कोण होते हेही आठवत नाही.
शिक्षकांबद्दलचा आदर कमी होत चाललाय आणि त्यासाठी काही प्रमाणात समाज आणि पालकसुद्धा जबाबदार आहेत.

आज शिक्षण हे विद्यादान कमी आणि व्यवसाय जास्त वाटू लागलंय आणि ही गोष्ट खरंच चिंताजनक आहे.

पण यावर उपाय आहे आणि तो आपल्या हातात आहे.
प्रत्येक गोष्ट शिक्षकांवर सोडून चालणार नाही.
तुम्हीही तुमच्या मुलांचे शिक्षक होऊ शकता.

पूर्वी आमच्या आईवडिलांना लिहिता-वाचता येत नव्हतं पण ते रोज एकच सांगायचे —
अभ्यासाला बस, समजलं नाही तर शिक्षकांना विचार.
हाच दबाव आम्हाला शिकायला भाग पाडायचा.

आज तुम्ही तुमच्या मुलांकडे दिवसातून एक-दोन तास जरी दिलेत,
त्यांची वही पाहिली, दप्तर चेक केलं, शाळेत काय चाललंय विचारलं,
तर खूप फरक पडू शकतो.

मुलांना फक्त मॉलमध्ये फिरवू नका,
त्यांना बाहेरचं खरं जग दाखवा.
रस्त्यावरची माणसं दाखवा. त्यांचा संघर्ष दाखवा, मुलांना सांगा की ज्या सुविधा त्यांना मिळतात त्या प्रत्येकाला मिळत नाहीत. त्यांना त्याची कदर करायला शिकवा.

कारण चांगली शाळा, महागडे क्लासेस किंवा मोठी फी यापेक्षा जास्त गरज असते ती घरातून मिळणाऱ्या संस्कारांची आणि लक्षाची.

एक गोष्ट कायम लक्षात ठेवा.
मुलांच्या भविष्यावरतीच तुमचं भवितव्य टिकून आहे.

लेखन
©Ajay Shivekar
Ajay Namdeo Shivekar (ARN-325358)
AMFI Registered Mutual Fund Distributor
Contact No. 9870144561

Office Address: Shop No. 5, Vastu A-Wing, Lodha Heritage, Desale Pada, Bhopar Road, Dombivli East Mobile No. 9870144561

Disclaimer: Mutual fund investment are subject to market risks, read all scheme related documents carefully before investing.

24/05/2026

काल अर्जुन तेंडुलकरला खेळताना पाहिलं आणि एक गोष्ट जाणवली - किती मोठं स्ट्रगल करावं लागत स्वतःला सिद्ध करण्यासाठी!

ज्याचे वडील सचिन तेंडुलकर सारखे जगप्रसिद्ध क्रिकेटर… ज्याच्या नावावर शेकडो विक्रम आहेत. ज्यांना भारतरत्न मिळालं आहे. असा बाप असूनसुद्धा अर्जुन तेंडुलकर ला स्वतःची जागा स्वतःच्या मेहनतीनेच निर्माण करावी लागते आहे.

जर सचिन सरांना वाटलं असतं, तर त्यांच्या ओळखीचा, नावाचा किंवा प्रभावाचा वापर करून ते मुलाला सहज मोठ्या टीममध्ये पोहोचवू शकले असते. पण त्यांनी तसं केलं नाही.

हेच प्रत्येक पालकाने आणि प्रत्येक मुलाने शिकण्यासारखं आहे.
मुलांना सगळं तयार देणं सोपं आहे… पण त्यांना संघर्ष करू देणं, पडू देणं, पुन्हा उभं राहायला शिकवणं — हेच खरं पालकत्व आहे.

आज अनेक मुलांकडे पैसा आहे, सुख सुविधा आहेत पण स्वतःचं काहीतरी निर्माण करण्याची भूक नाही. कारण त्यांना कधी मेहनतीची किंमत समजूनच दिली गेली नाही. जे हवं ते लगेच मिळालं त्यामुळे स्वतःला सिद्ध करण्याची गरजच वाटली नाही.

पण ज्या मुलाला संघर्षाची सवय लागते ना त्यांना यश मिळालं तरी हवेत जात नाही आणि अपयश आलं तरी तुटत नाही.

कारण खरं यश हे वारशाने मिळत नाही… ते स्वतःच्या मेहनतीने कमवावं लागतं.

म्हणूनच अर्जुन तेंडुलकर अजूनही मैदानावर घाम गाळतो आहे… अपयश आलं तरी पुन्हा उभा राहतो आहे… लोक टीका करतात तरी प्रयत्न थांबवत नाही…
कारण त्याला सचिनचा मुलगा म्हणून नाही, तर अर्जुन म्हणून ओळख निर्माण करायची आहे.

लेखन
©Ajay Shivekar
Ajay Namdeo Shivekar (ARN-325358)
AMFI Registered Mutual Fund Distributor
Contact No. 9870144561

Office Address: Shop No. 5, Vastu A-Wing, Lodha Heritage, Desale Pada, Bhopar Road, Dombivli East Mobile No. 9870144561

Disclaimer: Mutual fund investment are subject to market risks, read all scheme related documents carefully before investing.

23/05/2026

ना तिला Stock Market बद्दल माहिती होती, ना Investment कुठे आणि कशी करायची हे माहित होतं, ना कोणतं Financial Knowledge होतं.

तरीही 25 वर्षांनंतर तिच्या Mutual Fund Portfolio ची किंमत होऊ शकते ₹1,55,00,000+ 💰

प्रियांका एका Hospital मध्ये Accountant म्हणून काम करते. पगार: ₹18,000 प्रतिमहिना. ऑफिसमधल्या एका Senior ने तिला SIP बद्दल सांगितलं. ₹5,000 ने सुरू कर, सुरुवातीला थोडं अवघड जाईल, पण नंतर सगळं ठीक होईल. तिने ₹5,000 ची SIP 3 वेगवेगळ्या Category मधल्या Funds मध्ये सुरू केली.

तिला NAV म्हणजे काय हे माहित नव्हतं.
Expense Ratio म्हणजे काय हेही माहित नव्हतं.
Funds चे प्रकार कोणते असतात हेही माहित नव्हतं.
तिने फक्त सुरुवात केली.

मी तिला फक्त एक गोष्ट सांगितली…
जसं प्रत्येक वर्षी वस्तूंच्या किंमती वाढतात, तसंच प्रत्येक वर्षी SIP सुद्धा 10% ने वाढवत जा. यालाच म्हणतात Step-Up SIP.
आता पुढच्या 25 वर्षांत अनेक वेळा Market पडेल, Corona सारख्या घटना येतील, America-Iran War सारख्या बातम्या येतील, लोक घाबरतील, Panic करतील.

पण जर तिने SIP बंद केली नाही, तर Market तिला श्रीमंत बनवणार नाही
तर तिचा 25 वर्षांचा संयम आणि सातत्य तिला श्रीमंत बनवेल.

Mutual Fund मध्ये मोठी SIP सुरू करणं महत्त्वाचं नसतं. तर Discipline आणि Consistency ठेवणं जास्त महत्त्वाचं असतं.

कारण Wealth एका दिवसात तयार होत नाही, ती छोट्या छोट्या SIP मधून तयार होते.

Comment करा “START”
जर तुम्हालाही तुमच्या Financial Future ची सुरुवात करायची असेल तर.

लेखन
©Ajay Shivekar
Ajay Namdeo Shivekar (ARN-325358)
AMFI Registered Mutual Fund Distributor
Contact No. 9870144561

Office Address: Shop No. 5, Vastu A-Wing, Lodha Heritage, Desale Pada, Bhopar Road, Dombivli East Mobile No. 9870144561

Disclaimer: Mutual fund investment are subject to market risks, read all scheme related documents carefully before investing.

23/05/2026

मार्केट खाली असताना केलेल्या Investment मध्ये कसा फायदा होतो ते पहा | Down मार्केटमध्येच Profit होतो

Video By: Ajay Shivekar
Ajay Namdeo Shivekar (ARN-325358)
AMFI Registered Mutual Fund Distributor
Contact No. 9870144561

22/05/2026

मला एक फोन आला होता समोर एक तरुण मुलगा होता ज्याचं वय जवळपास 25-26 वर्ष असेल, त्याने मला विचारलं, सर मला तुमच्याकडून Financial Planning करून हवी. मला समजत नाही की मी कशा प्रकारे Planning करू. मला तुमचे व्हिडिओ आवडतात, तुम्ही जे सांगता त्या गोष्टी मला पटतात. पण माझं गणित काही बसतच नाही. मला खूप वाटतं की SIP करावी, पुढे जाऊन काहीतरी Wealth Create करावी, Investment करावी पण काही पैसेच उरत नाहीत.

तर मी म्हणालो, ठीक आहे, आधी मला तुझ्या Income Source बद्दल सांग आणि तुझ्याबद्दल थोडंसं सांग.

तर तो म्हणाला, मी एका कंपनीमध्ये कामाला जातो आणि मला जवळपास 24 हजार रुपये Salary येते. पण याच Salary मधून जवळपास 23 हजार रुपये माझ्या EMI मध्ये जातात आणि फक्त हजार रुपये माझ्याकडे उरतात.

तर मी त्याला विचारलं, हे EMI कसले आहेत? काही Loan घेतलं आहे का?

तर त्याचं म्हणणं होतं, हो… Loan तर घेतलं आहे. मला पहिल्यापासून iPhone घ्यायची इच्छा होती म्हणून मी iPhone घेतला. एक Bike घेतली आहे तिचं Loan आहे. त्याबरोबर मला पैशांची अडचण होती म्हणून दोन लाखांचं Personal Loan घेतलं होतं. त्याचा EMI चालू आहे आणि घरामध्ये घेतलेल्या छोट्या-मोठ्या वस्तूंचेही EMI आहेत. हे सगळं मिळून माझे 23 हजार रुपये कट होतात.

पण आता मला हे सगळं संपवायचं आहे. मला काहीतरी Planning करून SIP सुरू करायची आहे, Investment करायची आहे. Future साठी काहीतरी करायचं आहे… पण या Trap मधून बाहेरच पडता येत नाही. तुम्ही प्रत्येक व्हिडिओमध्ये सांगता की Loan हा एक Trap असतो. एकदा Loan घेतलं की माणूस Loan वर Loan घेत राहतो… आणि तसंच माझ्या बाबतीत झालं.

तो पुढे म्हणाला,
गेल्या काही महिन्यांपासून शनिवार-रविवार ऑफिसला सुट्टी असते, त्यामुळे मी Part-Time Job सुरू केली आहे. त्या कामातून मला Extra 5 हजार रुपये मिळतात. तर मला सांगा… हे 5 हजार SIP मध्ये टाकू का? Mutual Fund मध्ये Investment करू का? की आधी Loan फेडू?

तेव्हा मी त्याला एकच गोष्ट सांगितली
बघ, तुझी सगळ्यात मोठी समस्या कमी पगार नाहीये, तुझी सगळ्यात मोठी समस्या आहे तुझी EMI

कारण २४ हजार रुपये Salary असताना २३ हजार रुपये EMI मध्ये जाणं म्हणजे तू फक्त कर्ज फेडण्यासाठी काम करत आहेस.

अशीच अवस्था आज खूप तरुणांची आहे. हातात iPhone आहे, महागडी Bike आहे, घरामध्ये वस्तू आहेत पण Bank Account मध्ये पैसे नाहीत. बाहेरून Lifestyle श्रीमंत दिसतो, पण आतून Financial Life पूर्णपणे तुटलेली असते.

मी त्याला सांगितलं, आत्ता तुझ्यासाठी SIP सुरू करणं महत्वाचं नाही, आत्ता तुझ्यासाठी महत्वाचं आहे कर्जातून बाहेर पडणं.

कारण जर तुम्ही १२%, १५%, १८% व्याजाने Loan भरत असाल आणि दुसरीकडे १०% Return साठी SIP करत असाल तर गणित जुळणारच नाही.
म्हणजे तुम्ही एका बाजूला खड्डा भरताय आणि दुसऱ्या बाजूला नवीन खड्डा खोदताय.

मी त्याला सांगितलं, शनिवार-रविवार Part-Time Job मधून जे ५ हजार रुपये Extra येतात ना ते थेट Loan Prepayment मध्ये टाक. सगळ्यात आधी Personal Loan संपव. कारण Personal Loan हे सगळ्यात धोकादायक कर्ज असतं.

एक गोष्ट सर्वजण लक्षात ठेवा
Investment ची सुरुवात Mutual Fund पासून होत नाही, तर ती होते Financial Discipline पासून. आधी खर्चावर कंट्रोल मिळवा, EMI कमी करा, अनावश्यक वस्तू विकत घेणं बंद करा आणि स्वतःला वेळ द्या.

कारण जेव्हा तुमच्या पगारामधून EMI कमी होतील तेव्हा जी मोकळी रक्कम उरेल ना तीच पुढे जाऊन तुमची SIP बनेल, Investment बनेल आणि Wealth तयार करेल.

Financial Freedom तेव्हाच मिळते जेव्हा तुमच्या पगारावर बँकेचा नाही तर तुमचा कंट्रोल असतो.

तुम्हालाही जर अशा प्रकारे योग्य Investment Planning करायचं असेल, Financial Mistakes टाळायच्या असतील आणि Future साठी मजबूत Wealth Create करायची असेल… तर खाली दिलेल्या नंबरवर तुम्ही मला कॉल करा. मी नक्कीच तुम्हाला योग्य मार्गदर्शन करेन.

लेखन
©Ajay Shivekar
Ajay Namdeo Shivekar (ARN-325358)
AMFI Registered Mutual Fund Distributor
Contact No. 9870144561

Office Address: Shop No. 5, Vastu A-Wing, Lodha Heritage, Desale Pada, Bhopar Road, Dombivli East Mobile No. 9870144561

Disclaimer: Mutual fund investment are subject to market risks, read all scheme related documents carefully before investing.

22/05/2026

#लोकशाही

21/05/2026

बेरोजगार तरुणांना रोजगार देण्याऐवजी त्यांना ‘कॉक्रोच’ म्हणायचं…?
मग तेच तरुण आता स्वतःला म्हणत आहेत.
हा फक्त meme trend नाही, हा देशातील करोडो बेरोजगार तरुणांच्या रागाचा उद्रेक आहे.

काही दिवसांपूर्वी सर्वोच्च न्यायालयामध्ये एका सुनावणीदरम्यान एका बेरोजगार तरुणाला “कॉक्रोच” अशी उपमा दिल्याची बातमी समोर आली आणि त्यानंतर सोशल मीडियावर , , असे ट्रेंड सुरू झाले. लोकांनी memes बनवले, पोस्ट्स टाकल्या आणि आपल्या भावना व्यक्त करायला सुरुवात केली.

पण यामागचा खरा अर्थ सरकारने आणि सिस्टिमने समजून घेणं गरजेचं आहे. कारण एखादा माणूस उच्च पदावर बसला आहे म्हणून त्याला सामान्य जनतेला अशा प्रकारे संबोधण्याचा अधिकार मिळत नाही. विशेषतः बेरोजगार तरुणांना.

आज भारतामध्ये करोडो तरुणांकडे डिग्री आहे, शिक्षण आहे, मेहनत करण्याची जिद्द आहे पण नोकऱ्या नाहीत. बेरोजगारी, परीक्षा घोटाळे, महागाई, सिस्टमबद्दलचा राग तरुणांमध्ये आहे. त्यांना वाटत की त्यांच्या भावना कोणी seriously घेत नाही. म्हणूनच अनेक तरुणांनी हा Cockroach शब्द अपमान म्हणून न घेता उलट Symbol म्हणून वापरायला सुरुवात केली.

अशा परिस्थितीत त्यांना मार्गदर्शन करण्याऐवजी किंवा बेरोजगारी कमी करण्यासाठी काय करता येईल यावर बोलण्याऐवजी जर त्यांचं खच्चीकरण केलं जात असेल, तर ती गोष्ट चुकीचीच आहे.

लोक सोशल मीडियावर memes आणि comments मधून फक्त व्यक्त होत नाही तर त्यांच्या आतला राग, frustration आणि असहाय्यता व्यक्त करत आहेत. हा फक्त ट्रेंड नाही, तर बेरोजगार तरुणांच्या भावनांचा उद्रेक आहे.

सरकारने एवढंच समजून घ्यायला हवं की देशातील बेरोजगारी ही आजची सर्वात मोठी समस्या आहे. आणि जर खरंच देश पुढे न्यायचा असेल, तर तरुणांना कमी लेखण्यापेक्षा त्यांच्यासाठी रोजगार निर्माण करणं जास्त महत्त्वाचं आहे.

21/05/2026

#आर्थिकसंकट

Invest With Ajay

24/05/2026

24/05/2026

23/05/2026

23/05/2026

22/05/2026

22/05/2026

21/05/2026

21/05/2026

Address

Website

Alerts

Shortcuts

Share

Category