ANCO Accounts and Taxation Solutions/ Institute for Professional Studies

26/12/2025

COURSE FEE / ANCO Institute for Professional Studies Thodupuzha

25/12/2025

Happy Christmas 💚💚

24/12/2025

ANCO Accounts and Taxation Solutions / ANCO Institute for Professional Studies

02/12/2025

24/07/2025

19/02/2025

ഒരു ദിവസംകൊണ്ട് GST Filing പഠിക്കാം /One Week Advanced GST Crash Course / BSS College of Advanced Studies Pulimootil plaza Thodupuzha Rintu Jose

21/02/2023

https://youtu.be/R_K3i1KES84
ഇൻകം ടാക്സ് റിട്ടേൺ ഫയൽ ചെയ്യാനുള്ള ലാസ്റ്റ് ചാൻസ് /Last chance to file ITR

30/09/2022

പത്ത് കോടിയ്ക്ക് മുകളിൽ വിറ്റ് വരവുള്ളവർക്ക് ഒക്ടോബർ ഒന്ന് മുതൽ ഇ -ഇൻവോയ്സ്..................................................................................................................................................

ജി.എസ്.ടി നിയമത്തിലെ റൂൾ 48 (4) പ്രകാരം ഏതെങ്കിലും മുൻ സാമ്പത്തിക വർഷം 10 കോടി രൂപയ്ക്ക് മുകളിൽ വിറ്റ് വരവ് ഉള്ള രജിസ്റ്റേർഡ് വ്യാപാരികൾ മറ്റൊരു ജി.എസ്.ടി രെജിസ്ട്രേഷൻ ഉള്ള വ്യാപാരിക്ക് സാധനങ്ങളോ, സേവനങ്ങളോ നൽകുമ്പോൾ (ബി -2- ബി സപ്ലൈ ) അല്ലെങ്കിൽ പ്രത്യേക സാമ്പത്തിക മേഖല (SEZ ) , എക്സ്പോർട്ട് , ഡീംഡ് എക്സ്പോർട്ട് എന്നീ സപ്ലൈ നടത്തുമ്പോൾ , പ്രസ്തുത ഇൻവോയ്സ് വിവരങ്ങൾ ജി.എസ്.ടി യുടെ ഇൻവോയ്സ് രെജിസ്ട്രേഷൻ പോർട്ടലിലേക്ക് ( IRP) അപ്‌ലോഡ് ചെയ്ത് ഇൻവോയ്സ് റെഫെറൻസ് നമ്പർ (Invoice Reference Numbar - IRN ) ലഭ്യമാക്കണം . ഈ പ്രകിയക്കാണ് ഇ - ഇൻവോയ്സിംഗ് (e-invoicing ) എന്ന് പറയുന്നത്. 2020 ഒക്ടോബർ മുതൽ ഇ-ഇൻവോയ്സ് നിലവിൽ ഉണ്ട്. തുടക്കത്തിൽ 500 കോടി ആയിരുന്നു ഇ-ഇൻവോയ്സ് ബാധകമാകുന്ന വിറ്റു വരവ് പരിധി.ഈ വിറ്റ് വരവ് പരിധിയാണ് ഇപ്പോൾ 10 കോടിയായി കുറച്ചിരിക്കുന്നത്.(റെഫറൻസ് നോട്ടിഫിക്കേഷൻ 17/ 2022 തീയതി 01 -08 -2022 )

ഇ ഇൻവോയ്സ് ബാധകമാകുന്നത് ആർക്കൊക്കെ ?

പുതിയ നോട്ടിഫിക്കേഷൻ പ്രകാരം ഇ- ഇൻവോയ്സ് നിർബന്ധിതമാക്കുന്ന വിറ്റുവരവ് സാമ്പത്തിക വർഷത്തിൽ 10 കോടി രൂപയാണ്. പരിധി കണക്കാക്കുന്നതിൽ “മുൻ വർഷങ്ങളിലെ വിറ്റുവരവ്” എന്ന വ്യവസ്ഥ കൂടി ഉള്ളതിനാൽ ഈ സാമ്പത്തിക വർഷം (2022 - 23 ) 10 കോടി ഉണ്ടെങ്കിലും കൂടി മുൻ വർഷങ്ങളിൽ ( അതായത് 2017-18 മുതൽ 2021 -22 വരെ ) ഏതെങ്കിലും വർഷം വിറ്റ് വരവ് 10 കോടി എത്തിയിട്ടെല്ലിങ്കിൽ ഇ -ഇൻവോയ്സ് ബാധകമല്ല. വിറ്റ് വരവ് കണക്കാക്കുന്നത് പ്രസ്തുത പാൻ നമ്പറിലെ ഇന്ത്യയിലെ എല്ലാ രെജിസ്ട്രേഷനിലെയും നികുതി രഹിത സപ്ലൈ ഉൾപ്പെടെ, ആകെ വിറ്റുവരവ് കണക്കാക്കിയാണ്. എന്നാൽ റിവേഴ്സ് ചാർജ്ജ് വ്യവസ്ഥയിൽ നികുതി വിധേയമായ ഏതെങ്കിലും ഇൻവെർഡ് സപ്ലൈ ഉണ്ടായാൽ പോലും , മേൽ വിറ്റുവരവിൽ കണക്കിൽ എടുക്കേണ്ടതില്ല. മേല്പറഞ്ഞ വ്യാപാരികൾ ബി- ടു -ബി വിൽപ്പന നടത്തുമ്പോൾ വിൽപ്പന (OUTWARD SUPPLY ) നടത്തുന്ന വ്യാപാരിയാണ് ഇ -ഇൻവോയ്സ് എടുക്കേണ്ടത് . പ്രസ്തുത വ്യാപാരി സപ്ലൈയുടെ ഭാഗമായി ഇൻവോയ്സ്,ക്രെഡിറ്റ് നോട്ട് , ഡെബിറ്റ് നോട്ട് എന്നിവ നൽകുമ്പോൾ അതോടൊപ്പം ഇ -ഇൻവോയ്സ് കൂടി നിർബന്ധം ആണ്.

നിർദ്ദേശിക്കപ്പെട്ട വിറ്റുവരവ് ഉണ്ടെങ്കിലും താഴെ പറയുന്ന സാഹചര്യത്തിൽ ഇ- ഇൻവോയ്സ് ബാധകമല്ല.

ഒരു രജിസ്റ്റേർഡ് വ്യാപാരി ജി.എസ്.ടി. രെജിസ്ട്രേഷൻ ഇല്ലാത്ത വ്യാപാരിക്കോ ഉപഭോക്താവിനോ ഉള്ള വിൽപ്പന (B -2 -C ), പൂർണ്ണമായും നികുതി രഹിത ചരക്കുകളുടെയോ ,സേവനങ്ങളുടെയോ വിതരണം, ജി .എസ്. ടി നിയമപ്രകാരം നികുതി ബാധകമല്ലാത്ത പെട്രോളിയം ഉൽപ്പന്നങ്ങൾ , വിദേശ മദ്യം എന്നിവയുടെ വിൽപ്പന, ഇറക്കുമതി എന്നിവക്ക് ഇ- ഇൻവോയ്സ് ബാധകമല്ല . ബിൽ ഓഫ് സപ്ലൈ, ഡെലിവറി ചലാൻ , ഫൈനാൻഷ്യൽ ക്രെഡിറ്റ് / ഡെബിറ്റ് നോട്ട്, ഇൻവെർഡ് സപ്ലൈ ഇൻവോയ്സ് (റിവേഴ്സ് ചാർജ് സെക്ഷൻ സെക്ഷൻ 9 (4 ) എന്നിവ നൽകുമ്പോഴും ഇ -ഇൻവോയ്സ് ആവശ്യമില്ല. കൂടാതെ ഇൻഷുറൻസ്,ബാങ്കിങ് , നോൺ ബാങ്കിങ് ധനകാര്യ സ്ഥാപനങ്ങൾ (NBFC) , ഗുഡ്സ് ട്രാൻസ്പോർട്ട് ഏജൻസി(GTA ) , മൾട്ടിപ്ളെക്സ് സിനിമ ശാലകൾ , സെസ് യുണിറ്റ്, യാത്രികർക്ക് ഗതാഗത സേവനം നൽകുന്നവർ , സർക്കാർ വകുപ്പുകൾ തുടങ്ങിയവരെയും ഇതിൽ നിന്നും ഒഴിവാക്കിയിട്ടുണ്ട്.

ഇ ഇൻവോയ്സ് എടുക്കുന്നത് എങ്ങനെ ?

വ്യാപാരി ഇ -ഇൻവോയ്സ് വേണ്ടി ആദ്യം പോർട്ടലിൽ (IRP ) രെജിസ്റ്റർ ചെയ്യണം. https://einvoice1.gst.gov.in/ . രജിസ്ട്രേഷന് ശേഷം ലോഗിൻ ചെയ്ത് സപ്ലൈക്ക് നൽകാൻ ഉള്ള ഇൻവോയ്സിലെ വിവരങ്ങൾ സോഫ്റ്റ്‌വെയർ അല്ലെങ്കിൽ ടൂൾ ഉപയോഗിച്ച് പോർട്ടലിലേക്ക് അപ്‌ലോഡ് ചെയ്താൽ പോർട്ടലിൽ നിന്നും 64 ക്യാരക്റ്റർ ഉള്ള ഒരു ഇൻവോയ്സ് റെഫറൻസ് നമ്പർ - ഐ .ആർ .എൻ (IRN ), അതുൾക്കൊള്ളുന്ന ഒരു ക്യൂ .ആർ കോഡ് , പതിനാറക്ക അക്നോളഡ്ജ് (ACK ) നമ്പർ എന്നിവ ലഭിക്കും .ഇവ ( IRN /QR , ACK No ) ഉൾക്കൊള്ളുന്ന ഇ -ഇൻവോയ്സ് പ്രിന്റ് എടുക്കുകയോ അല്ലെങ്കിൽ നിലവിൽ ഉള്ള ഇൻവോയ്സിൽ ഇവ ഉൾക്കൊള്ളിക്കുകയോ ആണ് സപ്ലയർ ചെയ്യേണ്ടത്. സപ്ലെ ഇൻവോയ്സിലെ ഇൻവോയ്സ് നമ്പറിൽ പൂജ്യത്തിൽ തുടങ്ങുന്ന നമ്പർ , അതുപോലെ ഇംഗ്ലീഷ് ചെറിയ അക്ഷരം എന്നിവ ഉണ്ടെങ്കിൽ ഇ ഇൻവോയ്സ് സാധ്യമല്ല .

ഇ-ഇൻവോയ്സ് മൂന്ന് തരത്തിൽ ആണ് പ്രധാനമായും തയ്യാറാക്കുന്നത്..

1 . വെബ്സൈറ്റിൽ നേരിട്ടുള്ള ആപ്ലികേഷൻ പ്രോഗ്രാമിങ് ഇന്റർഫേസ് (Application Programming Interface API ) മുഖാന്തിരം . ഇത് പ്രധാനമായും 100 കോടിയിൽ ,കൂടുതൽ വിറ്റുവരവ് ഉള്ള വൻകിട സ്ഥാപനങ്ങൾക്ക് മാത്രമായി പരിമിതപ്പെടുത്തിയിരിക്കുന്നു. പ്രസ്തുത കമ്പനിയുടെ അക്കൗണ്ടിംഗ് / ബില്ലിംഗ് സോഫ്ട് വെയർ നേരിട്ട് പോർട്ടലുമായി സംവദിച്ചു ഇ-ഇൻവോയ്സ് ജനറേറ്റ് ചെയ്യുകയും IRN ഉം ക്യൂ.ആർ. കോഡും ഇൻവോയ്സിൽ തന്നെ പതിപ്പിക്കുകയും ചെയ്യുന്നു.

2 . ജി.എസ്.ടി സുവിധ പ്രൊവൈഡർ (GSP ) അല്ലെങ്കിൽ ഇ- ഇൻവോയ്സ് സൗകര്യം ഉള്ള ERP സോഫ്റ്റ് വെയർ വഴി ഇൻവോയ്സ് വിവരങ്ങൾ നൽകികൊണ്ട്

3 . ഇ-ഇൻവോയ്സ് പോർട്ടലിൽ നിന്നും സൗജന്യമായി ലഭിക്കുന്ന എം .എസ്. എക്സൽ അധിഷ്ഠിത/ഓൺലൈൻ ജെപ്പ് ടൂൾ (GePP ), ജെസൺ (JSON ) പ്രിപ്പറേഷൻ ടൂൾ എന്നീ ടൂളുകൾ ഉപയോഗിച്ച്

കൂടാതെ സ്വീകർത്തവിന് ലഭിച്ച ഇ ഇൻവോയ്സ് ശെരിയാണോ എന്ന് പരിശോധിക്കാൻ ഉള്ള മൊബൈൽ ആപ്പും ലഭ്യമാണ്.

മാറ്റങ്ങൾ സാധ്യമല്ല -റദ്ദാക്കലിനും നിയന്ത്രണം.

ഒരിക്കൽ എടുത്ത ഇ -ഇൻവോയ്സിൽ യാതൊരു കാരണവശാലും മാറ്റങ്ങൾ /തിരുത്തലുകൾ സാധ്യമല്ല . എന്നാൽ ഏതെങ്കിലും തെറ്റ് കണ്ടെത്തിയാൽ എടുത്ത് ഇരുപത്തിനാല് മണിക്കൂറിനുള്ളിൽ ഇ -ഇൻവോയ്സ് റദ്ദാക്കാൻ സാധിക്കും. പ്രസ്തുത ഇ -ഇൻവോയ്സ് ഉപയോഗിച്ച സപ്ലൈ ഇൻവോയ്സ് കൂടി അതോടൊപ്പം അസാധു ആകും. അതെ സപ്ലൈ ഇൻവോയ്സ് നമ്പർ ഉപയോഗിച്ചു വീണ്ടും ഇ- ഇൻവോയ്സ് തയ്യാറാക്കാൻ സാധിക്കില്ല. ഇരുപത്തിനാല് മണിക്കൂറിനു ശേഷം യാതൊരു കാരണവശാലും ഇ -ഇൻവോയ്സ് റദ്ദാക്കാൻ സാധ്യമല്ല. അത്തരം സാഹചര്യത്തിൽ സ്വീകർത്താവിന് ക്രെഡിറ്റ് നോട്ട് നൽകാവുന്നതാണ്. ഇ -ഇൻവോയ്സിനോടൊപ്പം ഇ- വേ ബിൽ കൂടി ആവശ്യമെങ്കിൽ തയ്യാറാക്കാം. എന്നാൽ ഇ -ഇൻവോയ്സ് റദ്ദാക്കേണ്ട സാഹചര്യം വന്നാൽ (ഇരുപത്തിനാല് മണിക്കൂറിനുള്ളിൽ) ഇ -ഇൻവോയ്സ് റദ്ദാക്കുന്നതിനു മുൻപ് അതോടൊപ്പം എടുത്ത ഇ -വേ ബിൽ ആദ്യം റദ്ദാക്കണം. ഇവിടയും പ്രസ്തുത ഇ -വേ ബിൽ വഴിയിൽ നികുതി ഉദ്യോഗസ്ഥന്റെ പരിശോധനക്ക് വിധേയമായതാണെങ്കിൽ റദ്ദാക്കൽ സാധ്യമല്ല.

ഇ -ഇൻവോയ്സ് ഇല്ലാതെ സ്വീകർത്താവിന് ഇന്പുട് ലഭിക്കില്ല , വഴിയിൽ പെനാൽറ്റിക്കും സാധ്യത.

ഇ-ഇൻവോയ്സ് എടുക്കാൻ ബാധ്യത ഉള്ള വ്യാപാരി ഇ-ഇൻവോയ്സ് ഇല്ലാതെ നൽകുന്ന ഇൻവോയ്സ് , ജി .എസ് .ടി റൂൾ 48 (5 ) പ്രകാരം ഒരു അംഗീകൃത ഇൻവോയ്സ് ആയി പരിഗണിക്കില്ല. അതുകൊണ്ട് തന്നെ അത്തരം ഇൻവോയ്സ് ഉപയോഗിച്ച് നടത്തുന്ന സപ്ലൈക്ക് ജി. എസ് .ടി നിയമപ്രകാരം ഉള്ള പെനാൽറ്റിക്ക് സാധ്യതയുണ്ട്. ഇ-ഇൻവോയ്സ് ബാധ്യത ഉള്ള വ്യാപാരി ഇ -ഇൻവോയ്സ് എടുക്കാതെ നടത്തുന്ന ചരക്ക് നീക്കം, പ്രസ്തുത സപ്ലൈക്ക് ഇൻവോയ്സ്, ഇ -വേ ബിൽ എന്നിവ ഉണ്ടെങ്കിൽ പോലും വഴിയിൽ തടഞ്ഞുവെക്കപ്പെടാവുന്നതാണ് എന്ന കാര്യം കൂടി ഓർക്കുക . മാത്രമല്ല പ്രസ്തുത ഇൻവോയ്സ് പ്രകാരം ഉള്ള ഇന്പുട് ടാക്സ് സ്വീകർത്താവിനു നിഷേധിക്കപ്പെടാനും സാധ്യതയുണ്ട്. അത്കൊണ്ട് തന്നെ സ്വീകർത്താക്കൾക്ക് ഇ -ഇൻവോയ്സ് ബാധ്യത ഇല്ലെങ്കിലും തങ്ങളുടെ സപ്ലൈയർ ഇ- ഇൻവോയ്സ് ബാധ്യത ഉള്ള ആളാണോ എന്ന് സ്ഥിരീകരിക്കുന്നത് നല്ലതാണ്. സപ്ലൈയറുടെ ജി. എസ്. ടി നമ്പർ ഉപയോഗിച്ച് ഇ -ഇൻവോയ്സ് പോർട്ടലിൽ സെർച്ച് ചെയ്താൽ സപ്ലെയർക്ക് ഇ -ഇൻവോയ്സ് ബാധകമാക്കിയിട്ടുണ്ടോ എന്നു സ്വീകർത്താവിന് അറിയാൻ സാധിക്കും. കൂടാതെ ഇ- ഇൻവോയ്സ് സംബന്ധിച്ചുള്ള പൊതുവായ സംശയങ്ങൾക്ക് ഉള്ള മറുപടി നാഷണൽ ഇൻഫോർമാറ്റിക് സെൻറർ തയ്യാറാക്കിയ പോർട്ടലിൽ ഉണ്ട്.

ജെപ്പ് ടൂൾ (GePP Tool )

ഇ-ഇൻവോയ്സ് എടുക്കാൻ ബാധ്യത ഉള്ള വ്യാപാരി ഇ-ഇൻവോയ്സ് ഇല്ലാതെ നൽകുന്ന ഇൻവോയ്സ് , ജി .എസ് .ടി റൂൾ 48 (5 ) പ്രകാരം ഒരു അംഗീകൃത ഇൻവോയ്സ് ആയി പരിഗണിക്കില്ല. അതുകൊണ്ട് തന്നെ അത്തരം ഇൻവോയ്സ് ഉപയോഗിച്ച് നടത്തുന്ന സപ്ലൈക്ക് ജി .എസ്. ടി നിയമപ്രകാരമുള്ള പെനാൽറ്റിക്ക് സാധ്യതയുണ്ട്. ഇ-ഇൻവോയ്സ് ബാധ്യത ഉള്ള വ്യാപാരി ഇ-ഇൻവോയ്സ് എടുക്കാതെ നടത്തുന്ന ചരക്ക് നീക്കം, പ്രസ്തുത സപ്ലൈ ഇൻവോയ്സ്, ഇ-വേബിൽ എന്നിവ ഉണ്ടെങ്കിൽ പോലും വഴിയിൽ തടഞ്ഞുവെക്കപ്പെടാവുന്നതാണ് എന്ന കാര്യം കൂടി ഓർക്കുക . മാത്രമല്ല പ്രസ്തുത ഇൻവോയ്സ് പ്രകാരം ഉള്ള ഇന്പുട് ടാക്സ് സ്വീകർത്താവിനു നിഷേധിക്കപ്പെടാനും സാധ്യതയുണ്ട്. അതിനാൽ സ്വീകർത്താക്കൾക്ക് ഇ-ഇൻവോയ്സ് ബാധ്യത ഇല്ലെങ്കിലും തങ്ങളുടെ സപ്ലൈർക്ക് ഇ-ഇൻവോയ്സ് ബാധ്യത ഉള്ള ആളാണോ എന്ന് സ്ഥിരീകരിക്കുന്നത് നല്ലതാണ്. സപ്ലൈയറുടെ ജി. എസ് .ടി നമ്പർ ഉപയോഗിച്ച് ഇ-ഇൻവോയ്സ് പോർട്ടലിൽ സെർച്ച് ചെയ്താൽ സപ്ലൈർക്ക് ഇ-ഇൻവോയ്സ് ബാധകമാക്കിയിട്ടുണ്ടോ എന്നു സ്വീകർത്താവിന് അറിയാൻ സാധിക്കും. കൂടാതെ ഇ-ഇൻവോയ്സ് സംബന്ധിച്ചുള്ള പൊതുവായ സംശയങ്ങൾക്ക് ഉള്ള മറുപടി നാഷണൽ ഇൻഫോർമാറ്റിക് സെന്റർ തയ്യാറാക്കിയ പോർട്ടലിൽ ഉണ്ട്.