01/10/2026
ശരീരഗന്ധം എന്നത് തികച്ചും സ്വാഭാവികമായ ഒന്നാണ്. എന്നാൽ, അത് നാണക്കേടാണെന്ന ചിന്ത മനസ്സിൽ വളർത്തിക്കൊണ്ടാണ് ഡിയോഡറന്റുകൾ (Deodorants) നമ്മുടെ ജീവിതത്തിലെ ഒഴിച്ചുകൂടാനാവാത്ത ഒന്നായി മാറിയത്!
ഇതിന്റെ പിന്നിലെ കൗതുകകരമായ കഥയിതാ:
1912: അമേരിക്കയിലെ സിൻസിനാറ്റിയിൽ ഒരു സ്ത്രീ "Odorono" എന്ന പേരിൽ ഒരു ഡിയോഡറന്റ് ഉണ്ടാക്കി വൽപ്പന തുടങ്ങി. എന്നാൽ വർഷങ്ങളോളം ഇത് വാങ്ങാൻ ആളുകളുണ്ടായിരുന്നില്ല. കാരണം അന്ന് ആരും ശരീരഗന്ധത്തെ ഒരു പ്രശ്നമായി കണ്ടിരുന്നില്ല!
1919: ജെയിംസ് വെബ് യംഗ് എന്ന പരസ്യനിർമ്മാതാവ് ഒരു പരസ്യമിറക്കി: "എല്ലാ സ്ത്രീകളുടെയും ശരീരത്തിൽ രഹസ്യമായി ദുർഗന്ധമുണ്ട്!" ഇത് കണ്ട് ദേഷ്യം വന്ന് പലരും മാഗസിൻ സബ്‌സ്‌ക്രിപ്ഷൻ പോലും റദ്ദാക്കി. പക്ഷേ, ഫലമോ? ആ ഒരൊറ്റ വർഷം കൊണ്ട് കമ്പനിയുടെ വിൽപ്പന 112% വർദ്ധിച്ചു!
1930-കൾ: റേഡിയോ പരസ്യങ്ങൾ വഴി "ശരീരഗന്ധം നിങ്ങളെ സമൂഹത്തിൽ ഒറ്റപ്പെടുത്തും" എന്ന ഭയം ജനങ്ങളുടെ മനസ്സിലേക്ക് ശക്തമായി കുത്തിവെച്ചു.
1952: ബോൾപോയിന്റ് പേനയുടെ ഡിസൈനിൽ നിന്ന് പ്രചോദനം ഉൾക്കൊണ്ട് ഇന്നത്തെ റോൾ-ഓൺ ഡിയോഡറന്റുകൾ വിപണിയിലെത്തി.
ദുർഗന്ധം മാറ്റാനുള്ള മരുന്നിനേക്കാൾ ഉപരി "നാണക്കേട്" എന്ന വികാരത്തെയാണ് പരസ്യങ്ങൾ വിറ്റഴിച്ചത്. സ്വാഭാവികമായ ഒരു മനുഷ്യസഹജമായ കാര്യത്തെ മറച്ചുവെക്കേണ്ട വലിയൊരു തെറ്റായി ചിത്രീകരിക്കാൻ അവർക്ക് കഴിഞ്ഞു.
ഇന്ന് നാം കാണുന്ന പല പരസ്യങ്ങളും ഇതുപോലെയാണ്. അവർ നമുക്കൊരു "പ്രശ്നം" ഉണ്ടാക്കിത്തരുന്നു, ഒപ്പം അതിന്റെ "പരിഹാരവും" വിൽക്കുന്നു! അനാവശ്യമായ ഭയങ്ങൾ വിറ്റ് ലാഭം കൊയ്യുന്നത് ആരാണെന്ന് തിരിച്ചറിയേണ്ട സമയമായില്ലേ?
