စစ္ကိုင္းသမ၀ါယမတကၠသိုလ္ေက်ာင္းသားမ်ားသမဂၢ

19/07/2025

23/07/2024

"ကြားကာလပညာရေးအစီအစဉ် တာဝန်ထမ်းဆောင်ရန် Volunteer အဖြစ် ခေါ်ယူခြင်း"

သမဝါယမတက္ကသိုလ်/ကောလိပ်များမှ ကျောင်းသား/သူများအတွက် ကာလတိုသင်တန်းများအဖြစ် ကြားကာလပညာရေးအစီအစဉ်ကို လုပ်ဆောင်လျက်ရှိပါတယ်။လက်ရှိလုပ်ဆောင်နေတဲ့ ကြားကာလပညာရေးအစီအစဉ်ကို သိရှိသူများလည်း ရှိသလို့ လက်ရှိအချိန်ထိ မသိရှိသေးသူများလည်း ရှိပါတယ်။ ကြားကာလပညာရေး စီစဉ်ဆောင်ရွက်ခဲ့တာ ယခုဆိုရင် (၂) နှစ်ကျော်ကြာမြင့်ခဲ့ပြီဖြစ်ပါတယ် ။ ယခုဆောင်ရွက်နေသော ပညာရေးအစီအစဉ်များထက် ပိုမိုကောင်းမွန်ပြီး ကျောင်းသား/သူများအတွက် အာမခံချက်ပေးနိုင်သော ပညာရေးအစီအစဉ်များကို ထပ်မံလုပ်ဆောင်ရန်ရှိပါသဖြင့် ကျောင်းသား/သူ များကို Volunteer အဖြစ်ပါဝင်ဆောင်ရွက်ရန် ဖိတ်ခေါ်ခြင်းဖြစ်ပါတယ်။ ကျောင်းသား/သူ များအနေ ဖြင့် မိမိတို့ သမဝါယမတက္ကသိုလ်/ကောလိပ်များမှ ပြုလုပ်သော ကြားကာလပညာရေးအစီအစဉ်တွင် ပူးပေါင်းပါဝင် ဆောင်ရွက်ရန် စိတ်ဆန္ဒရှိပါကာ သမဝါယမတက္ကသိုလ်/ကောလိပ်များ၏ယာယီတက္ကသိုလ်ကောင်စီ Page Messenger ( or) အောက်ဖော်ပြပါ Google Link မှတဆင့် ဆက်သွယ်နိုင်ပါတယ် ။

ဘွဲ့လွန်သင်တန်းနှစ်များကို တက်ရောက်ဆဲ ကျောင်းသား/သူများအနေဖြင့်လည်း မိမိတို့ပြုလုပ်နေသော ကြားကာလပညာရေးအစီအစဉ် တွင် အလုပ်သင်နည်းပြ အဖြစ်ပါဝင် ဆောင်ရွက်နိုင်ပါကြောင်း ဖိတ်ခေါ်အပ်ပါတယ် ။ အလုပ်သင်နည်းပြများကိုလည်း တရားဝင် ဆရာ/ဆရာမများအဖြစ် ပြည်သူ့အစိုးရ၏ အသိအမှတ်ပြု ရရှိရန် အာမခံ ဆောင်ရွက်ပေးသွားမှာဖြစ်ပါတယ်။ မိမိတို့ ကြားကာလပညာရေးအစီအစဉ်တွင် ပူးပေါင်းပါဝင်လိုသူများအနေဖြင့် သမဝါယမတက္ကသိုလ်/ကောလိပ်များတွင် ပထမနှစ်သင်တန်းမှစ၍ ဘွဲ့လွန်သင်တန်းနှစ်များထိ တက်ရောက်ဆဲဖြစ်ပြီး စစ်ကောင်စီလက်အောက်ခံကျောင်းတွင် ဆက်လက်မတက်ရောက်သူဖြစ်ရပါမည် ။ ကျောင်းဆက်လက်မတက်ရောက်ကြောင်းကို အာဏာဖီဆန်လှုပ်ရှားမှုတွင်CDMတွင်ပါ၀င်ပြီး ဆက်သွယ်အတည်ပြုပေးနိုင်သော မိမိတို့ တက္ကသိုလ်/ကောလိပ်မှ ဆရာ/ဆရာမတစ်ဉီးရဲ့ နာမည် နှင့်အတူ Messenger ( or) အောက်ဖော်ပြပါ Google Link တွင်ပေးပို့ကာ ဆက်သွယ်နိုင်ပါတယ် ။ မိမိတို့ဘက်က အတည်ပြုပြီးသော ကျောင်းသား/သူများကို ပြန်လည်ဆက်သွယ်ကာ Volunteer Card များထုတ်ပေးကာ မိမိတို့ ပြုလုပ်လျက်ရှိသော ကြားကာလပညာရေးအစီအစဉ်တွင် ပူးပေါင်းပါ၀င်ဆောင်ရွက်နိုင်ပြီဖြစ်ပါတယ် ။

လျှောက်ထားရန် Link -

https://docs.google.com/forms/d/1iLsRMwOjWx-Tx2Bg3tJSHZFwLuHZobIQ9HAB9kCqjow/edit?usp=drivesdk

ကြားကာလပညာရေးအစီအစဉ်တွင် Volunteer အဖြစ် ပါ၀င်ရန် အဆင်မပြေသူများအနေဖြင့်လည်း မိမိတို့ တက္ကသိုလ်မှ ပြုလုပ်သော ကြားကာလပညာရေးအစီအစဉ်တွင် Volunteer အဖြစ်ပြုလုပ်နိုင်သော မိမိတို့ သူငယ်ချင်း/ အပေါင်းအသင်းများတွေ့စေနိုင်ရန်အတွက် share ပေးခြင်း၊ အသိပေးခြင်းဖြင့် ကူညီနိုင်ပါတယ် ။

05/07/2024

🛑The Knot Education ကနေ ထပ်မံဖွင့်လှစ်မည့် ဘာသာရပ်ကတော့ Certificate in Business Management Course~စီးပွားရေးစီမံခန့်ခွဲမှုသင်တန်း ( Batch-2)ဖြစ်ပါတယ်ခင်ဗျာ 📣📣📣

📌Business Management ဆိုတာဘာလဲ?

စီးပွားရေးဆိုင်ရာစီမံခန့်ခွဲမှု(Business Management)
သည်စီးပွားရေးလုပ်ငန်းများအတွက်အလွန်အရေးပါသည့်ပညာရပ်ဖြစ်ပါသည်။
စီးပွားရေးလုပ်ငန်းတခုတွင်အဓိကလိုအပ်သည့်စီးပွားရေးလုပ်ငန်းဆောင်တာများနှင့်စီမံခန့်ခွဲမှုပိုင်းဆိုင်ရာများကိုစနစ်တကျဆောင်ရွက်နိုင်ဖို့အတွက် Business Management ပညာရပ်သည်အလွန်လိုအပ်ပါသည်။

📌 Certificate in Business Management Course မှာ Business Management တွင်လုပ်ဆောင်ရမည့် function တစ်ခုချင်း၏သဘောသဘာဝနှင့် Management ၏အခြေခံအကြောင်းအရာများကိုသင်ယူလေ့လာရမှာဖြစ်ပါတယ်။
ယခု Certificate in Business Management Course (စီးပွားရေးစီမံခန့်ခွဲမှု) သင်တန်းတွင်-
-Business Organization & Environment
-Business Ethics & Social Responsibility
-Principles of Management
-Managing Human Resources
-Marketing
-Operations Management
-Nature of Financial Management
စသည့် Management နှင့်သက်ဆိုင်သော အကြောင်းအရာခေါင်းစဉ်များကို အခြေခံမှစ၍ သင်ကြားပို့ချပေးသွားမှာ ဖြစ်ပါတယ်။
အထက်ဖော်ပြပါ အ​ကြောင်းအရာတွေကို အမှန်တကယ်စိတ်ဝင်စားလို့ တက်ရောက်ချင်ရင်တော့ အမြန်ဆုံးလျှောက်ထားလိုက်ဖို့ ဖိတ်ခေါ်ချင်ပါတယ် 📣📣📣
သင်တန်းမှာပေးသော "Assignment" ကို မပျက်မကွက်ပါဝင်ဆောင်ရွက်သူများကို Certificate ပေးအပ်သွားမှာ ဖြစ်ပါတယ် ခင်ဗျာ📣📣
The Knot Education က Completion Certificate ရရှိသူများကို နောင်တစ်ချိန်တွင် အစိုးရအသိအမှတ်ပြု Federal တက္ကသိုလ်တစ်ခုမှ အသိအမှတ်ပြုလက်မှတ်ကို အခမ်းအနားဖြင့် ပြုလုပ်ပေးအပ်သွားမှာဖြစ်ပါတယ်။

📌ဘယ်သူသင်မှာလဲ?

စီးပွားရေးစီမံခန့်ခွဲမှု ပညာရပ်နယ်ပယ်တွင် ကျွမ်းကျင်သူအတတ်ပညာရှင်ကနေ သေချာဂဏစွာရှင်းလင်းသင်ကြားပေးမှာဖြစ်ပြီး အတွေ့အကြုံများကို ဝေမျှပေးသွားမှာ ဖြစ်တဲ့အတွက် သေချာလေ့လာခွင့်ရရှိမှာပါ။

📌ဘယ်သူတွေတက်သင့်လဲ?

CDM ကျောင်းသား/သူ များ၊ Business Management ကို စိတ်ပါဝင်စားစွာလေ့လာလိုသူများ ၊ Presentation များကို မပျက်မကွက်ဆောင်ရွက်နိုင်သူများ ၊ သင်တန်းချိန်အပြည့်တက်ရောက်နိုင်သူများ ၊ လုပ်ငန်းခွင်သို့ဝင်လိုသူ မည်သူမဆို အခမဲ့တက်ရောက်ပညာသင်ကြားနိုင်ပါတယ်။

📌သင်ကြားပို့ချမည့်ပုံစံ

သင်တန်းကို အွန်လိုင်းမှတဆင့် Zoom Cloud Meeting ကိုအသုံးပြုပြီး face to face အပြန်အလှန်ဆွေးနွေးပို့ချပေးသွားမှာဖြစ်ပါတယ်။

📌သင်တန်းကာလ (Duration) & အချိန် (Time)

-သင်တန်းကာလကတော့ 1.8.2024 ရက်နေ့တွင် စတင်ပြီး တစ်ပတ်ကို Thursday & Friday ( 2 ) ရက် တက်ရောက်ရမှာ ဖြစ်ပြီး သီတင်းပတ် ( 6 ) ပတ်ကြာ တက်ရောက်ရမှာ ဖြစ်ပါတယ်။

-သင်တန်းအချိန်ကတော့ ည 7:00 PM To 8:30 PM ထိ ပုံမှန် သင်ကြားပေးသွားမှာဖြစ်ပါတယ်။

📌တက်ရောက်လိုသူများအနေဖြင့်- အောက်ဖော်ပြပါ စာရင်းပေးသွင်းရန် Google Link မှာ တဆင့် စာရင်းပေးသွင်းနိုင်ပါတယ်။

📬စာရင်းပေးသွင်းရန် -

https://docs.google.com/forms/d/12iKl9rePSPc-22lsdg-lbfI1uvYGYkuFSnywCZyrLcw/edit?usp=drivesdk

👉 လူဦးရေအကန့်အသတ်ရှိတာကြောင့် ဦးစွာအပ်နှံမှစိတ်ချရမည်ဖြစ်ပါသည်။
👉 သင်တန်းသားလက်ခံမည့်​ကာလမှာ (27.7.2024) ရက်နေ့နောက်ဆုံးဖြစ်ပါသည်။

(တက်ရောက်ရန်ရွေးချယ်ခံရသူများကို စာရင်းပေးသွင်းခဲ့သည့် ဖုန်း (သို့) email (သို့) Signal (သို့) Telegram တို့မှ ပြန်လည်ဆက်သွယ်ပေးသွားမည်ဖြစ်ပါသည်)

သင်တန်းစတင်မည့်နေ့ - 1.8.2024
(Thursday)

The Knot - Education
Education For All

Telegram Channel - https://t.me/theknot22

01/04/2024

📣မေလ်းစစ်ပေးကြပါ (📣Check Your Mail )

The Knot – Education ကနေဖွင့်လှစ်တဲ့ Korean Language Level-1 ဘာသာရပ်ကို သင်တန်းတက်ရောက်ခွင့်ရရှိသူများအား Mail ကနေ အကြောင်းကြားနေပြီ ဖြစ်ပါတယ် ခင်ဗျာ 📣📣📣

📌📌သင်တန်းတက်ရောက်ခွင့်ရရှိသူများသည် သင်တန်း တက်ရောက်ဖြစ်ပါက ပေးပို့ထားသော Mail အား 2.4.2024 ညနေ(၃)နာရီ မတိုင်ခင်ပြန်လည်အကြောင်းကြားပေးရမည်ဖြစ်ပါသည်။

📌📌သင်တန်းတက်ရောက်ခွင့်ရရှိသူများသည်သင်တန်းတက်ရောက်ဖြစ်ပါက Zoom Application နှင့် Telegram Application တို့အား install ပြုလုပ်ထားရန် လိုအပ်မည်ဖြစ်ပြီး Zoom Nick Name နှင့် Telegram Nick Name တို့အား ပြန်လည်အကြောင်းကြားချိန်တွင် တပါးတည်း ပေးပို့သွားရမည်ဖြစ်ပါသည်။

Start Date - 3.4.2024 ( Wednesday )
Time - 7:00PM To 8:30PM

The Knot - Education
Education For All

14/03/2024

🛑The Knot - Education မှာ တက်ရောက်လေ့လာလိုသူ ကျောင်းသား/သူ များအတွက် The Knot - Education ကနေ ကိုရီးယားဘာသာစကား အခြေခံ
ဗျည်းသရအသတ် အသံထွက်နှင့် အရေးအဖတ် တတ်မြောက်ပြီးသူများအတွက်
“Korean Language Level-1 Class” ကို ယူဆောင်လာပါပြီ ခင်ဗျာ 📣📣

ယခု Level-1 သင်တန်းမှာ ပါဝင်မယ့် သင်ခန်းစာတွေကတော့
⁃ နှုတ်ဆက်ခြင်းနှင့် မိမိကိုယ်ကို မိတ်ဆက်ခြင်း
⁃ ပစ္စည်းများနှင့် တည်နေရာ
⁃ တစ်နေ့တာ လုပ်ဆောင်မှုများ
⁃ အစားအစာ
⁃ ပိတ်ရက်
⁃ ဈေးဝယ်ထွက်ခြင်း
⁃ အစီအစဉ်ဆွဲခြင်း
⁃ ယာဉ်စီးခြင်း
⁃ ရာသီဥတု
⁃ ခရီးသွားခြင်း
⁃ မိသားစု
⁃ ဝါသနာ
⁃ ကျန်းမာရေး
⁃ ကျောင်းပိတ်ရက်နှင့် အားလပ်ရက်

စတဲ့ သင်ခန်းစာများ ပါဝင်မှာ ဖြစ်ပါတယ်။ သင်ခန်းစာများကို တက်ရောက်လေ့လာပြီးလျှင် သင်တန်းမှာပေးသော "Assignment" ကို မပျက်မကွက်ပါဝင်ဆောင်ရွက်သူများကို Certificate ပေးအပ်သွားမှာ ဖြစ်ပါတယ် ခင်ဗျာ📣📣
The Knot Education က Completion Certificate ရရှိသူများကို နောင်တစ်ချိန်တွင် အစိုးရအသိအမှတ်ပြု Federal တက္ကသိုလ်တစ်ခုမှ အသိအမှတ်ပြုလက်မှတ်ကို အခမ်းအနားဖြင့် ပြုလုပ်ပေးအပ်သွားမှာဖြစ်ပါတယ်။

📌ဘယ်သူသင်မှာလဲ?

ကိုရီးယားဘာသာစကား နယ်ပယ်တွင်လက်တွေ့သာမက သင်ကြားရေးအတွေ့အကြုံများစွာရှိသော အတတ်ပညာရှင်​ကနေ သေချာဂဏစွာရှင်းလင်းသင်ကြားပေးမှာဖြစ်ပြီး အတွေ့အကြုံတွေကို ဝေမျှပေးသွားမှာ ဖြစ်တဲ့အတွက် သေချာလေ့လာခွင့်ရရှိမှာပါ။

📌ဘယ်သူတွေတက်သင့်လဲ?

CDM ကျောင်းသား/သူ များ၊ ကိုရီးယားဘာသာစကား ကို စိတ်ပါဝင်စားစွာလေ့လာလိုသူများ ၊ Presentation & Assignment များကို မပျက်မကွက်ဆောင်ရွက်နိုင်သူများ ၊ သင်တန်းချိန်အပြည့်တက်ရောက်နိုင်သူများ ၊ လုပ်ငန်းခွင်သို့ဝင်လိုသူ မည်သူမဆို အခမဲ့(အခမဲ့)တက်ရောက်သင်ကြားနိုင်ပါတယ်။

📌သင်ကြားပို့ချမည့်ပုံစံ

သင်တန်းကို အွန်လိုင်းမှတဆင့် Zoom Cloud Meeting ကိုအသုံးပြုပြီး face to face အပြန်အလှန်ဆွေးနွေးပို့ချပေးသွားမှာဖြစ်ပါတယ်။

📌သင်တန်းကာလ (Duration) & အချိန် (Time)

-သင်တန်းကာလကတော့ 3.4.2024 ရက်နေ့တွင် စတင်ပြီး တစ်ပတ်ကို Wednesday & Thursday & Friday ( ၃ ) ရက်တည်းသာလျှင် တက်ရောက်ရမှာ ဖြစ်ပြီး သီတင်းပတ် ( ၁၅ ) ပတ်ခန့် တက်ရောက်ရမှာ ဖြစ်ပါတယ်။

-သင်တန်းအချိန်ကတော့ ညနေ 7:00 PM To 8:30 PM ထိ ပုံမှန် သင်ကြားပေးသွားမှာဖြစ်ပါတယ်။

📌တက်ရောက်လိုသူများအနေဖြင့်- အောက်ဖော်ပြပါ စာရင်းပေးသွင်းရန် Google Link မှာ တဆင့် စာရင်းပေးသွင်းနိုင်ပါတယ်။

📬စာရင်းပေးသွင်းရန် -

https://docs.google.com/forms/d/1pFba5eBeAGnT8eBwHDglELua0jaQjEjEBh-T4U20xHk/edit?usp=drivesdk

Google form ဖြည့်ရန်အခက်အခဲရှိသူများသည် The Knot Education ၏ Message box (Chat box)တွင်
၁။ အမည်၊
၂။ လက်ရှိတက္ကသိုလ်တက်နေခြင်းရှိ/မရှိ၊
၃။ အစိုးရအလုပ်လုပ်ကိုင်နေခြင်းရှိ/မရှိ၊
၄။ ပုဂ္ဂလိကတွင်လုပ်ကိုင်နေပါကဖော်ပြရန်
၅။ ဆက်သွယ်ရမည့် ဖုန်း၊ Viber၊ Signal၊ Telegram ရေးသားပေးပို့ထားပါရန်

👉 လူဦးရေအကန့်အသတ်ရှိတာကြောင့် ဦးစွာအပ်နှံမှစိတ်ချရမည်ဖြစ်ပါသည်။
👉 သင်တန်းသားလက်ခံမည့်​ကာလမှာ (31.3.2024) ရက်နေ့ နေ့လည် ၁၂ နာရီ ထိသာ နောက်ဆုံးဖြစ်ပါသည်။

(တက်ရောက်ရန်ရွေးချယ်ခံရသူများကို 1.4.2024 မနက်ခင်းမှာ စတင်၍ စာရင်းပေးသွင်းခဲ့သည့် Gmail (သို့) Telegram တို့မှ ပြန်လည်ဆက်သွယ်ပေးသွားမည်ဖြစ်ပါသည်။ Gmail (သို့) Telegram အား မှန်ကန်စွာဖြည့်သွင်းပေးရန်လိုအပ်ပါသည်။)

သင်တန်းစတင်မည့်နေ့ - 3.4.2024
(Wednesday)

The Knot - Education
Education For All

Telegram Channel - https://t.me/theknot22

12/03/2024

ဗကသဆိုတာ

⬛ အောင်ကျော်ဆန်း | ဆောင်းပါး | အိုးဝေစာစောင်

ကျနော်တို့တတွေ သမဂ္ဂမှာ တာဝန်ယူခွင့်ရတဲ့အချိန်တုန်းက ကျနော်တို့ရဲ့အထက်က မျိုးဆက်ဟောင်းရဲဘော်ကြီးတွေဟာ ကျနော်တို့ကို အင်မတန်နေရာပေးပြီးဆက်ဆံခဲ့တာကို အခုမှ ပြန်တွေးကြည့်မိပါတယ်။ ကျနော်တို့ခေတ်က သမဂ္ဂခေါင်းဆောင်ဟောင်းကြီးတွေကို မျိုးဆက်အစုံ တွေ့နိုင်ပါသေးတယ်။ ၁၉၀၃ ခုနှစ် ဘုရားမထူးသပိတ်ကိုမီခဲ့တဲ့ ခေါင်းဆောင်ကြီးတွေ၊ ပထမသပိတ်၊ ဒုတိယသပိတ်၊ တတိယသပိတ်ကို မီခဲ့တဲ့ခေါင်းဆောင်ကြီးတွေ အများကြီးရှိပါတယ်။

အဲဒီတုန်းက ၁၉၀၃ နဲ့ ၁၉၃၆ အကြား ကျောင်းသားခေါင်းဆောင်ကြီးတွေဟာ အသက်အရွယ် ကြီးရင့်ကုန်ပါပြီ။ တော်ရုံတန်ရုံကိစ္စနဲ့တော့ သူတို့ကို ကျနော်တို့ ဆက်သွယ်လေ့မရှိပါ။ သိပ်အရေးကြီးတဲ့အချိန်မျိုး၊ National Concern ဖြစ်လာတဲ့အခြေအနေမျိုး၊ သူတို့မပါမဖြစ်တဲ့ အခြေအနေမျိုးမှ သွားပြီးဒုက္ခပေးရတာပါ။ ၁၉၈၈ ခုနှစ် ရှစ်လေးလုံးအရေးတော်ပုံမှာ အဲဒီမျိုးဆက်တွေပါ လမ်းပေါ်ထွက်လာကြတယ်။ သူတို့က ကျနော်တို့ လိုအပ်သမျှ၊ ဗကသလိုအပ်သမျှ ဘာမဆို ဝိုင်းဝန်းကူညီခဲ့ကြတာပါ။ မန္တလေးမှာ ဗကသများအဖွဲ့ချုပ် ဗြောင်ထွက်ရပ်တော့မယ်ဆိုတော့ နေရာကိစ္စ စဉ်းစားရပါတယ်။ သပိတ်ကာလဆိုတော့ နေရာက မရှားပါဘူး။ ပေါပါတယ်။ လက်ညှိုးညွှန်ရာ ရေဖြစ်တဲ့ကာလမဟုတ်လား။

ဗကသများအဖွဲ့ချုပ်အနေနဲ့ မန္တလေးမှာ တကယ်ကို နေရာမရှားပါဘူး။ မန်းတက္ကသိုလ်မှာ၊ ရတနာဘုမ္မိမှာ၊ သပိတ်စစ်ကြောင်း အသီးသီးမှာ ဗကသကို ကြိုဆိုနေရာပေးမယ့်သူတွေ အများကြီးရှိပါတယ်။ ဒီလိုကြားထဲကပဲ ကျနော်တို့ဟာ နေရှင်နယ်ကျောင်းလို့ခေါ်တဲ့ အထက (၂) မှာ ရုံးထိုင်မယ်လို့ ဆုံးဖြတ်လိုက်ပါတယ်။ နေရှင်နယ်ကျောင်းသားဟောင်းထဲကတဆင့် ကျနော်တို့ ချဉ်းကပ်တယ်။ အသင်းနာယကတဦးဖြစ်တဲ့ သုခဝတီဦးစိန်တင်ကလည်း သပိတ်မှောက်ကျောင်းသားဟောင်းပါ။ သူက ဗကသများအဖွဲ့ချုပ်ဆိုတဲ့ အသံကြားတာနဲ့ ထိုင်ခုံလက်တန်းနှစ်ဖက်ကို တင်းတင်းဆုပ်ပြီး ထရပ်လိုက်တယ်။

“လက်ခံမှာပေါ့ဗျ။ လက်ခံရမှာပေါ့။ ငြင်းလို့ရတဲ့ကိစ္စမှ မဟုတ်တာ။ ဒီနေရာဟာ ဗကသများအဖွဲ့ချုပ်ရဲ့ ဘူမိနက်သန် နေရာမှန်ပဲ။ ကိုယ့်အိမ်ကို ပြန်လာတာ ဘယ်သူကငြင်းဆန်ရမှာတုန်း။ ကိုယ့်အမေ အိမ်ပြန်လာတာကို ဘယ်လိုသားသမီးက ငြင်းဆန်ရမှာတုန်း။ လာကြဗျ လာကြ။ ခင်ဗျားတို့ကို အားလုံးကစောင့်နေကြတာ။ လိုအပ်တာမှန်သမျှ ပြော။ ကျနော့်ကို ခိုင်း။ ခိုင်းပါ။ အဖိုးအရွယ် အဖေအရွယ်ဆိုပြီး အားမနာကြနဲ့။ ကျနော်တို့အားလုံးဟာ သမဂ္ဂရဲ့သားသမီးတွေပဲ။ သမဂ္ဂအတွက်ဆို အကုန်လုပ်ပေးကြမှာ။ လာဗျ လာကြ ဝမ်းမြောက်ဝမ်းသာ လက်ခံတယ်။ ဟုတ်ပြီလား။”

ဗကသများအဖွဲ့ချုပ်ကို အဲဒီလို ဝမ်းပန်းတသာကြိုဆိုတဲ့ နောက်တယောက်ကတော့ အမေလူထုဒေါ်အမာပါ။ ရှစ်လေးလုံး ပထမဆုံးနေ့မှာ အမေလူထုဒေါ်အမာ လမ်းပေါ်ထွက်ပြီး ချီတက်တဲ့အထဲ မပါသေးပါဘူး။ “အမေ ခဏနေပါဦး အခြေအနေ စောင့်ကြည့်ပေးပါဦး။ အမေ ထွက်ဖို့လိုအပ်ရင် ကျနော်တို့ လာပြောပါမယ်။” လို့ ဗကသများအဖွဲ့ချုပ်က သဘောထားပေးထားတာပါ။ အမေက “ဗကသနဲ့ ပတ်သက်ရင် ငါ့ကို ဘာမဆိုခိုင်း” လို့ ခွင့်ပြုခဲ့ပါတယ်။ တကယ်လည်း ကျနော်တို့ မေတ္တာရပ်ခံတဲ့အတိုင်း လိုက်လျောပါတယ်။

သြဂုတ်လ ရှစ်ရက်နေ့ အခြေအနေဟာ အတော်ကိုတင်းမာပါတယ်။ သပိတ် ဘယ်နေရာကစမလဲ ဘယ်သူမှမသိပါဘူး။ ကိုယ်စီကိုယ်စီ အုပ်စုဖွဲ့ပြီး အသေခံဆန္ဒပြမယ့်အဖွဲ့တွေ ရှိနေကြပါပြီ။ ဒါပေမယ့် ကိုယ့်လူကိုယ်ပဲ သိတယ်။ တမြို့လုံးအခြေအနေ မှန်းလို့မရသေးဘူးပေါ့။ မန္တလေးဘုရားကြီးအရှေ့မုခ် ကုသိနာရုံတိုက်ဝ၊ မြတောင်ကျောင်းတိုက်အုတ်တံတိုင်း၊ မစိုးရိမ်တိုက်ဟောင်း ဆွမ်းစားကျောင်း၊ မန်းတက္ကသိုလ်ပင်မ၊ ရတနာဘုမ္မိနဲ့ ဂျီတီအိုင်ကျောင်းဝန်းတွေမှာ စာရွက်တွေပြန့်ကြဲ လေမှာဝဲနေပါပြီ။ အဲဒီတုန်းက နိုင်ငံရေးဝါဒဖြန့်ကြော်ငြာတွေ ကပ်တဲ့နေရာတွေကိုလည်း Democratic Wall တွေလို့ တင်စားခေါ်ဝေါ်နေပါပြီ။ သပိတ်ကဖြစ်တော့မှာပဲ။ ဘယ်လိုစကြမလဲ။ ကျနော်တို့အနေနဲ့ကတော့ ရေရှည်အမြင်စိုက်ထူပြီး အလုပ်လုပ်တာမို့ အများဆုံးရှေ့ထွက်တိုက်ပွဲဝင်ဖို့ ၃၀ ရာခိုင်နှုန်းအထိ ခွင့်ပြုပေးလိုက်ပါတယ်။ အဲဒီအချိန်က အားလုံးသိတဲ့အတိုင်း ရန်ကုန်မှာလည်း နေ့စဉ်နဲ့အမျှ သေနတ်သံတွေ ယမ်းနံ့တွေနဲ့ ဆူညံပွက်လောရိုက်နေပါပြီ။

အခုပြန်စဉ်းစားကြည့်တော့ မန္တလေးဟာလည်း အင်မတန်ပြင်းထန်တဲ့ စစ်မြေပြင်လို ဖြစ်နေတယ်လို့ ခံစားမိပါတယ်။ စစ်ကိုင်းမှာ လူပေါင်းရာကျော် ပစ်သတ်ထားတာ ဘာမှမကြာသေးပါဘူး။ ရှေ့ကစစ်ကိုင်းလူသတ်ပွဲက သွေးမခြောက်သေးခင် နောက်ထပ်တမျိုး အန္တရာယ်ရှိတဲ့တိုက်ပွဲကို ဆက်တိုက်ကြရမှာပါ။ သတင်းတွေက ဘယ်မှာမှ မကောင်းပါဘူး။ ရန်ကုန်မှာ ပစ်ခတ်နေသလို တောင်ကြီး၊ လားရှိုးနဲ့ ပြည်တို့မှာ လူမျိုးရေးအဓိကရုဏ်းတွေဖြစ် သွေးချောင်းစီးထားတာတွေလည်း ရှိပါသေးတယ်။

ဘယ်လိုပဲဖြစ်ဖြစ် လူထုရဲ့ မကြောက်မရွံ့ နောက်မတွန့်တဲ့ သတ္တိ၊ ဇွဲနပဲ၊ အနစ်နာခံဆောင်ရွက်မှု၊ အသက်ကိုတောင်ပမာမထားဘဲ စွန့်လွှတ်စွန့်စားမှုတွေကြောင့် ၁၉၈၈ ခုနှစ် သြဂုတ်လ ၈ ရက်နေ့မှာ မန္တလေးမြို့ရဲ့လမ်းမကြီးတွေပေါ် ရှစ်လေးလုံးတိုက်ပွဲ ခေါ်သံတွေ မြည်ဟိန်းပဲ့တင်ထပ်ခဲ့ပါတယ်။ သပိတ်စတဲ့နေရာတွေက ကုသိနာရုံတိုက်ဝ၊ ဘုရားကြီးအလယ်တိုက်၊ ဦးပေစိဘုရား၊ စျေးချိုနာရီစင်တို့ပဲလို့ အကြမ်းဖျင်းပြောနိုင်ပါတယ်။ သပိတ်စစ်ကြောင်းတွေဟာ တောင်ကနေမြောက် တဖြည်းဖြည်းချင်း စုပေါင်းပြီး နာရီစင်မှာ လူအုပ်ကြီးဖြစ်လာတယ်။ အဲဒီကနေ ၂၆ ဘီလမ်း၊ နောက်အဲဒီကတဆင့် ၇၃ မင်္ဂလာလမ်း၊ အဲဒီကနေ တက္ကသိုလ်၊ နောက်ရေတွင်းပျက် သိပ္ပံလမ်းကတဆင့် ဘုရားကြီး။ အဓိကစစ်ကြောင်းဟာ အဲသလိုပတ်ပါတယ်။ ကျန်တဲ့စစ်ကြောင်းတွေ လူအုပ်တွေကတော့ ရှေ့ကျွံလိုက် နောက်ပြတ်ကျန်လိုက် အမျိုးမျိုးဖြစ်ကြရတာပါ။ ဒီအူကြောင်းကနေ လမ်းလွဲပြီး အခြားနည်းနဲ့ ချီတက်နေတာတွေလည်း ဒုနဲ့ဒေးပါပဲ။ အဲဒီနေ့က ပစ်ခတ်မှု နှစ်ကြိမ်၊ သုံးကြိမ်ဖြစ်ပါတယ်။ လူအုပ်ထုထည်ကြီးလွန်းတဲ့အတွက်တကြောင်း၊ ပြည်သူတွေ ဝန်းရံထားတဲ့အတွက် လမ်းပိတ်ပြီး လုပ်ကြံသတ်ဖြတ်ရေးတပ်စု ပိတ်မိသွားနိုင်တဲ့အခြေအနေကြောင့်တကြောင်း စစ်တပ်က နောက်ပြန်ဆုတ်ပေးရပါတယ်။

နောက်တနေ့ သြဂုတ်လ ၉ ရက်နေ့ဟာ ကျနော်တို့အတွက် သေရေးရှင်ရေး ဖြစ်နေဆဲပါပဲ။ အဲဒီနေ့ဆက်မထွက်နိုင်ရင် ပွဲသိမ်းပြီ။ တကယ်တော့ တိုက်ပွဲဝင်လူထုတရပ်လုံးဟာ အဲဒီအခြေအနေကို အမှန်အတိုင်း မှန်းဆနိုင်ကြပါပြီ။ ကျနော်တို့ရှိသမျှ လူသူအင်အားအကုန်သုံးပြီး ဆက်တွန်းကြပါမယ်။ ကျနော်တို့ နောက်ပြန်ဆုတ်လို့ မရတော့ပါဘူး။ ရေရှည် မြေအောက်လုပ်ငန်းအတွက် ချန်ရစ်မယ့်ရဲဘော်တွေကလွဲလို့ ကျန်ရဲဘော်အားလုံးကို အဆုံးစွန်ဝင်ပါခွင့် ပေးလိုက်ကြပါပြီ။ ကိုယ်တိုင် ပိုင်းဖြတ်မှုရှိရှိနဲ့ တိုက်ပွဲကို ဆင်နွဲခွင့်ပေးလိုက်ပါတယ်။ ဒါတင်မက ကျနော်တို့ မေတ္တာရပ်ခံ ဟန့်တားထားတဲ့ သမဂ္ဂရဲဘော်ကြီးတွေဆီကိုလည်း သပိတ်တိုက်ပွဲမှာ တခဲနက်ပါဝင်ကြဖို့ မေတ္တာရပ်ခံစာတွေ ပို့လိုက်ကြပါတယ်။ အဲဒီနေ့ကစပြီး အမေလူထုဒေါ်အမာ အပါအဝင် သမဂ္ဂခေါင်းဆောင်ဟောင်းမျိုးဆက်အားလုံး သပိတ်တိုက်ပွဲထဲကို တခဲနက် အုံနဲ့ကျင်းနဲ့ တိုက်ပွဲဝင်လာခဲ့ကြတာပါ။

လေးစားအပ်တဲ့ သမဂ္ဂခေါင်းဆောင်ဟောင်းကြီးတွေ အများကြီးပါ။ အခုအဲဒီခေါင်းဆောင်ဟောင်းကြီးတွေ အားလုံးနီးပါး ကွယ်လွန်သွားကြပါပြီ။ ဒီသမဂ္ဂခေါင်းဆောင်ကြီးတွေဟာ ကျနော်တို့ လိုအပ်တဲ့အချိန်တိုင်းမှာ သမဂ္ဂတာဝန်ကို ကျေပြွန် အောင် ဝင်ရောက်ထမ်းဆောင်ပေးကြပါတယ်။ ကျနော်သတိရသလောက် အဲဒီရဲဘော်ကြီးတွေရဲ့ အမည်စာရင်းကို ပြောပြချင်ပါတယ်။ အများကြီးကျန်ပါဦးမယ်။ သုခဝတီဦးစိန်တင်၊ လူထုဒေါ်အမာ၊ ကဗျာဆရာကြည်အောင်၊ စံပြကြက်ခြံပိုင်ရှင် ဦးမောင်လေး၊ မြေသူကြီး ဦးစောမောင်၊ ဒေါက်တာလှရွှေ စစ်ကိုင်း၊ ကျောင်းသားခေါင်းဆောင် ဦးသူတော်၊ သပိတ်မတိုင်ခင် အနီးကပ်မှ ကွယ်လွန်သွားတဲ့ တက္ကသိုလ်မောင်စောလွင်၊ မနတဦးဇော်ဝင်း၊ ကျောက်ဆည် ဦးစိုးဝင်းမောင်၊ ကျောက်ဆည် ဒေါ်မြရီ၊ သံမဏိမောင်မောင်၊ တတိယသပိတ်ခေါင်းဆောင် ဒေါ်တင်တင်၊ ဂျပန်တော်လှန်ရေးရဲဘော် ဗိုလ်မှူးလှဖေ၊ မြင်းခြံသပိတ်ဒုတိယခေါင်းဆောင် ဦးအောင်သူ၊ မစိုးရိမ်တိုက်ဟောင်း နာယကချုပ်ဆရာတော် ဦးကောဝိဒ၊ မစိုးရိမ်တိုက်သစ် နာယကချုပ်ဆရာတော် ဦးရာဇဓမ္မ စတဲ့ ရဟန်းရှင်လူ မြို့မျက်နှာဖုံးလူကြီးတွေ အများကြီးပါ။ ဆရာတော်တွေကလွဲရင် ကျန်တဲ့လူပုဂ္ဂိုလ်တွေက သမဂ္ဂရဲဘော်ဟောင်းတွေပါ။ ဒီပုဂ္ဂိုလ်တွေဟာ သမဂ္ဂဆိုတဲ့အသံကြားရင် အားလုံးအသင့်အနေအထားနဲ့ ရှိခဲ့ကြတယ်။

ကျနော်တို့ကို လိုလေသေးမရှိ ကူညီပံပိုးခဲ့ကြတယ်။ ကျနော်တို့လည်း အမိတက္ကသိုလ်ရင်ခွင်ကထွက်ပြီး ပုလဲသီတကွဲစီ ဆိုသလို ပရိယေသနဝမ်းစာရှာစားနေရတဲ့ဘဝမှာ သမဂ္ဂဆိုတဲ့အသံကြားရင် အလိုလိုနားစွင့်မိကြတာပါ။ ကိုယ်ကျင်လည်လေရာ ဘဝဝန်းကျင်က ခဏထွက်ပြီး သမဂ္ဂမိခင်လိုအပ်သမျှ ပံ့ပိုးကူညီကြရတာပါ။ မျိုးဆက်အသီးသီးက ကျောင်းသားရဲဘော်ဟောင်းအားလုံးဟာ သမဂ္ဂမိခင်ရှေ့မှာ ရိုသေကိုင်းညွှတ်ကြရတာပါ။ လူထုဒေါ်အမာ၊ သခင်အုန်းမြင့်၊ သခင်သိန်းမောင်၊ ဒဂုန်တာရာ၊ လေထီးဗိုလ်အုန်းမောင်၊ လေထီးဒေါ်မြရီ စတဲ့ တိုင်းပြည်ရှေ့ဆောင်သူရဲကောင်းကြီးတွေတောင်မှ သမဂ္ဂမိခင်ရှေ့မှာ ရိုသေကိုင်းညွှတ်ကြရပါတယ်။ သမဂ္ဂကို ပမာမခန့်လုပ်သူ မကြုံဖူးပါဘူး။ ဒါ ကျနော် ရင်းနှီးတွေ့ကြုံဆက်ဆံမိသမျှ လူပုဂ္ဂိုလ်တွေကို တိုင်တည်သက်သေထူတာပါ။ ကျနော် လက်လှမ်းမမှီတဲ့ပုဂ္ဂိုလ်တွေ အများကြီးပါ။

ရဲဘော်များခင်ဗျား ...
ဗကသများအဖွဲ့ချုပ်ရှေ့မှောက်မှာ ကျနော်တို့အားလုံး မူလတန်းဆရာရှေ့ရောက်သလို ရိုသေလေးစားကြရပါတယ်။ ရဲဘော်တို့ဟာ သမဂ္ဂအမေရဲ့ ဂုဏ်သိက္ခာကို ဆထက်တပိုး တိုးမြှင့်နိုင်သူတွေ ဖြစ်ကြပါစေ။ သမဂ္ဂစိတ်ဓာတ်နဲ့ ညီညွတ်ကြပါစေ။ သမဂ္ဂကို ရိုသေလေးစားနိုင်ကြပါစေလို့ ဆုတောင်း မေတ္တာပို့သအပ်ပါတယ်။

ဗကသများအဖွဲ့ချုပ် အဓွန့်ရှည်ပါစေ။
ရန်သူတကာ ကြောက်ဒူးတုန်ပါစေ။

⬛ အောင်ကျော်ဆန်း
(မိုးမခ)
၂၂ ဖေဖော်ဝါရီလ၊ ၂၀၁၇

#ဗကသများအဖွဲ့ချုပ် #ဗကသ

09/03/2024

The Knot - Education မှာ ကျောင်းသား/ သူများအတွက် စဥ်ဆက်မပြတ် ပညာရေးအစီအစဥ်များကို ဖော်ဆောင်လျက်ရှိပါသည်။ ကျောင်းသား / သူများကြား The Knot - Educaion မှာ ဖွင့်လှစ်သော သင်တန်းများနှင့် သင်တန်းသားခေါ်ယူခြင်းများအား ကျယ်ကျယ်ပြန့်ပြန့် သိရှိစေရန်အတွက် page နည်းတူ Telegram Channel ကိုလည်း ဖွင့်လှစ်ထားရှိပြီး ဖြစ်ပါသည်။ The Knot - Education ထပ်မံဖွင့်လှစ်မည် သင်တန်းများအကြောင်း အချိန်တပြေးညီသိရှိစေရန်အတွက် The Knot - Education page နှင့် Telegram Channel တို့အား စဥ်ဆက်မပြတ်စောင့်ကြည့်ကြဖို့ တိုက်တွန်းချင်ပါတယ်ခင်ဗျာ

page Link- https://www.facebook.com/profile.php?id=100082786838861&mibextid=ZbWKwL
Telegram Channel Link - https://t.me/theknot22

13/02/2024

ကျောင်းသားခေါင်းဆောင် ကိုအောင်ဆန်း​၏ ၁၀၉ နှစ်မြောက် မွေးနေ့

နယ်ချဲ့အစိုးရကို တော်လှန်သော ကျောင်းသားလှုပ်ရှားမှုများတွင် စွမ်းစွမ်းတမံဦးဆောင်ခဲ့သည့် ကျောင်းသားခေါင်းဆောင် ကိုအောင်ဆန်း​၏ မွေးနေ့သည် ယနေ့တွင် ၁၀၉ နှစ် တိုင်ခဲ့လေပြီ။

ကိုအောင်ဆန်းသည် ငယ်စဉ်ကပင် အမျိုးသားရေး၊ နိုင်ငံရေးတို့၌ စိတ်ပါဝင်စားခဲ့ပြီး တက္ကသိုလ်ကျောင်းသား ဖြစ်လာချိန်တွင် တက္ကသိုလ်ကျောင်းသားသမဂ္ဂတွင် စိတ်အားထက်သန်စွာ ပါဝင်ဆောင်ရွက်ခဲ့သည်။ ၁၉၃၅-၃၆ စာသင်နှစ်တွင် ရန်ကုန်တက္ကသိုလ်ကျောင်းသားသမဂ္ဂ၏ အမှုဆောင်အဖွဲ့ဝင်တဦးအဖြစ် ရွေးချယ်ခံခဲ့ရပြီး သမဂ္ဂမှထုတ်ဝေသော အိုးဝေမဂ္ဂဇင်း အယ်ဒီတာ ဖြစ်လာသည်။ အိုးဝေမဂ္ဂဇင်းအယ်ဒီတာ အဖြစ်တာဝန်ယူနေစဉ် 'ငရဲခွေးကြီး လွတ်နေပြီ' ဟူသော ဆောင်းပါးကို ဖော်ပြခဲ့သောကြောင့် ကိုအောင်ဆန်းနှင့် ကိုနုတို့ ကျောင်းထုတ်ခံခဲ့ရသည်။ ဤသည်ကို မကျေနပ်သောကြောင့် ကျောင်းသားများသပိတ်မှောက်ရာမှ နောင်တွင်သမိုင်းတွင်မည့် ဒုတိယကျောင်းသားသပိတ်ကြီး ဖြစ်ပွားခဲ့သည်။ ထိုကျောင်းသားသပိတ်အပြီးတွင် ကျောင်းသားလှုပ်ရှားမှုများ၏ လိုအပ်ချက်အရ ဗမာနိုင်ငံလုံးဆိုင်ရာကျောင်းသားများသမဂ္ဂ (ဗကသ) ကို ဖွဲ့စည်းခဲ့ကြသည်။ ၁၉၃၇-၃၉ ခုနှစ်တွင် ကိုအောင်ဆန်းသည် ဗကသ ဥက္ကဋ္ဌအဖြစ် တာဝန်ယူခဲ့သည်။ ထို့နောက်တွင် အခြားနိုင်ငံရေးတာဝန်များထမ်းဆောင်ရန် ကျောင်းသားသမဂ္ဂမှထွက်ခဲ့ပြီး လွတ်လပ်ရေးအတွက် အားသွန်ခွန်စိုက် ကြိုးပမ်းခဲ့သည်။

ဤသို့ ဖိနှိပ်မှုများကို ဦးဆောင်ကာ တွန်းလှန်ခဲ့ကြသော ကျောင်းသားခေါင်းဆောင်များထဲမှ တဦးဖြစ်သည့် ကိုအောင်ဆန်း​၏ ၁၀၉ နှစ်မြောက်မွေးနေ့အား အမှတ်ရရင်း ကျွန်ုပ်တို့ လက်ရှိကျောင်းသားထုသည်လည်း စစ်အာဏာရှင်နှင့် ဖိနှိပ်မှုများကို တွန်းလှန်ကာ အဖိနှိပ်ခံများဘက်မှ အစဉ်တစိုက်ရပ်တည်သွားကြရန် ကျွန်ုပ်တို့ စစ်ကိုင်းသမဝါယမတက္ကသိုလ်ကျောင်းသားများသမဂ္ဂမှ တပါတည်း နှိုးဆော်အပ်ပါသည်။


crd.UYSU

01/02/2024

🛑 ကိုရီးယားဘာသာစကားသင်တန်းအတွက် သင်တန်းသားခေါ်ယူခြင်းနှင့် သင်တန်းကာလနှင့် အတန်းချိန်ကြေညာခြင်း

🛑The Knot - Education မှာ တက်ရောက်လေ့လာလိုသူ ကျောင်းသား/သူ များအတွက် The Knot - Education ကနေ ဘာသာစကား သင်တန်းလေး တစ်ခု “ကိုရီးယားဘာသာစကား အခြေခံအဆင့် အရေးအဖတ်သင်တန်း” ကို ယူဆောင်လာပါပြီ ခင်ဗျာ 📣📣

- ကိုရီးယားဘာသာစကား ကို ကောင်းမွန်စွာ ရေးတတ်၊ ဖတ်တတ်၊ ပြောတတ် ချင်ပါသလား❓
- ကိုရီးယားဘာသာစကား ကို ရေးတတ်၊ ဖတ်တတ်၊ ပြောတတ်ဖို့ အခက်အခဲ ဖြစ်နေပါသလား❓
- ဒါဆိုရင် ယခုဖွင့်လှစ်မဲ့ သင်တန်းလေးမှာ တက်ရောက်ဖို့ ဖိတ်လိုက်ပါတယ် ခင်ဗျာ

ယခု သင်တန်းမှာ ပါဝင်မယ့် သင်ခန်းစာတွေကတော့
၁။ ကိုရီးယား ဘာသာစကား ဗျည်း၊ သရ ရေးနည်း၊အသံထွက်နည်း
၂။ ကိုရီးယားစကားရှိ အသတ်သံများ အသံထွက်နည်း
၃။ စာလုံးပေါင်းသတ်ပုံမှန်မှန်ကန်ကန်ဖြင့် ဝေါဟာရများနှင့် ဝါကျများကို ရေးဖတ်ခြင်း
၄။ အခြေခံ နှုတ်ဆက်စကားများ သင်ယူလေ့ကျင့်ခြင်း။
စတဲ့ သင်ခန်းစာများ ပါဝင်မှာ ဖြစ်ပါတယ်။ သင်ခန်းစာများကို တက်ရောက်လေ့လာပြီးလျှင် သင်တန်းမှာပေးသော "Assignment" ကို မပျက်မကွက်ပါဝင်ဆောင်ရွက်သူများကို Certificate ပေးအပ်သွားမှာ ဖြစ်ပါတယ် ခင်ဗျာ📣📣
The Knot Education က Completion Certificate ရရှိသူများကို နောင်တစ်ချိန်တွင် အစိုးရအသိအမှတ်ပြု Federal တက္ကသိုလ်တစ်ခုမှ အသိအမှတ်ပြုလက်မှတ်ကို အခမ်းအနားဖြင့် ပြုလုပ်ပေးအပ်သွားမှာဖြစ်ပါတယ်။

📌ဘယ်သူသင်မှာလဲ?

ကိုရီးယားဘာသာစကား နယ်ပယ်တွင်လက်တွေ့သာမက သင်ကြားရေးအတွေ့အကြုံများစွာရှိသော အတတ်ပညာရှင်​ကနေ သေချာဂဏစွာရှင်းလင်းသင်ကြားပေးမှာဖြစ်ပြီး အတွေ့အကြုံတွေကို ဝေမျှပေးသွားမှာ ဖြစ်တဲ့အတွက် သေချာလေ့လာခွင့်ရရှိမှာပါ။

📌ဘယ်သူတွေတက်သင့်လဲ?

CDM ကျောင်းသား/သူ များ၊ ကိုရီးယားဘာသာစကား ကို စိတ်ပါဝင်စားစွာလေ့လာလိုသူများ ၊ Presentation & Assignment များကို မပျက်မကွက်ဆောင်ရွက်နိုင်သူများ ၊ သင်တန်းချိန်အပြည့်တက်ရောက်နိုင်သူများ ၊ လုပ်ငန်းခွင်သို့ဝင်လိုသူ မည်သူမဆို အခမဲ့(အခမဲ့)တက်ရောက်သင်ကြားနိုင်ပါတယ်။

📌သင်ကြားပို့ချမည့်ပုံစံ

သင်တန်းကို အွန်လိုင်းမှတဆင့် Zoom Cloud Meeting ကိုအသုံးပြုပြီး face to face အပြန်အလှန်ဆွေးနွေးပို့ချပေးသွားမှာဖြစ်ပါတယ်။

📌သင်တန်းကာလ (Duration) & အချိန် (Time)

-သင်တန်းကာလကတော့ 8.2.2024 ရက်နေ့တွင် စတင်ပြီး တစ်ပတ်ကို Thursday & Friday ( ၂ ) ရက်တည်းသာလျှင် တက်ရောက်ရမှာ ဖြစ်ပြီး သီတင်းပတ် ( ၅ ) ပတ်ခန့် တက်ရောက်ရမှာ ဖြစ်ပါတယ်။

-သင်တန်းအချိန်ကတော့ ညနေ 6:00 - 7:30 PM ထိ ပုံမှန် သင်ကြားပေးသွားမှာဖြစ်ပါတယ်။

📌တက်ရောက်လိုသူများအနေဖြင့်- အောက်ဖော်ပြပါ စာရင်းပေးသွင်းရန် Google Link မှာ တဆင့် စာရင်းပေးသွင်းနိုင်ပါတယ်။

📬စာရင်းပေးသွင်းရန် -
https://docs.google.com/forms/d/11n-As0GX8RZGDEFo4HGAOd8Ef3uKGSuQ-m-6pF3Qwn8/edit?usp=drivesdk

Google form ဖြည့်ရန်အခက်အခဲရှိသူများသည် The Knot Education ၏ Message box (Chat box)တွင်
၁။ အမည်၊
၂။ လက်ရှိတက္ကသိုလ်တက်နေခြင်းရှိ/မရှိ၊
၃။ အစိုးရအလုပ်လုပ်ကိုင်နေခြင်းရှိ/မရှိ၊
၄။ ပုဂ္ဂလိကတွင်လုပ်ကိုင်နေပါကဖော်ပြရန်
၅။ ဆက်သွယ်ရမည့် ဖုန်း၊ Viber၊ Signal၊ Telegram ရေးသားပေးပို့ထားပါရန်

👉 လူဦးရေအကန့်အသတ်ရှိတာကြောင့် ဦးစွာအပ်နှံမှစိတ်ချရမည်ဖြစ်ပါသည်။
👉 သင်တန်းသားလက်ခံမည့်​ကာလမှာ (6.2.2024) ရက်နေ့ နေ့လည် ၁၂ နာရီ ထိသာ နောက်ဆုံးဖြစ်ပါသည်။

(တက်ရောက်ရန်ရွေးချယ်ခံရသူများကို 7.2.2024 မနက်ခင်းမှာ စတင်၍ စာရင်းပေးသွင်းခဲ့သည့် Gmail (သို့) Telegram တို့မှ ပြန်လည်ဆက်သွယ်ပေးသွားမည်ဖြစ်ပါသည်။ Gmail (သို့) Telegram အား မှန်ကန်စွာဖြည့်သွင်းပေးရန်လိုအပ်ပါသည်။)

သင်တန်းစတင်မည့်နေ့ - 8.2.2024
(Thursday)

The Knot - Education
Education For All

28/01/2024

🛑The Knot - Education မှာ တက်ရောက်လေ့လာလိုသူ ကျောင်းသား/သူ များအတွက် The Knot - Education ကနေ ဘာသာစကား သင်တန်းလေး တစ်ခု “ကိုရီးယားဘာသာစကား အခြေခံအဆင့် အရေးအဖတ်သင်တန်း” ကို ယူဆောင်လာပါပြီ ခင်ဗျာ 📣📣

- ကိုရီးယားဘာသာစကား ကို ကောင်းမွန်စွာ ရေးတတ်၊ ဖတ်တတ်၊ ပြောတတ် ချင်ပါသလား❓
- ကိုရီးယားဘာသာစကား ကို ရေးတတ်၊ ဖတ်တတ်၊ ပြောတတ်ဖို့ အခက်အခဲ ဖြစ်နေပါသလား❓
- ဒါဆိုရင် ယခုဖွင့်လှစ်မဲ့ သင်တန်းလေးမှာ တက်ရောက်ဖို့ ဖိတ်လိုက်ပါတယ် ခင်ဗျာ

ယခု သင်တန်းမှာ ပါဝင်မယ့် သင်ခန်းစာတွေကတော့
၁။ ကိုရီးယား ဘာသာစကား ဗျည်း၊ သရ ရေးနည်း၊အသံထွက်နည်း
၂။ ကိုရီးယားစကားရှိ အသတ်သံများ အသံထွက်နည်း
၃။ စာလုံးပေါင်းသတ်ပုံမှန်မှန်ကန်ကန်ဖြင့် ဝေါဟာရများနှင့် ဝါကျများကို ရေးဖတ်ခြင်း
၄။ အခြေခံ နှုတ်ဆက်စကားများ သင်ယူလေ့ကျင့်ခြင်း။
စတဲ့ သင်ခန်းစာများ ပါဝင်မှာ ဖြစ်ပါတယ်။ သင်ခန်းစာများကို တက်ရောက်လေ့လာပြီးလျှင် သင်တန်းမှာပေးသော "Assignment" ကို မပျက်မကွက်ပါဝင်ဆောင်ရွက်သူများကို Certificate ပေးအပ်သွားမှာ ဖြစ်ပါတယ် ခင်ဗျာ📣📣
The Knot Education က Completion Certificate ရရှိသူများကို နောင်တစ်ချိန်တွင် အစိုးရအသိအမှတ်ပြု Federal တက္ကသိုလ်တစ်ခုမှ အသိအမှတ်ပြုလက်မှတ်ကို အခမ်းအနားဖြင့် ပြုလုပ်ပေးအပ်သွားမှာဖြစ်ပါတယ်။

📌ဘယ်သူသင်မှာလဲ?

ကိုရီးယားဘာသာစကား နယ်ပယ်တွင်လက်တွေ့သာမက သင်ကြားရေးအတွေ့အကြုံများစွာရှိသော အတတ်ပညာရှင်​ကနေ သေချာဂဏစွာရှင်းလင်းသင်ကြားပေးမှာဖြစ်ပြီး အတွေ့အကြုံတွေကို ဝေမျှပေးသွားမှာ ဖြစ်တဲ့အတွက် သေချာလေ့လာခွင့်ရရှိမှာပါ။

📌ဘယ်သူတွေတက်သင့်လဲ?

CDM ကျောင်းသား/သူ များ၊ ကိုရီးယားဘာသာစကား ကို စိတ်ပါဝင်စားစွာလေ့လာလိုသူများ ၊ Presentation & Assignment များကို မပျက်မကွက်ဆောင်ရွက်နိုင်သူများ ၊ သင်တန်းချိန်အပြည့်တက်ရောက်နိုင်သူများ ၊ လုပ်ငန်းခွင်သို့ဝင်လိုသူ မည်သူမဆို အခမဲ့(အခမဲ့)တက်ရောက်သင်ကြားနိုင်ပါတယ်။

📌သင်ကြားပို့ချမည့်ပုံစံ

သင်တန်းကို အွန်လိုင်းမှတဆင့် Zoom Cloud Meeting ကိုအသုံးပြုပြီး face to face အပြန်အလှန်ဆွေးနွေးပို့ချပေးသွားမှာဖြစ်ပါတယ်။

📌သင်တန်းကာလ (Duration) & အချိန် (Time)

-သင်တန်းကာလနဲ့ အချိန်ကိုတော့ ထပ်မံ ကြေညာပေးသွားမည်ဖြစ်ပါတယ် ။

👉 လူဦးရေအကန့်အသတ်ရှိတာကြောင့် ဦးစွာအပ်နှံနိုင်မှ စိတ်ချရမည်ဖြစ်ပါတယ်။

များမကြာမှီရက်ပိုင်းအတွင်းမှာ သင်တန်းကာလ၊အချိန်နှင့် သင်တန်းခေါ်ယူမှုတို့အား ထပ်မံကြေညာသွားမှာ ဖြစါသည့်အတွက် The Knot - Education ၏ page အား အမြဲမပြတ်စောင့်ကြည့်ဖို့ တိုက်တွန်းချင်ပါတယ် ခင်ဗျာ

The Knot - Education
Education For All

30/12/2023

“နှစ်သစ်ကိုလည်း ကြို၊ ဖက်ဆစ်ကိုလည်း ဖြို”

ဗကသများအဖွဲ့ချုပ်

#ဗကသ #လှုပ်ရှားမှု