BatuRock Advisory

12/07/2026

SK Hynix's roughly $26.5 billion listing is the largest ever by a foreign company on a US exchange.

(Credit: Getty Images)

12/07/2026

Н.Учрал: Цаашид төрийн компани ашиггүй ажиллахгүй, оффис түрээслэхгүй. Нэлээн олон хүн явуулна. Битгий ар өврөөс яриад байгаарай

23/06/2026

#Байгууллагын нягтлан бодох бүртгэлд №1

Баяр ёслолын зардлын хязгаарлалт бүртгэл

Ёслол, хүндэтгэлийн арга хэмжээний зардал (Ceremonial and Entertaining Expense)
Хэрэв уг хурал цуглаан нь бизнесийн харилцаа шинээр тогтоох, хамтын ажиллагааг өргөжүүлэх зорилгоор зочид, төлөөлөгчдийг хүлээн авахтай холбоотой бол үүнийг ёслол хүндэтгэлийн арга хэмжээний зардал гэж үзнэ.

Зардлын хязгаар: Энэхүү зардал нь тухайн татварын жилд нийт ажиллагсдад олгосон цалингийн зардлын нийт дүнгийн 5 хувиас хэтрэхгүй байх тохиолдолд татвар ногдох орлогоос хасагдана

11/06/2026

Тэгвэл энэ шийдвэр эдийн засагт ямар болзошгүй үр дагавар авчирч болох вэ ?

1. Хөдөлмөрийн зах зээл дэх эерэг нөлөө
Далд эдийн засгийг бууруулах: Иргэд ирээдүйд өндөр тэтгэвэр авахын тулд цалингаа бүтнээр нь мэдүүлж, Нийгмийн даатгалын шимтгэлийг (НДШ) хуулийн дагуу үнэн зөв төлөх сонирхол нь нэмэгдэнэ. Энэ нь цалинг "дугтуйнд" өгөх үзэгдлийг багасгахад тусална.

Тогтвортой ажил эрхлэлтийг дэмжих: Нэг байгууллагадаа эсвэл улсад олон жил тууштай, албан ёсны бүртгэлтэй ажиллах хүсэл эрмэлзлийг хөдөлмөр эрхлэгчдэд төрүүлнэ.

2. Нийгмийн хамгаалал ба худалдан авах чадвар
Ахмад настнуудын амьжиргааны чанар: Тэтгэвэрт гарах үед авах орлого нь өмнөх хуучин тогтолцооноос харьцангуй өндөр тогтох тул (жишээ нь, 35 жил ажилласан бол цалингийн 67.5%-иар биш 72.5%-иар) ахмадуудын худалдан авах чадвар сайжирна.

Дундаж давхаргыг хамгаалах: Насан туршдаа хөдөлмөрлөсөн иргэд тэтгэвэрт гармагцаа ядуурлын эгнээ рүү шилжих эрсдэлийг бууруулна.

3. Улсын төсөв ба Нийгмийн даатгалын санд ирэх ачаалал
Богино хугацаанд: Иргэд шимтгэлээ идэвхтэй төлж эхэлснээр Нийгмийн даатгалын сангийн (НДС) орлого тодорхой хэмжээгээр өсөж, төсвийн ачаалал түр хугацаанд хөнгөрч болно.

Урт хугацаанд: Тэтгэвэр авагчдын гар дээр очих мөнгөн дүн нэмэгдэх учраас ирээдүйд НДС-ийн тэтгэврийн сангийн зарлага үлэмж хэмжээгээр өснө. Хэрэв хүн ам зүйн бүтэц хөгширч, ажиллах хүчний тоо буурвал урт хугацаандаа улсын төсвөөс тэтгэврийн санд олгох татаас, ачаалал улам нэмэгдэх эрсдэлтэй.

Монгол Улсын Ерөнхий сайд Н.Учрал:

Одоогийн тэтгэврийн даатгалын хуваарилалтын тогтолцоонд параметрийн өөрчлөлт хийнэ. Олон жил тогтвортой шимтгэл төлж байгаа хүнийг урамшуулахын тулд 25-аас дээш жил шимтгэл төлбөл жил тутамд цалингийн 1.5% хувиар бодож нэмэгдэл олгодог байсныг 2 хувь болгож нэмэгдүүлнэ. Ингэснээр нь 35 жил ажилласан хүн цалингийнхаа 67.5 хувиар тэтгэврээ тогтоолгодог байсан бол 72.5 хувиар тогтоолгодог болно.

***

Prime Minister N. Uchral said the government will introduce pension reforms to increase benefits for people who contribute to the social insurance system for longer periods.

Under the proposal, the additional pension benefit earned after 25 years of contributions would increase from 1.5% to 2% of salary for each additional year worked. As a result, a person with 35 years of contributions would receive a pension equal to 72.5% of salary, up from 67.5% under the current system.

24/05/2026

24/05/2026

Бизнесээ дараагийн шатанд гаргахад тань бид хамт байна!
Манай байгууллага дараах чиглэлээр мэргэжлийн зөвлөх үйлчилгээ үзүүлдэг:

📊 Зах зээлийн судалгаа – Шинэ боломж, өрсөлдөгчийн орчин, хэрэглэгчийн хэрэгцээг нарийвчлан шинжилнэ.

💰 Санхүүгийн зөвлөх үйлчилгээ – Санхүүгийн төлөвлөлт, хөрөнгө оруулалтын шийдвэр, эрсдэлийн удирдлагад тусална.

⚙️ Шинэ технологийн нэвтрүүлэлт – Байгууллагын үйл ажиллагаанд тохирсон дэвшилтэт технологийг сонгон хэрэгжүүлэх, үр ашгийг нэмэгдүүлэхэд чиглэнэ.

🎯 Манай зорилго бол таны бизнесийн үр ашиг, санхүүгийн тогтвортой байдал, технологийн шинэчлэл-ийг нэг дор шийднэ.

20/05/2026

Жижиг дунд бизнесийн үйл ажиллагаанд тулгардаг томоохон асуудлуудын нэг нь зардлын өсөлт болон орлогын бууралт юм. Учир нь үйл ажиллагааны болон санхүүгийн үр ашгийн тооцоолол дутуу хийснээр байгууллагын үйл ажиллагаанд сөргөөр нөлөөлөх цаашлаад ашигт ажиллагаа бизнесийн тэлэлтийг ч гацаанд оруулах боломжтой юм. Үр ашиггүй байгаа сувгуудыг олж илрүүлэх нь хамгийн чухал юм. Үр ашиггүй суваг гэдэг нь зөвхөн бизнесийн зардлаас гадна, тухайн компани үйл ажиллагааны процесс, борлуулалт хийж буй бүтээгдэхүүн ч гэсэн орох боломжтой юм. Санхүүгийн болон үйл ажиллагааны датаг Power BI, Tableau зэрэг аналитик хэрэгслүүд дээр уян хатан хянах самбар (Dashboard) болгон хөгжүүлж үр ашиггүй байгаа цэгүүдийг тодорхой болгож хариу арга хэмжээ авах нь хамгийн чухал юм. Мөн үйл ажиллагааны процессийн автоматжуулалтыг бизнестээ нэвтрүүлснээр зардлыг бууруулахад чухал түлхэц болох боломжтой юм. Иймээс бизнесийн үйл ажиллагааны онцлогоос хамааран ямар технологи сонгох, ямар систем ашиглах, юуг автоматжуулах зэрэгт бизнесийн үйл ажиллагааны шинжилгээ хийх зайлшгүй юм.

Бизнесийн шинжилгээ яагаад хэрэгтэй вэ?

Бизнес шинжилгээ нь байгууллагын хэрэгцээг тодорхойлох, оролцогч талуудад үнэ цэнэ авчрах шийдлийг санал болгох замаар өөрчлөлтийг хэрэгжүүлэх боломжийг олгох юм.

20/05/2026

Мөнгөний нийлүүлэлт ба хязгаарлаж чадахгүй инфляци
Сүүлийн өдрүүдэд инфляцийн түвшин 2 оронтой тоонд орсон хатуухан мэдээлэл гараад байна. Монголбанкны мэдээллээр энэ оны 3-р сарын байдлаар зах зээл дэх нийт мөнгөний нийлүүлэлт (M2) 51.4 их наяд төгрөгт хүрч, өмнөх оны мөн үеэс 25.3 хувиар өссөн нь эдийн засгийн эргэлт эрс нэмэгдсэнийг харууллаа. Энэ бол түүхэн дээд түвшин бөгөөд Монголын санхүүгийн зах зээлд шинэ хөдөлгөөн, шинэ сорилт авчирч байна.

Мөнгөний нийлүүлэлтийн өсөлтөд хадгаламжийн хэмжээ болон зээлийн олголт голлон нөлөөлсөн. Иргэдийн хуримтлал нэмэгдэж, банкуудын эх үүсвэр тэлсэн нь бизнесийн хөрөнгө оруулалт, хэрэглээний зардлыг дэмжиж, эдийн засгийн идэвхижлийг нэмэгдүүлж байна. Жижиг, дунд бизнесүүдийн хувьд энэ нь санхүүжилт авах боломжийг өргөжүүлж, үйлдвэрлэлээ тэлэх нөхцөл бүрдүүлж байгаа эерэг дохио юм.

Гэвч мөнгөний нийлүүлэлт хэт хурдан өсөх нь инфляцийн дарамтыг нэмэгдүүлэх эрсдэлтэй. Хэрэглээний үнийн өсөлт хурдасвал өрхийн амьжиргаанд дарамт учруулж болзошгүй. Иймээс Монголбанк бодлогын хүүг өндөр түвшинд хадгалж, мөнгөний бодлогын тэнцвэрийг барих замаар эдийн засгийн тогтвортой байдлыг хамгаалахыг зорьж байна.

Олон улсын харьцуулалтаар Монголын M2 нийлүүлэлт ойролцоогоор 13.8 тэрбум ам.долларт хүрсэн нь бүс нутгийн жижиг эдийн засагтай орнуудтай дүйцэхүйц байна. Армени, Албани зэрэг улсуудын үзүүлэлттэй харьцуулахад Монголын мөнгөний нийлүүлэлт ижил түвшинд байгаа нь манай эдийн засгийн хэмжээ, санхүүгийн зах зээлийн өргөжилттэй уялдаж буйг харуулж байна.

Эцэст нь, мөнгөний нийлүүлэлт 51 их наяд төгрөгт хүрсэн нь Монголын эдийн засагт эргэлтийн идэвхжил нэмэгдэж, бизнесийн хөрөнгө оруулалт, хэрэглээний боломж тэлж буйг харуулж байгаа ч инфляци, ханшийн тогтворгүй байдал зэрэг сорилтууд дагалдаж байна. Энэ бол зөвхөн тоон үзүүлэлт биш, харин ирээдүйн боломж ба эрсдэлийн тухай өгүүлж буй эдийн засгийн мэдэгдэл юм.

20/05/2026

Улсын төсвийн тодотгол ба хөрөнгө оруулалт
Энэ оны төсвийн зарлага түүхэндээ анх удаа 32.9 их наяд төгрөгт хүрч, 1 их наяд төгрөгийн алдагдалтай батлагдсан. Нийт хөрөнгө оруулалтын хамгийн их хувь буюу 27.6%-ийг зам, тээврийн салбарт хуваарилжээ.

20/05/2026

Инфляц дахин хоёр оронтой тоонд шилжлээ
Монгол Улсын инфляцын түвшин мах, хүнсний бүтээгдэхүүний үнийн өсөлтөөс шалтгаалан 10.1%-д хүрч өслөө. Энэ нь Төв банкнаас бодлогын хүүг (одоогийн байдлаар 12%) ойрын хугацаанд бууруулах боломжийг хязгаарлаж байна.