NEPSE Corporate Investor's Club

NEPSE Corporate Investor's Club Research based share market analysis

आज मिति २०८३ भदौ १० गते, बुधबार बिहान ८ः४० बजे रुसुवाको भोटेकोशी नदीमा बाढी आइ ठूलो जनधनको क्षति भएको छ।उक्त बाढीका कारण...
26/08/2026

आज मिति २०८३ भदौ १० गते, बुधबार बिहान ८ः४० बजे रुसुवाको भोटेकोशी नदीमा बाढी आइ ठूलो जनधनको क्षति भएको छ।
उक्त बाढीका कारण रसुवा, नुवाकोट, धादिङ र गोरखालगायत जिल्लाका तटीय क्षेत्रहरु प्रभावित बनेका छन्।
बाढी गएलगत्तै सरकारले प्रभावित क्षेत्रमा उद्धार, खोज र राहतका कार्यहरुलाई तीव्रता दिएको छ।
बाढीका कारण पुगेको मानवीय तथा भौतिक क्षतिको विवरण संकलन कार्य जारी छ।
यस् विपद्बाट प्रभावितहरुलाई तत्कालै सुरक्षित स्थानमा व्यवस्थापन गर्नुपर्ने छ भने अर्कोतिर उहाँहरुलाई दीर्घकालिनरुपमा पुनःस्थार्पना गर्न उत्तिकै जरुरी छ।
त्यसका लागि प्रधानमन्त्री तथा मन्त्रिपरिषद्को कार्यालयमा रहेको प्रधानमन्त्री दैवी प्रकोप उद्धार कोष र प्रधानमन्त्री राहत कोषमा आर्थिक सहयोग गरिदिनु हुन सबैमा हार्दिक अपिल गर्दछौं। तल उल्लेखित बैंक खाताहरुमा सक्दो सहयोग गरिदिनुहुन अनुरोध छ।

19/07/2026

शर्ट सेलिङ (Short Selling) लगानीभन्दा बढी सट्टेबाजी (Speculation) वा जुवाजस्तै प्रकृतिको कारोबार हो। विश्वभर भएका विभिन्न अध्ययनहरूले देखाउँछन् कि सक्रिय रूपमा यस्तो ट्रेडिङ गर्ने अधिकांश (करिब ९५–९८%) ट्रेडरहरूले दीर्घकालमा नोक्सानी बेहोरेका छन्। त्यसैले शर्ट सेलिङलाई परम्परागत शेयर लगानीको अवधारणासँग तुलना गर्न मिल्दैन।

यसको सट्टा नेपालमा दुईवटा स्टक एक्सचेन्ज सञ्चालनमा ल्याएर बजारलाई अझ प्रतिस्पर्धी, पारदर्शी र प्रभावकारी बनाउन सकिन्छ। दुई एक्सचेन्जबीच हुने आर्बिट्रेज ट्रेडिङ (Arbitrage Trading) ले मूल्य असन्तुलन घटाउन, तरलता (Liquidity) बढाउन र लगानीकर्तालाई थप अवसर प्रदान गर्न सक्छ।

त्यसैगरी, बजार पर्याप्त परिपक्व भएपछि फ्युचर्स (Futures) र अप्सन्स (Options) जस्ता आधुनिक वित्तीय उपकरणहरू पनि चरणबद्ध रूपमा सञ्चालनमा ल्याउन सकिन्छ, जसले बजारलाई अझ गहिरो र व्यवस्थित बनाउन सहयोग पुर्‍याउँछ।

यदि यस विषयमा थप जानकारी, अनुसन्धान, व्यावहारिक अनुभव वा वास्तविक उदाहरणहरू आवश्यक परेमा सम्पर्क गर्न सक्नुहुन्छ।

धन्यवाद।

08/07/2026

यस्तो सपना कसैले नदेखोस्… तर आशा कहिल्यै नमरोस्।

केही दिनअघि एकजना साथीले अनौठो सपना देखेछन्। सपनामा एक अपरिचित व्यक्ति आएर भन्यो, “तेरो शेयरमा गरेको लगानी खरानी होस्।” यति भन्दै ऊ हरायो। साथी झसङ्ग ब्युँझिए। त्यो सपना किन आयो होला भनेर धेरै दिनसम्म सोचिरहे।

आज फेरि बजार बन्द भएपछि चिया पसलमा भेट भयो। उनी मुस्कुराउने प्रयास गर्दै भने, “सपना त सपनै होला भन्ने लागेको थियो, तर बजारको निरन्तर गिरावटले जीवनभरको मेहनतले कमाएको सम्पत्तिको मूल्य निकै घटाइदियो।”

केही क्षण हामी दुवै मौन भयौँ। त्यसपछि मैले शान्त स्वरमा भनेँ—

“शेयर बजारमा मूल्य (Price) घट्न सक्छ, तर आफ्नो शेयरको संख्या (Quantity) घट्दैन। यदि तपाईंले राम्रो कम्पनीमा लगानी गर्नुभएको छ भने समयसँगै बोनस शेयर, लाभांश (Dividend) वा अन्य कर्पोरेट सुविधामार्फत तपाईंको Quantity अझ बढ्न पनि सक्छ। त्यसैले बजारको अस्थायी मूल्यलाई अन्तिम सत्य ठान्नु हुँदैन।”

मैले थपेँ—

“विश्वका विकसित पूँजी बजारहरू पनि एकै दिनमा परिपक्व बनेका होइनन्। इतिहासमा ठूला आर्थिक संकट, वित्तीय घोटाला, बजार ध्वस्त भएका घटना र करोडौँ लगानीकर्ताले ठूलो क्षति बेहोरेका उदाहरण प्रशस्तै छन्। तर ती प्रत्येक संकटबाट पाठ सिक्दै सम्बन्धित देशहरूले आफ्नो प्रणाली सुधार गरे, कानुन र नीति–नियमलाई समयानुकूल बनाए, नियमनलाई अझ प्रभावकारी बनाए र लगानीकर्ताको विश्वास पुनःस्थापित गर्न सफल भए।

नेपालको पूँजी बजार पनि त्यही परिवर्तन र परिपक्वताको यात्रामा छ। कमजोरीहरूलाई सुधार्दै प्रविधि, नियामक व्यवस्था, नीति–नियम र बजार संरचनामा क्रमिक सुधार भइरहेको छ। परिवर्तन रातारात हुँदैन, तर सही दिशामा अघि बढ्नु नै सकारात्मक संकेत हो।”

उनी ध्यान दिएर सुनिरहेका थिए।

मैले फेरि भनेँ, “सम्पत्ति फेरि बनाउन सकिन्छ, तर आत्मविश्वास गुमाउनु हुँदैन। मूल्य घट्दा डर होइन, विवेकले निर्णय गर्नुपर्छ। बजारको उतारचढाव अस्थायी हुन्छ, तर सही ज्ञान, धैर्य र दीर्घकालीन दृष्टिकोणले भविष्य निर्माण गर्छ।”

उनको अनुहारमा विस्तारै हल्का मुस्कान देखापर्‍यो। सबै समस्या समाधान भइसकेका थिएनन्, तर एउटा कुरा स्पष्ट थियो—उहाँसँग अझै शेयरको Quantity पनि थियो, अनुभव पनि थियो, र सबैभन्दा ठूलो कुरा, आशा पनि बाँकी थियो।

जीवनले कहिलेकाहीँ हाम्रो धैर्यको कठोर परीक्षा लिन्छ। तर प्रत्येक अँध्यारो रातपछि उज्यालो बिहान अवश्य आउँछ। हरेक चुनौतीसँगै सुधारको अवसर पनि आउँछ। आजका कमजोरीहरू नै भोलिको बलियो, पारदर्शी र विश्वासयोग्य पूँजी बजार निर्माणका आधार बन्न सक्छन्।

त्यसैले निराशाभन्दा धैर्य रोजौँ, हल्लाभन्दा अध्ययन गरौँ, डरभन्दा विवेकलाई प्राथमिकता दिऔँ। किनकि शेयर बजारमा मूल्य घट्न सक्छ, तर राम्रो कम्पनीप्रतिको विश्वास, शेयरको Quantity र उज्ज्वल भविष्यप्रतिको आशा कहिल्यै घट्नु हुँदैन।

धन्यवाद। 🙏

05/04/2026

सेयर बजारलाई “अर्थतन्त्रको ऐना” भन्ने कुरा केवल परम्परागत भनाइ मात्र होइन—यो बजारको स्वभाव नै हो, जहाँ तथ्यभन्दा पहिले भावना, अपेक्षा र विश्वासले दिशा निर्धारण गर्छ। अहिले देखिएको गिरावटले स्पष्ट सन्देश दिन्छ कि चुनौती आर्थिक सूचकहरूमा भन्दा बढी “विश्वासको कमी” मा केन्द्रित छ।

बजार घट्नु सधैं अर्थतन्त्र कमजोर भएको संकेत हुँदैन; धेरैजसो अवस्थामा यसले अनिश्चितता बढेको देखाउँछ। नयाँ सरकारसँगै लगानीकर्ताले स्पष्ट नीति, स्थिर दिशा र दीर्घकालीन दृष्टि खोज्छन्। जब त्यो संकेत ढिलो हुन्छ, पूँजी सक्रिय लगानीभन्दा बाहिर बसेर अवसर कुरिरहेको हुन्छ। अहिलेको परिदृश्य त्यही “wait and watch” मनोवृत्तिको परिणाम हो।

बजारको अर्को गहिरो पक्ष भनेको यसको मनोविज्ञान हो। यहाँ केवल पैसा होइन—विश्वास, डर र अपेक्षा पनि सँगै चल्छन्। अहिलेको अवस्थाले देखाउँछ कि लगानीकर्ताहरू जोखिम लिन हिच्किचाइरहेका छन्, जसले तरलता घटाएर बजारलाई थप दबाबमा पुर्‍याएको छ।

तर, यही अवस्थालाई फरक दृष्टिकोणबाट हेर्ने हो भने—यो एउटा “opportunity phase” पनि हो। बजारको गिरावटले धेरै सेयरहरूलाई वास्तविक मूल्य नजिक ल्याउँछ, जसले दीर्घकालीन लगानीकर्ताका लागि प्रवेश गर्ने उपयुक्त समय सिर्जना गर्छ। यस्ता बेला हतार होइन, बुझाइ र रणनीतिले काम गर्छ।

सरकार र नियामक निकायको भूमिका यहाँ निर्णायक हुन्छ। प्रत्यक्ष हस्तक्षेपभन्दा पनि स्पष्ट नीति, भरोसायोग्य सन्देश र लगानीमैत्री वातावरण निर्माणले बजारमा हराएको विश्वास फर्काउन सक्छ। पारदर्शिता र स्थायित्व नै दीर्घकालीन सुधारको आधार हो।

अन्ततः, बजारले अहिले एउटै कुरा भनिरहेको छ—विश्वास बिना वृद्धि सम्भव छैन। विश्वास फर्कियो भने सुधारको गति अपेक्षाभन्दा तीव्र हुन सक्छ।

यसैले, अहिलेको गिरावटलाई डरको संकेत होइन—नयाँ अवसरको ढोका भनेर लिनुपर्छ।
जय पुँजी बजार!

30/03/2026

NEPSE Index 2840 तल झरेपछि बजार बढ्ने कुनै पनि स्पष्ट सकारात्मक आधार देखिँदैन भन्ने मेरो धारणा हो। यस्तो अवस्थामा अरूले भनेको कुरामा आँखा चिम्लेर विश्वास गर्नु भन्दा self-study गर्नु नै उचित हुन्छ। शेयर बजार मुख्य रूपमा तीनवटा आधारमा निर्भर हुन्छ—अनुभवी र स्थिर सरकार, global economic sentiment, र investor trust। केवल fundamental र technical analysis मात्र हेरेर निर्णय लिनु भनेको धेरै हदसम्म time pass जस्तै हो, किनकि यीले market को गहिरो वास्तविकता समेट्न सक्दैनन्। अहिले हामी पूर्ण रूपमा transition phase मा छौं, जहाँ existing structures र trends हरू temporary छन्। Risk factor अत्यधिक छ, र दुई तिहाइ सरकार आए पनि त्यसलाई पूर्ण रूपमा stable, peaceful र investment-friendly मान्न सकिने अवस्था छैन।

Global economy तर्फ हेर्दा geopolitical र economic war का कारण विश्व अर्थतन्त्रमा ठूलो क्षति भएको छ, जसले समग्र investor sentiment लाई कमजोर बनाएको छ। यस्तो अन्तर्राष्ट्रिय दबाबले साना बजारहरू, जस्तै नेपाल, अझ बढी प्रभावित हुने गर्छन्। नेपालमा NRM (NRN) र भारतीय लगानीकर्ताहरूको पनि उल्लेखनीय उपस्थिति छ, र जब बाहिर crisis हुन्छ, उनीहरू hand-to-mouth अवस्था र daily operation चलाउनका लागि share market बाटै पैसा निकाल्न बाध्य हुन्छन्, जसले बजारमा selling pressure थप बढाउँछ।

बैंकले 6% मा loan दिए पनि अहिले loan लिन कसैमा हिम्मत देखिँदैन, किनकि हामी transition phase मा छौं र यस्तो अनिश्चित अवस्थामा कसैले पनि आफ्नो पूँजी जोखिममा राख्न चाहँदैन। आगामी समयमा global economic war को प्रभावले inflation 12–14% सम्म बढ्ने सम्भावना देखिन्छ, र यो संकट short-term नभई long-term (१०–१५ वर्ष) सम्म तानिन सक्ने देखिन्छ, जसको असर Middle East जस्ता क्षेत्रहरूको instability र job loss मार्फत अझ गहिरो हुन सक्छ।

हाम्रो देशमा उद्योगहरू पर्याप्त छैनन्, सरकार startup र R&D मा लगानीको कुरा गर्छ, तर वास्तविकता के हो भने विश्वमै startups मध्ये २% भन्दा कम मात्र सफल हुन्छन्। यस्तो अवस्थामा R&D र innovation जस्ता अवधारणाहरू हाम्रो जस्तो अर्थतन्त्रका लागि तत्काल उपयुक्त नहुन सक्छन्, किनकि हामी उत्पादनलाई commercialize गर्न सक्ने संरचना र क्षमता अझै विकास गर्न सकेका छैनौं। तीतो लागे पनि यथार्थ के हो भने service sector बाहेक नेपाली उत्पादनहरू निकट भविष्यमा ठूला स्तरमा export हुन गाह्रो देखिन्छ।

व्यवसायी र उद्योगीहरूमाथि जब धरपकड हुन्छ, त्यहीँबाट investor को विश्वास कमजोर बन्छ, ठूलो मात्रामा पैसा बजारबाट बाहिरिन्छ र selling pressure बढ्छ। यस्तो अवस्थामा liquidity प्रभावित हुन्छ र market मा negative sentiment हावी हुन्छ। त्यसैले यस्तो अनिश्चित र संवेदनशील परिवेशमा share market प्रति अत्यधिक आशावादी हुनु भन्दा यथार्थवादी र सतर्क हुनु नै बुद्धिमानी हुन्छ।

30/03/2026

NEPSE Index को हालको अवस्था हेर्दा बजार पूर्ण रूपमा neither bullish nor bearish छ, बरु consolidation phase मा छ जहाँ 2600–2900 को range मा fluctuation भइरहेको छ। यस्तो अवस्थामा “1800 पक्का झर्छ” वा “3200 पुग्न 6 वर्ष लाग्छ” भन्ने दाबीहरू धेरै निश्चित र unrealistic हुन्छन्, किनकि NEPSE जस्तो बजार liquidity, interest rate, remittance flow, government policy र investor sentiment जस्ता धेरै factors ले influence गर्छ। अहिलेको data अनुसार banking system मा liquidity बढ्दो छ र interest rate क्रमशः घट्ने संकेत देखिन्छ, जसले long-term मा market लाई support गर्छ। Worst-case scenario मा interest rate उच्च नै रह्यो वा political instability आयो भने बजार 2200–2400 सम्म तल आउन सक्छ र extreme अवस्थामा 2000 आसपास test हुन सक्छ, तर 1800 level crash-level घटना मात्र हुन्छ, नियमित होइन। Base-case मा market केही समय sideways रहँदै 2500–3200 बीच accumulate हुने सम्भावना बढी छ, जुन अहिलेको वास्तविक अवस्था पनि हो। यदि strong bull cycle आयो, interest rate घट्यो र investor confidence बढ्यो भने NEPSE ले 3200 break गरेर 3800–4200 पनि 2–4 वर्ष भित्र पुग्न सक्छ, किनकि इतिहासमै 2021 मा index 3200 पुगेको थियो। त्यसैले बजारलाई fixed timeline वा extreme prediction भन्दा पनि cycle को रूपमा बुझ्नु पर्छ, जहाँ smart investors correction मा accumulate गर्छन् र hype मा profit book गर्छन्।

29/03/2026

देशमा लगानीमैत्री वातावरण कमजोर बन्दै गएको अनुभूति भइरहेको छ। नीतिगत अन्योल, राजनीतिक अस्थिरता तथा प्रतिशोधात्मक कदमहरूले गर्दा लगानीकर्ताहरूको विश्वास घट्ने जोखिम बढेको छ। यस्तो परिस्थितिमा आन्तरिक मात्र होइन, बाह्य लगानीकर्ताहरू पनि हिच्किचाउने सम्भावना रहन्छ, र कतिपयले आफ्नो पूँजी सुरक्षित स्थानतर्फ सार्न सक्ने अवस्था सिर्जना हुन सक्छ।

यसले दीर्घकालमा आर्थिक वृद्धि, रोजगारी सिर्जना र समग्र बजारमा नकारात्मक प्रभाव पार्न सक्छ। त्यसैले हतारमा निर्णय लिनुभन्दा पहिले कानुनी संरचनामा सुधार गर्नु अत्यन्त आवश्यक छ। धारा–उपधारामार्फत स्पष्टता ल्याउँदै, चरणबद्ध र कार्यमुखी रूपमा अघि बढ्दा मात्र सबै पक्षबीच सन्तुलन कायम हुन सक्छ।

यस्तो सोच र प्रक्रियाले नीतिगत स्थिरता मजबुत बनाउँछ, लगानीकर्ताहरूको विश्वास पुनः स्थापित गर्न सहयोग पुर्‍याउँछ र दीर्घकालीन रूपमा अर्थतन्त्रलाई सकारात्मक दिशातर्फ अग्रसर गराउन सक्छ।

09/03/2026

अहिलेको निर्वाचन परिणाममा Rastriya Swatantra Party (RSP) को दुई तिहाइ बहुमत मात्र होइन, केही रोचक र ऐतिहासिक रेकर्डहरू पनि देखिएका छन्। विशेषगरी पुरै मधेस क्षेत्रमा परम्परागत रूपमा सक्रिय रहेका साना–साना दलहरूलाई जनताले अस्वीकार गर्दै नयाँ राजनीतिक विकल्पलाई समर्थन गरेका छन्। यसको कारणले विगतमा देखिएका धेरै राजनीतिक अस्थिरता, स्वार्थकेन्द्रित राजनीति र विकासमा आएको अवरोध अब क्रमशः कम हुने अपेक्षा गरिएको छ।

अर्कोतर्फ, यदि कुनै कानुनले विकास र सुशासनको कार्यान्वयनमा बाधा पुर्‍यायो भने जनताले दिएको स्पष्ट जनादेशका आधारमा आवश्यक परे जुनसुकै समयमा Constitution of Nepal, नीति–नियम तथा कानुनहरूमा संशोधन वा परिवर्तन गर्न सकिने अवस्था बनेको छ। यसले सरकारलाई आवश्यक सुधारहरू छिटो र प्रभावकारी रूपमा अघि बढाउने मार्ग खोलिदिएको छ।

यी दुबै पक्ष—बलियो जनादेश र नीतिगत सुधार गर्ने क्षमता—देशको आर्थिक विकास, सुशासन र भ्रष्टाचारमुक्त राष्ट्र निर्माणका लागि महत्वपूर्ण अवसर हुन्। अब मुख्य कुरा नेतृत्वको इमान्दारिता, दूरदृष्टि र जनताप्रतिको उत्तरदायित्वमा निर्भर गर्दछ। यदि नेतृत्व स्वच्छ र प्रतिबद्ध भयो भने नेपाललाई समृद्ध, सुशासित र भ्रष्टाचारमुक्त देश बनाउन कसैले रोक्न सक्दैन। 🇳🇵📈

09/03/2026

अहिलेको निर्वाचन परिणाममा दुई तिहाइ बहुमतको सम्भावनाले शेयर बजारमा सकारात्मक मनोवैज्ञानिक प्रभाव परेको छ। राजनीतिक स्थिरताको अपेक्षासँगै Nepal Stock Exchange (NEPSE) हाल सकारात्मक ट्रेन्डमा अगाडि बढिरहेको देखिन्छ। बजारमा लगानीकर्ताको आत्मविश्वास बढ्दै गएको, बैंकिङ प्रणालीमा तरलता सुधार हुँदै गएको र आर्थिक गतिविधि विस्तार हुँदै गएको कारण सूचकांक क्रमशः माथि जान थालेको छ। प्राविधिक विश्लेषण अनुसार NEPSE ले पछिल्लो समयमा higher lows र higher highs बनाउँदै गएको देखिन्छ, जसले बुलिश ट्रेन्डलाई संकेत गर्छ। विश्लेषकहरूका अनुसार आगामी 8 देखि 10 ट्रेडिङ दिनसम्म बजारमा बलियो खरिद चाप कायम रह्यो भने लगातार upper circuit लाग्ने संकेत पनि देखिन थालेको छ।

बजारमा विशेषगरी बैंकिङ, हाइड्रोपावर, बीमा तथा विकास बैंक समूहका शेयरहरूमा बढ्दो चासो देखिएको छ। यी क्षेत्रहरूमा लगानी बढ्दा सूचकांकलाई माथि धकेल्ने सम्भावना बलियो हुन्छ। साथै, ब्याजदर क्रमशः घट्दै जानु र लगानीकर्ताहरूले वैकल्पिक लगानीका अवसरहरू खोज्नु पनि शेयर बजारको पक्षमा गएको देखिन्छ।

यदि बजारमा अहिलेको जस्तै खरिद चाप कायम रह्यो भने NEPSE ले चाँडै नै पहिलो प्राविधिक लक्ष्य 3300 अंकको स्तर नजिक पुग्ने सम्भावना देखिन्छ। यद्यपि बीच–बीचमा सामान्य करेक्सन आउन सक्छ, तर समग्र ट्रेन्ड सकारात्मक रहने अपेक्षा गरिएको छ। 📈

माघभित्रै नेप्से ३३०० क्रस हुने पक्का छ। अबको नेतृत्व युवाको हातमा छ। गगन र बालेन दुवै जनताकै रोजाइमा पर्छन्।
20/01/2026

माघभित्रै नेप्से ३३०० क्रस हुने पक्का छ। अबको नेतृत्व युवाको हातमा छ। गगन र बालेन दुवै जनताकै रोजाइमा पर्छन्।

Address

Kathmandu

Telephone

+97714250758

Website

Alerts

Be the first to know and let us send you an email when NEPSE Corporate Investor's Club posts news and promotions. Your email address will not be used for any other purpose, and you can unsubscribe at any time.

Shortcuts

Share

Category