12/08/2024
शुभ प्रभात 🧘,
🤔 रोजगारी आम्दानीमात्र भएका व्यक्तिले कर चुक्ता कसरी निकाल्ने ?
✅ सो वर्षमा नेपालमा स्रोत भएको रोजगारीको आय मात्र भएको, एकपटकमा एउटा मात्र रोजगारदाता भएको, सबै रोजगारदाता बासिन्दा व्यक्ति भएको र सो वर्षमा रोजगारदाताले भुक्तानी गरिदिएको अवकाश योगदान बाहेक अन्य खर्च घटाउन वा रोजगारदाताले भुक्तानी गरेको औषधि उपचार खर्च बापतको कर मिलान बाहेक अन्य कर मिलान दाबी दाबी नगरेको व्यक्तिले आय विवरण बुझाउनु पर्दैन ।
✅ माथि उल्लेखित सबै अवस्थाहरू पूरा नभएको रोजगारी आम्दानी हुने व्यक्तिले आय विवरण दाखिला गर्नुपर्दछ ।
✅ रोजगारी र व्यवसाय दुवैको आम्दानी छ भने दुवै आम्दानीको विवरण खुलाई आय विवरण दाखिला गर्नुपर्दछ।
✅ आय विवरण पेश गर्नु नपर्ने रोजगारीबाट आम्दानी भएका व्यक्तिले आफ्नो वार्षिक आम्दानी, कर गणना, तथा टिडिएस गरेको रकम खुल्ने पत्र रोजगारदाता बाट लिई कार्यालयमा पेश गर्नुपर्दछ।
✅ सो पत्रको साथ कार्यालयले तोकेको ढाँचामा आम्दानी र कट्टी दाबी गरिएका खर्चहरू खुल्ने कर गणना सहितको विवरण खुलाई कर चुक्ताका लागि निवेदन पेश गर्नुपर्दछ।
✅ कर चुक्ता प्रमाणपत्र लिनका लागि कार्यालयमा स्वयं आफै उपस्थित हुन नसकेमा कर चुक्ता बुझ्न जाने व्यक्तिलाइ अख्तियारी दिएको पत्र समेत निवेदन साथ संलग्न हुनुपर्दछ।
✅ निवेदन साथ इटिडिएस गरेको प्रमाण, कट्टी दाबी गरिएका बिमा, अवकाश कोष योगदान लगायत खर्चहरू तिरेको प्रमाण समेत संलग्न हुनुपर्दछ।
✅ पेश गरेको हिसाब गणितीय त्रुटिरहित छ र पुरानो कुनै बक्यौता छैन भने कर अधिकृतले कर चुक्ता प्रमाणपत्र प्रदान गर्दछ ।
✅ रोजगारी सँगसँगै गैर व्यावसायिक करयोग्य सम्पत्ति (जग्गा तथा घरजग्गा र सेयर) बिक्री बाट आम्दानी छ भने त्यस्ता व्यक्तिहरूले आय विवरण दाखिला गर्नुपर्दछ। (यसले तपाईंको कर दायित्व वृद्धि हुँदैन)
✅ माथिका बुँदाहरूमा जुनसुकै कुरा लेखिएको भए तापनि वार्षिक ४० लाख रुपैयाँभन्दा बढी पारिश्रमिक आय हुने व्यक्तिले भने डे४ फारम भरि आय विवरण दाखिला गर्नुपर्दछ।
📞 थप जानकारीका लागि हाम्रो कार्यालय, आफ्नो कर परामर्शदाता वा नजिकैको करदाता सेवा कार्यालय / आन्तरिक राजस्व कार्यालयमा सम्पर्क राख्नुहोला।
