Zyre Kontabiliteti - Naser Sadiku

30/10/2026

🚨 EDHE 2 DITË KANË MBETUR!

📢 BIZNESE QË SHISNI ONLINE, MOS E HUMBISNI AFATIN!

⏳ 31 TETOR 2026 ËSHTË AFATI I FUNDIT PËR REGJISTRIM!

Nga data 1 NËNTOR 2026 fillojnë kontrollet e detajuara për bizneset që shesin produkte dhe shërbime online, si dhe për kompanitë postare që kryejnë transportin.

⚠️ Gjatë kontrolleve do të kërkohen:
✅ Certifikata e regjistrimit të biznesit nga ARBK-ja.
✅ Numri fiskal i lëshuar nga ATK-ja.

❗ Mosregjistrimi dhe shkeljet e evidentuara mund të sjellin gjoba dhe masa të tjera ligjore.

📌 SOT DHE NESËR JANË DITËT E FUNDIT!

Mos e lini për momentin e fundit! Sigurohuni që biznesi juaj është i regjistruar dhe në përputhje me kërkesat ligjore.

📲 Shpërndajeni këtë njoftim që edhe bizneset e tjera të informohen me kohë!

👤 Naser Sadiku
📊 Kontabilist i Çertifikuar
📞 +383 49 293 434
✉️ [email protected]

24/10/2026

ZYRE KONTABILITETI – NASER SADIKU
Partneri juaj i besueshëm në kontabilitet dhe tatime!
Zyra jonë e kontabilitetit ofron shërbime profesionale të kontabilitetit, financave dhe këshillimit tatimor, duke ndihmuar bizneset të përmbushin obligimet e tyre ligjore dhe të menaxhojnë financat në mënyrë sa më efikase.

Shërbimet tona përfshijnë:
- 📊 Mbajtjen dhe përpunimin e kontabilitetit
- 🧾 Deklarimet mujore, tremujore dhe vjetore në ATK
- 📑 Përgatitjen e pasqyrave financiare
- 🏢 Hapjen, ndryshimin dhe mbylljen e bizneseve
- 💼 Këshillim financiar dhe tatimor
- 📈 Analizën financiare dhe mbështetjen në vendimmarrjen e biznesit
📍 **Lokacioni:** Dardani, Prishtinë – te Xhamia e Dardanisë, ish Novi Domi

📞 **Tel:** +383 49 293 434

Email:[email protected]

Besim. Saktësi. Kontabilitet profesional.

Na besoni financat tuaja, ndërsa ju përqendrohuni në zhvillimin e biznesit tuaj.

19/10/2026

11/10/2026

NGA 1 NËNTORI, FILLON KONTROLLI PËR BIZNESET QË OPEROJNË ONLINE

Rregullat vlejnë për të gjithë. Tregu online nuk është përjashtim nga ligji.

Të gjitha bizneset që shesin produkte apo ofrojnë shërbime online duhet të përfundojnë regjistrimin dhe të pajisen me certifikatën e regjistrimit të biznesit deri më 31 tetor 2026.

Nga 1 nëntori 2026, do të nisin kontrollet nga inspektorët përkatës ndaj bizneseve që operojnë online dhe kompanive postare, për të verifikuar dokumentacionin dhe zbatimin e kërkesave ligjore.

Nuk mund të ketë konkurrencë të drejtë kur disa biznese i respektojnë rregullat, ndërsa të tjerat i shmangin ato. Formalizimi i tregtisë online mbron konsumatorët, garanton transparencë dhe krijon kushte të barabarta për të gjithë.

Regjistrohuni me kohë. Ligji zbatohet për të gjithë, pa përjashtim.

01/10/2026

Njoftim për të gjitha bizneset që shesin produkte dhe shërbime online

Ministria e Industrisë, Ndërmarrësisë, Tregtisë dhe Inovacionit njofton se nga data 1 nëntor 2026 fillon kontrolli i detajuar i të gjitha bizneseve online dhe kompanive postare që bëjnë transportin.

Gjatë verifikimit do të kërkohet certifikata e regjistrimit e lëshuar nga Agjencia e Regjistrimit të Bizneseve dhe numri fiskal i lëshuar nga Administrata Tatimore e Kosovës.

Nëse evidentohen shkelje do të shqiptohen gjoba dhe masa të tjera, në përputhje me Ligjin për Shoqëritë Tregtare, Ligjin për Mbrojtjen e Konsumatorit, Ligjin për Inspektime dhe Ligjin për Inspektoratin Qendror për Mbikëqyrjen e Tregut.

Afati i fundit për regjistrim është data 31 tetor 2026.
Prandaj, regjistrohuni sa më parë, zbatoni ligjin dhe mbroni biznesin tuaj!

01/10/2026

❓ Pyetje:
Ne muajin e 09/2026 kemi blere pasuri te luajtshme permes LEASING, lloji mjet themelor-veture. A na pranohet TVSH-ja komplet si dhe shpenzimet e zhvleresimit? Paqartesia jone eshte tek LEASINGU, sepse nuk jemi te sigurte se a pranohet apo jo ne kete forme pagese!
✅ Përgjigje:
Sipas në nën paragrafit 4.5. paragrafi 4 neni 13 të Udhëzimit Administrativ Nr. 03/2015, i cili përcakton se tek lizingu financiare e drejta e zbritjes së TVSH-së, është për shumen e shënuar në faturë:
4.5. Qiramarrësi, kur është person i tatueshëm që i nënshtrohet regjimit normal të TVSH-së ushtron të drejtën të zbresë TVSH-në e shënuar në faturën e qirasë financiare në përputhje me Kreun XIII të Ligjit.
Fatura nga lizingdhenesi për lizingmarrësin, duhet te jete në shumen totale të blerjes se mallit duke përfshire TVSH–në.
Duke marr për bazë dispozitat nenit 13 te Udhëzimit Administrativ Nr. 03/2015 për Zbatimin e Ligjit Nr.05/L-037 për Tatimin mbi Vlerën e Shtuar: ‘2.2. Dorëzimi aktual i mallrave sipas kontratës për qira për një periudhë të caktuar, ose për sh*tjen e mallrave me kushtet e shtyrjes, e cila e parasheh që në kushtet normale të rasteve pronësia duhet të kalojë më së voni me pagesën e këstit të fundit. Ministri i Financave nxjerrë akt nën-ligjor për procedurat e aplikimit të këtij nën-paragrafi.”
Neni 13 paragrafi 4 nën paragrafi 4.4 i Udhëzimit Administrativ Nr. 03/2015, është përcaktuar se lizingu financiare është furnizim i mallit dhe i tatueshëm ne momentin qe ndodhë transaksioni:
“4.4. Vlera e tatueshme që shënohet në faturën tatimore me TVSH është sa vlera e pagesës periodike të qirasë me TVSH, përveç interesit. Faturat regjistrohen nga qiradhënësi në librin e sh*tjes dhe deklarohen si sh*tje të tatueshme, sipas periudhave tatimore që i takojnë.”
Nëse lizingdhënësi e faturon lizingmarrësin për komplet vlerën e mallit, pavarësisht pagesave me këste, atëherë lizingmarrësi faturën duhet ta regjistroj në librin e blerjes dhe deklaratën për TVSH si blerje me TVSH të zbritshme kur subjekti në parim ka të drejtë në TVSH të zbritshme bazuar në faturën e pranuar.

28/09/2026

❓ Pyetje:
Një biznes ekzistues është duke ndërtuar një hotel. Ndërtimi ka filluar vitin e kaluar dhe pritet të përfundojë rreth mesit të vitit 2026. Për qëllime tatimore, a duhet që shpenzimet e zhvlerësimit të njihen vetëm pasi të përfundojë ndërtimi plotësisht dhe hoteli të vihet në funksion, apo edhe gjat ndertimin per pjesen qe eshte perfunduar kete vit? Ju faleminderit paraprakisht për përgjigjen tuaj!
✅ Përgjigje
Neni 20 i Ligjit nr. 05/L-028 për Tatimin në të ardhurat Personale, përcakton zhvlerësimin:
“1. Shpenzimet për pronën e prekshme përveç shpenzimeve për tokën, veprat artistike dhe pronën tjetër e cila nuk konsumohet që i posedon tatimpaguesi dhe që shfrytëzohen për aktivitete ekonomike të tatimpaguesit, do të kompensohen me kalimin e kohës përmes zbritjeve të zhvlerësimit në mënyrën e përcaktuar me këtë nen.

Shpenzimet për përmirësimin e pronave me qira të cilat përdoren për aktivitete ekonomike të tatimpaguesit do të kompensohen përmes zbritjeve të zhvlerësimit të llogaritura me metodën lineare për periudhën e kohëzgjatjes së qirasë.
E gjithë prona e prekshme e tatimpaguesit që i nënshtrohet zhvlerësimit sipas këtij nenit caktohet në njërën prej kategorive vijuese:
3.1. Kategoria 1 – Ndërtesat dhe strukturat tjera ndërtimore;

3.2. Kategoria 2 – Automobilat dhe kamionët e lehtë, mjetet e rënda për transport, pajisjet për bartje të dheut, buldozerët, gërmuesit e dheut dhe mjetet tjera të rënda, kompjuterët, pjesët shtesë për kompjuterë dhe pajisjet tjera për përpunimin e të dhënave, mobiliet dhe pajisjet për zyra, instrumentet, gjërat e ndryshme dhe pajisjet tjera shtesë, dhe bagëtitë të shfrytëzuara për prodhim ose për mbarështim;

3.3. Kategoria 3 – Uzinat dhe makineria; inventari i hekurudhës dhe lokomotivat që shfrytëzohen për transportin hekurudhor; aeroplanët; anijet dhe bimët shumë vjeçare dhe shkurret e shfrytëzuara për vreshtari ose për prodhimin e frutave si p.sh. mollë, dardha, arra, boronica dhe të tjera; dhe të gjitha asetet e prekshme që nuk janë përfshirë në Kategorinë 1 apo Kategorinë 2 të këtij paragrafi.

Shuma e lejuar si zbritje për zhvlerësim në periudhën tatimore përcaktohet duke aplikuar përqindjet e mëposhtme në mënyrë individuale të pronës së prekshme individuale sipas metodës lineare në fund të periudhës tatimore sipas kategorisë si cilës i përkasin asetet:
4.1. Kategoria 1 – pesë përqind (5%);

4.2. Kategoria 2 – njëzet përqind (20%); dhe

4.3. Kategoria 3 – dhjetë përqind (10%).

Një pasuri për aspekte zhvlerësimi merret parasysh kur vihet për herë të parë në përdorim.”

Tatimpaguesi i cili tatohet në bazë të të ardhurave reale, mund të njohë zhvlerësimin për pasurinë e prekshme e cila është në emër të biznesit dhe shfrytëzohet për aktivitetin e biznesit. Zhvlerësimi bëhet sipas Kategorisë së cilës i përkasin asetet, siç është përcaktuar në nenin 20 të Ligjit Nr. 05/L-028 për Tatimin në të Ardhurat Personale.

Sipas nenit 20, paragrafit 5 të Ligjit, pasuria për qëllime të zhvlerësimit merret parasysh vetëm kur ajo është vënë në përdorim. Pra, vetëm nëse pasuria është vënë në përdorim, atëherë mund të njihet zhvlerësimi.

26/09/2026

❓ Pyetje:
Përshëndetje, Nëse lidhim kontratë me një person fizik jo afarist për ndërtimin e shtëpisë së tij në pronën e tij, pra ne si kompani do të sigurojmë materialin ndërtimor dhe kryerjen e punimeve, për kryerjen e punimeve pastaj ne lidhim kontratë me një kompani tjetër që ajo të përfundojë punën ndërtimore. Si duhet të veprojmë kur i faturojmë personit fizik jo afarist (me TVSH apo pa TVSH) dhe kur i blejmë mallrat për ndërtim, a kemi të drejtë të marrim TVSH të zbritshme apo jo?
✅ Përgjigje:
Aplikimi i ngarkesës së kundërt për shërbimet ndërtimore duhet të bëhet komfor Vendimit Shpjegues Publike Nr.03/2019, në të cilin vendim është përcaktua se në cilat rast nuk aplikohet ngarkesa e kundërt:
Kemi te bëjmë me furnizim te mallrave, si dhe furnizime te përziera (ne rastet kur nuk mund te specifikohet qarte ndarja ndërmjet mallit dhe shërbimit);
Njeri nga palët ne transaksion (ofruesi ose pranuesi shërbimit) nuk është person i tatueshëm – Deklarues i TVSH-se;
Faturimi behet për investitorin, pavarësisht nëse investimet behën për rish*tje apo për nevoja te përdorimit për vet investitorin.
Faturimi duhet të jetë me TVSH në tërësinë e vlerës së projektit qoftë për vlerën e shërbimit/mallrave sepse faturimi i juaj i bëhet individit. Në raste të tilla nuk mund të aplikohet ngarkesa e kundërt por faturimi duhet të jetë me TVSH, po ashtu keni të drejtën në TVSH të zbritshme.

26/09/2026

❓ Pyetje
Kompania ofron eksport te mallrave. Si kontraktor per transport eshte kompnia ”X”, e cila faturimin e ben per kompanin tone ne KS (1000€ pa tvsh), ndersa ne eksport pjesa e transportit eshte ze i veqant ne fature. Pytja eshte : Si duhet te trajtohet blerja dhe sh*tja e transportit per efekte te Tvsh, ne cilen fushe duhet te vendoset ne rast te blerje, dhe ne cilen fushe duhet te vendoset ne rast te sh*tjes (Eksportit).
✅ Përgjigje
Sipas nën-paragrafit 1.5 të nenit 31 të Ligjit Nr. 05/L-037 për Tatimin mbi Vlerën e Shtuar, furnizimet e transportit të mallrave dhe shërbimet ndihmëse të cilat inkorporohen në shumën e tatueshme janë të liruara prej TVSH-së me të drejtën e kreditimit:
1.5. furnizimi i shërbimeve, duke përfshirë transportin dhe shërbimet ndihmëse, mirëpo duke përjashtuar shërbimet e liruara në pajtueshmëri me nenet 27 dhe 28 të këtij ligji, kur këto janë direkt të lidhura me eksportimin apo importimin e mallrave. Lidhur me importimin lirimet aplikohen vetëm për shërbimet që do të përfshihen në shumën e tatueshme sipas nën-paragrafit 1.4., të paragrafit 1, të nenit 25 të këtij ligji.

Vetëm shërbimet të cilat inkorporohen në shumen e tatueshme përfshirë shërbimet e transportit, duhet të faturohen pa TVSH, si të tilla konsiderohen të liruara prej TVSH-së me të drejtë kreditimi. Në Librin e sh*tjes paraqiten tek rubrika [10c], ndërsa në Deklaratën për TVSH rubrika [10]. Kur pranoni fatura të transportit ndërkombëtar për të cilat nuk ju është ngarkuar TVSH-ja duhet regjistruar në Deklaratën për TVSH, rubrika [31] Blerje dhe Importe pa TVSH.

25/09/2026

❓ Pyetje
Pershendetje, Si pasoje e pasivitetit dhe poashtu deshtimit te biznesit dhe daljes se afatit te pijeve te importuara, deri tani kemi bere deklarim me 0 per cdo deklarate. Cilat jane hapat qe ta mbyll kete biznes dhe mos te me kerkohen deklarimet?

✅ Përgjigje
Me paragrafin 1 dhe nen paragrafin 1.1, 1.2, dhe 1.3 të nenit 5 të Ligjit Nr. 08/L-257 për Administrimin e Procedurave Tatimore, është përcaktuar e drejta e tatimpaguesit për të bërë kërkesë për çregjistrim të biznesit:

“1. Tatimpaguesi mund të kërkoj të çregjistrohet vetëm pasi të ketë:

1.1. Deklaruar dhe paguar të gjitha detyrimet tatimore;

1.2. Paraqitur bilancin e mbylljes ose regjistrimet tjera të kërkuara; dhe

1.3. Çregjistruar PEF/SF.”

Nëse tatimpaguesi vendos të pushojë veprimtarinë, duhet të informoj ATK-në me shkrim për vendimin që ka marrë. Nëse tatimpaguesi nuk vazhdon veprimtarin ekonomike dhe i ka te shlyera të gjitha obligimet tatimore ndaj ATK-së, atëherë duhet të vazhdohet me procedurat e çregjistrimit të biznesit të parapara me Legjislacionin Tatimor.

Për të mbyllur biznesin, duhet të parashtrohet kërkesë (kërkesë kjo e cila merret ne zyrën e Shërbimit) nga tatimpaguesi për Çregjistrim të biznesit, e cila kërkesë parashtrohet në zyrën përkatëse Rajonale të Shërbimit dhe Edukimit të Tatimpaguesve në ATK, dhe si e tillë duhet të trajtohet nga operativa në Drejtorinë Rajonale. ATK, brenda dyzetepesë (45) ditëve nga data e kërkesës për çregjistrim, duhet të shqyrtojë kërkesën e tatimpaguesit. Nëse tatimpaguesi plotëson të gjitha kushtet e parapara me Ligj, pra nuk ka ndonjë obligim tatimore të pa shlyer ndaj ATK-së, ku edhe do të bëhet çregjistrimin i biznesit. Në rast se nuk plotësohen kushtet e parapara me Ligj, ATK duhet të njoftoj tatimpaguesin me shkrim se nuk i plotëson kushtet për çregjistrim të biznesit. Nëse ATK, nuk informon tatimpaguesin, si, me përgjigje pozitive apo negative, brenda dyzetepesë (45) ditëve, atëherë bazuar në paragrafin 5 të Nenit 5 të Ligjit Nr. 08/L-257, tatimpaguesi do të konsiderohet të jetë i çregjistruar:
“5. Në rast se brenda dyzetepesë (45) ditëve nga data e pranimit të kërkesës së tatimpaguesit për çregjistrim, ATK nuk e ka njoftuar tatimpaguesin sipas paragrafit 3 të këtij neni, tatimpaguesi konsiderohet të jetë i çregjistruar, përveç rasteve kur tatimpaguesi ka obligime të pashlyera tatimore.”