صنايعي حسابات Fatih Mohamed

صنايعي حسابات Fatih Mohamed Contact information, map and directions, contact form, opening hours, services, ratings, photos, videos and announcements from صنايعي حسابات Fatih Mohamed, Accountant, Riyadh.
(1)

نؤمن بأن كل تحدٍ يحمل فرصة للنمو والتطوير، لذلك ندعم المحاسبين والماليين وأصحاب الأعمال بخبرات عملية وحلول واقعية تساعدهم على اتخاذ قرارات أفضل، وتحقيق نتائج أقوى، وبناء نجاح مستقر وعلاقات مهنية قائمة على الثقة والاستمرارية.

01/06/2026

ايه الاهم المحاسب ولا ERP ؟ 🤔




#السيستيم

#بودكاست

01/06/2026

احتراف التقارير 🏵

كلمة تقرير تعنى : بيان يوضح مسالة او تفاصيل او نتائج دراسة ما

***** ليه التقارير مهمة ؟ 🤔

لو ركزت هتلاقي التقارير هي المحرك الاساسي او السبب الاول لاي قرار تتخذه الادارة او المالك داخل اي منشاءة ادارتها محترمة🕵️‍♂️

***** اية اهميتها للمحاسب و الادارة المالية و ادارة الشركة ؟🤔

*- التقارير اداة من ادوات الادارة المالية و المحاسب الذي يسعى للتأثير في المنشاءة و استحواذ مكانه مهمة

*- التقارير مرتبطة بالنظام المحاسبي بداية من التسجيل و الرقابة و التحكم الى اعداد القوائم المالية

التوضيح 👇

- التسجيل : لابد ان يحتوي على التفاصيل المهمة و المؤثرة التي يكون هناك حاجة للتقرير عنها لذلك دائما ينصح بالاهتمام بالتفاصيل

مثال : حركة الاصناف

مثال اخر : قطع غيار السيارات

- الرقابة : تفرض تسجيل بيانات مرتبطة بالعملية المالية من اجل المتابعة و التدقيق

- التحكم : استخدام البيانات المدخلة و و ضع مقاييس للتحكم في مصروفات او توقعات ايردات الشركة وتوجبيها للاتجاه السليم

***** اية الفنيات المطلوبة في التقارير ؟ 🤔

بناء على ما سبق على المحاسب ان يكون ملم بما يلي عند اعداد التقارير

- الهدف من التقارير " الذي يعد التقرير من اجله " 👍

- الملائمة : يحتوي بيانات ملائمة في التقارير " مناسبة على قدر الحاجة لا زيادة و لا مبهمة "👍

- التاكد من صحة البيانات بالتقارير قبل عرضه " مهمة عشان بناء الثقة فيه " 👍

- الوقت : تقديم التقرير في الوقت المناسب سواء طلب ام لا " قبل اتخاذ القرار او عند الحاجة لاتخاذ قرار "👍

*- شكل التقرير و اسلوب عرضه " استخدم شكل بسيط بمعلومات مقنعة "
وهنا ينصح بالمرونة حسب استيعاب المقدم له 👌

***** هل على المحاسب المالي يجب ان يكون ملم بالتقارير الادارية و تقارير التكاليف بالاضافة الى التقارير المالية ؟🤔

هي ميزة اضافية للمحاسب الشامل و الطموح التي تؤهله اداريا لشغل مناصب اعلى وليس بالضرورة المعرفة الكاملة بالمحاسبة الادارية و محاسبة التكاليف بل الاهم هي المقدرة على استغلال المعلومات و تنظيمها في صورة تقارير مؤثرة سواء كانت تكاليف او معلومات ادارية او مالية

مثال:
تسجيل قطع غيار السيارات و الرقابة عليها و التقرير عنهاو التوصيه باستبدال السيارة اذا كانت تكلفة الصيانةعالية

ملحوظة 🌹🌹🌹🌹🌹

*-يفضل عند اعداد التقرير تقمص مكانة المدير او المالك و التفكير بالبيانات المفيدة لاتخاذ القرار🌹

*- هناك اربع استرتجيات غالبا يتبعها المدراء وهي

1- تعظيم الربح

2- تقليل التكلفة

3- الرقابة

4- التحكم

فخذها في اعتبارك عند الاعداد 🌹

*- هل تعلم ان بالتقارير تستطيع " توجيه الادارة من بعد" بدون ظهورك او تصادمك 🌹

*- في المنظمات الفردية و المؤسسات الصغيرة يكون هناك جهل او عدم تقدير لعمل المحاسب و لا يشعر بعمله الا عن طريق التقارير عند الحاجة 🌹

*- الفنيات و القدرات التي تظهرها في التقارير و تطويرها هي ما يميزك كمحاسب مميز بسوق العمل 🌹

*- بعض الشركات تجدها تطلب خبرة في نشاط محدد برواتب مجزية نظرا لقدرة المحاسب حسب خبرته في تقديم تقارير احترافية او القدرة و المتابعة الفنية لعمليات النشاط🌹

*_ستجد دائما البرامج الجاهزة نماذج تقارير مفيدة 🌹

*-في حالة ان مديرك او المالك على قدة ولا يفهم التقارير المصدرة من البرنامج او التقارير المالية العالية استخدم اكسيل و قدمها با سلوب عرض مناسب 🌹

*- قدرتك على اعداد تقارير احترافية تجبر المدراء على اتخاذ القرارات السليمة و تؤهلك لمنصب اداري او فتح مشروعك الخاص 🌹

#تقارير

🌹

01/06/2026

ملف الدشت💫

😊

لو سئلتك تعرف تعمل ملف الدشت🤔

هتقولي

انت كل يومين تطلع بحاجة غريبة 😅

هقولك 😊

بالعكس 😅 دي بالأخص حاجة مهمة و عملية جدا 😎

ولها اصل لغوي و معنى كبير 🤠

كلمة دشت "بتشديد الدال" تعني : ورق غير مرتب أو و رق مهمل

لو مش مصدق راجع السيد" معجم " 🤳

طيب اية علاقتها بالمحاسبة و المحاسب 🤔

هنا مربط الفرس 😊

اكيد قابلك ورقة أو مستند موجود لفترة على مكتبك

مش عارف تقيم أهميته

ومش قادر تقرر ترميه أو تحفظه

واذا فكرت تحفظه وتارشفه مش لاقي ليه مله 😅 قصدي علاقة أو جهة أو ترابط لارشفته😉

الورقة دي مع الوقت بتكتر ووتبقى أوراق عشوائية و تشتتك في شغلك + مظهرها الغريب 🥴

هنا دور ملف دشت المحاسب أو ملف الدشت👍

هو ملف للاوراق مجهولة النسب 🤣 أو غير تنظيمية او غير مهمة حاليا لاكن ممكن تحتاجها اي وقت 🥴

تقصد انه زي سلة المهملات على سطح مكتب في الكمبيوتر

بالظبط 👍

الملف ده بيعيطيك أريحية كبيرة في شغلك

خاصة لو في ملحوظات أو دراسات كتير بتعملها و تحس انك وتحتاج ترجع لها بعدين

و ممكن تارشف فيه بعض المستندات المكرر ة كنسخ احتياطية

أو مستندات شايف انك هتحتاجها فيما بعد

أو ملحوظات على ورق الوان أو ابيض

أو تقرير تجريبي

أو لسة جديد وخايف ترمي ورق ترجع تحتاجه

أو مستندات تم إلغاؤها أو التعديل عليها

الخ الخ ......

ملحوظة ونصائح🌹🌹🌹🌹

- اخوة و زملاء كتير بيعملوا ملف الدشت باسم مختلف أو لسة ما كانوا يعرفوا الاسم 😅

- ملف الدشت ممكن تارشف فيه بعض الأوراق الخاصة بك

- ملف الدشت لا يقل أهمية عن باقي الملفات وهو الملجأ الأخير للبحث

- لا يمكن اعتبار اي أرشيف كامل بدون وجود ملف دشت

- ملف الدشت هو ملف الذكريات و التجارب

- لاترمي اي ورقه قد تحتاجها أو قد تستخدمها لإثبات أو دليل

عايز تعرف أكثر عن طريقة الارشفه كمحاسب

راجع بوست الارشيف و تنظيمه لينك 👇

https://www.facebook.com/fitah2020/photos/a.354412698467453/375176576391065/?type=3&theater

دمتم بخير



فتيح محمد

السادة المحترمون في شركة فودافون مصرتحية طيبة وبعد،أتوجه إليكم بهذا المنشور بصفتي عميلا لديكم منذ فترة طويلة، وبكل احترا...
31/05/2026

السادة المحترمون في شركة فودافون مصر

تحية طيبة وبعد،

أتوجه إليكم بهذا المنشور بصفتي عميلا لديكم منذ فترة طويلة، وبكل احترام وتقدير، لطلب مراجعة دقيقة لاستهلاك باقة الإنترنت الخاصة بي، خاصة يوم 19 مايو 2026 وبعض الأيام الأخرى التي ظهر بها استهلاك غير مبرر وغير منطقي من وجهة نظري.

قمت بالتواصل مع خدمة العملاء على رقم 888، وكان طلبي واضحا وبسيطا.

أريد فقط مراجعة وتدقيق الاستهلاك.

في يوم 19 مايو 2026 ظهر استهلاك يقارب 21 جيجا بايت في يوم واحد، وهو رقم لا أراه منطقيا مقارنة بطبيعة استخدامي في هذا اليوم.

في هذا اليوم كنت على سفر صباحا من كفر الشيخ إلى الفيوم لمدة تقارب ساعتين، وبعدها نمت جزءا كبيرا من اليوم، ثم حضرت مساء جلسة عرفية امتدت من الساعة 4 مساء حتى 12 منتصف الليل.

بناء على ذلك، أطلب من الشركة مراجعة هذا الاستهلاك فنيا، وتوضيح سبب خصم هذه الكمية من الباقة، مع تزويدي ببيان تفصيلي يوضح توقيتات الاستهلاك وحجمه وطبيعته، إن أمكن.

ما أزعجني لم يكن مجرد خصم الباقة، بل طريقة التعامل مع الشكوى.

عند سؤالي عن إمكانية وجود خطأ في احتساب الاستهلاك، كان الرد أن هذا هو استهلاكي ولا يوجد احتمال للخطأ.

وعند سؤالي عن إمكانية التعويض في حال ثبوت وجود خطأ، كان الرد بالنفي.

وعند الإشارة إلى إمكانية تقديم شكوى أو اتخاذ إجراءات قانونية، كان الرد بما يفيد أن الأمر عادي.

أقدر أن موظف خدمة العملاء يتعامل وفق النظام المتاح أمامه، ولا أوجه له أي اتهام شخصي، لكنني أرى أن طريقة إدارة الشكوى تحتاج إلى مراجعة، خاصة عندما يكون العميل يطلب تدقيقا فنيا وليس جدالا.

لذلك أطلب من شركة فودافون مصر الآتي:

مراجعة استهلاك يوم 19 مايو 2026 تحديدا.

مراجعة الأيام الأخرى التي ظهر بها استهلاك غير معتاد.

تزويدي بتقرير واضح عن الاستهلاك محل الشكوى.

توضيح آلية التصعيد الداخلي في حال عدم اقتناعي بالرد.

أؤكد أن هذا المنشور ليس اتهاما ولا تشهيرا، وإنما طلب مراجعة موثق وعلني، مع احتفاظي بكافة حقوقي القانونية في تقديم شكوى للجهات المختصة، ومنها الجهاز القومي لتنظيم الاتصالات وجهاز حماية المستهلك، حال عدم الوصول إلى حل واضح ومنصف.

ما أطلبه بسيط.

مراجعة حقيقية.

رد واضح.

تعامل يليق بعميل قديم.

وأتمنى أن يتم حل الأمر بشكل ودي ومهني يحفظ حق العميل وسمعة الشركة.

وشكرا.

Vodafone Egypt

القوائم المالية بوست ٣ قائمة المركز المالي أو الميزانية العمومية معلش اتاخرت عليكم مشان كنت باخد صورة سلفي 🤭طبعا هتقول ا...
31/05/2026

القوائم المالية

بوست ٣

قائمة المركز المالي أو الميزانية العمومية

معلش اتاخرت عليكم مشان كنت باخد صورة سلفي 🤭

طبعا هتقول اية الكلام ده تسيبنا مستنين عشان صورة 👊

لا طبعا انا حتى شعري وقع بسبب المهنة 😅 المقصود اقولك ان الميزانية هي صورة سلفي للشركة 🤗

يعني لقطة لعرض أصول الشركة والتزاماتها وحقوق الملكية في وقت محدد🌹

كلام سليم 👌

عشان كده بنقول على حساباتها الحسابات الحقيقية 👌
وعلى حسابات قائمة الدخل الحسابات الوهمية 👇

لان حسابات الإيرادات و المصروفات مش بتظهر في الصورة السلفي ولا صورة غيرها😁

خلصنا 😉
هقولك لا 😅

اكيد جهزت كوباية الشاي المتينة معاك عشان نمخمخ 🤗

قولنا لو دليل الحسابات متكون من ٥ حسابات رئيسية صح
أصول - خصوم - حقوق الملكية - إيرادات و مصروفات

هتاخد اول ٣ وهنقسمهم لقسمين متوازن مدين ودائن في عرض الميزانية
وتدرج في العرض كل ما يندرج تحتهم

حسب معادلة الميزانية 👇

الأصول = الألتزمات + " حقوق الملكية متضمنة ربح او خسارة الفترة "

هتلاحظ اني كتبت " حقوق الملكية متضمنة ربح او خسارة الفترة "

ايوة صحيح 🤗

ده عشان في ميزان المراجعة نتيجة المقابلة بين الايردات و المصروفات في قائمة الدخل"سواء ربح أو خسارة " هي المتمم للميزانية 👌

يعني الميزانية مش هتظبط بدون نتيجة قائمة الدخل 🧐

طولت عليك قول..... طول 😅

ندخل على العملي خدلك نظرة على الصورة المرفقة و رشفة من كوباية الشاي وبلاش تشغل دماغك عليا وتقولي ده نموذج بسيط جدا 😅

ايوة عشان انا بقدم مفاتيح تطبيق لك
فلو انت فهمت النموذج ده بمفاتيحه نتيجة فهمك هتقدر تطبق على نموذج اكبر 👌😉

لانهم في الأساس ٣ حسابات رئيسية 😉

*- هنا هتلاحظ بدأ بالاصول المتداولة وليس الثابتة

ودي يرجع لأهمية الأصول المتداولة وهي أغلب طريقة عرض مستخدمة و لا يمنع وجود طرق عرض تانية تبدأ بالاصول الثابتة حسب طبيعة النشاط

*- طبعا هيكون موجود ايضاحات متممة للميزانية في القوائم مثلا توضيح الكاش كما كان في بوست قائمة الداخل السابق عرضه

مثال الكاش

نقدية بالخزينة ٥٠٠
نقدية في البنك ١٠٠٠
الاجمالي كما ظهر ١٥٠٠

*- هتلاحظ مفيش حساب مخصص اهلاك وده ليه يا سيدي

عشان حسب معايير العرض والإفصاح الأخيرة تظهر الأصول وتعرض بصافي القيمة الدفترية

وده معناه ان اكيد في ايضاحات الاهلاك وتكوين المخصص و التكلفة التاريخية مرفقة للميزانية و غالبا هتلاقي جنبها رقم إيضاح

*- لو عندك قرض طويل الاجل ب ٥٠٠٠ لكن هتسدد منه السنة القادمة ١٠٠٠

يفضل عرض ١٠٠٠ في الالتزامات المتداولة و ٤٠٠٠ بالالتزامات طويلة الأجل

*- هنا الميزانية افترضت لشركة مساهمة

لكن لو لشركة او لمؤسسة فردية يجب عرض قيمة رأس المال المسجلة في السجل منفصلة حتى لو كانت اجمالي الحقوق بالسالب و يعرض باقي حقوق الملاك " جاري الشركاء " كمتمم

لو خلص الشاي اعمل غيره عشان ترتب أفكارك 😅

*- طبعا الاحتياطيات و المخصصات الأخرى كمكافاةة نهاية الخدمة تظهر في الميزانية في حالة وجودها

طيب طريقة عرض مخصص نهاية الخدمة

يتم اعتباره التزام طويل الأجل

يعني لو موجود يظهر بعد قروض طويلة الأجل اللي في الصورة 👇

*- واحد شاطر نوع الشاي اللي شاربه تمام🤭 هيقولي دي ميزانية افتتاحية مش نهائية 🧐

هقوله ليه وانا عارف الإجابة 😉

هتقولي المفترض لو ميزانية نهائية هناك حساب الأرباح المرحلة أو احتياطيات هيتواجد في العرض

احييك من قلبي و هطلب منه طبعا اسم نوع الشاي 😅

ملحوظات ونصائح 🌹

- طبعا المخزون هيكون مقيم بالقيمة القابلة للتحقق أو التكلفة ايهم اقل حسب المعايير الأخيرة

- لازم تطلع على المعايير وتراجع الجديد كل سنة وخاصة وانت بتعد القوائم المالية

- أهم المعايير - معيار المخزون - معيار الاالات و المعدات - معيار الإيراد- معيار العرض و الإفصاح

- الزكاة تحسب في الايضاحات المتممة و يظهر المخصص في الالتزامات المتداولة

- سهل جدا تعد الميزانية لو اطلعت على الميزانية القديمة أو ميزانية مشابهة

- اشرب شاي وقهوة كتير و انت قاعد تعد القوائم 😅

- قاعدة عامة كل بند يتكون من مجموعة بنود او نتيجة عملية حسابية طبيعي هيكون له إيضاح مرفق في الميزانية " الرقم المعروض جه منين "

- ممكن تكسب خبرة الميزانية فقط خلال انك تطبع الميزان وتحاول تعملها لحالك و تنتظر ميزانية المراجع المعتمدة ثم تقترن بينهم و تعرف سبب الاختلافات

- سهل جدا التعلم بالنظر عبر الاطلاع على قوائم شركات المساهمة المنشور و المتاحة على النت لصورة عامة

دمتم بخير و نعمة ونشاط

سمحوني على التقصير 🌹

وادعو لي بالتيسير🙏



فتيح محمد

نتقدم بخالص التهنئة لأخينا العزيز أحمد المنشاوي بمناسبة زواجه المبارك.كما نتوجه له ولأسرته الكريمة بجزيل الشكر والتقدير ...
31/05/2026

نتقدم بخالص التهنئة لأخينا العزيز أحمد المنشاوي بمناسبة زواجه المبارك.

كما نتوجه له ولأسرته الكريمة بجزيل الشكر والتقدير على كرم الضيافة وحسن الاستقبال والأجواء الطيبة التي أسعدتنا سوق المحاسبة رغم انشغالهم بليلة العمر.

نسأل الله أن يبارك لهما، ويبارك عليهما، ويجمع بينهما في خير، ويرزقهما السعادة والمودة والرحمة.

ألف مبارك، وبالرفاه والبنين.

@سوق المحاسبة

القوائم الماليةبوست ٢ إعداد قائمة الدخل لو عندك ميزان مراجعة منقسم صح لخمس حسابات رئيسيةأصول- خصوم- رأس مال وحقوق ملاك- ...
30/05/2026

القوائم المالية
بوست ٢

إعداد قائمة الدخل

لو عندك ميزان مراجعة منقسم صح لخمس حسابات رئيسية

أصول- خصوم- رأس مال وحقوق ملاك- إيرادات- مصروفات

اتفقنا ان قائمة الدخل هتبقى

كل ما هو تحت بند الايردات_ يطرح منه_ كل ما هو تحت بند المصروفات = صافي الربح

بس كده

لا طبعا مش بالطريقة البلدي دي خالص 😅

"بس هو صح حسابيا وممكن تستخدمه للمراجعة على شغلك"👍

نيجي للجد محاسبيا👇

في عندك معايير للعرض الإفصاح لازم تلتزم بها

العرض هيكون ترتيب لإجماليات القائمة و الإفصاح هيكون للتفاصيل " الاجماليات جات منين " 😊

وطبعا العرض لازم يراعي مبدأ أساسي في المحاسبة وهو مبدأ المقابلة + معايير العرض المتبعة 😁

هتقولي ما فهمت منك غير اربع كلمات " مقابلة و عرض وافصاح و معايير "🥴

بس كده انت وصلت 👌 حمد الله على السلامة ياريس😅

طبعا دوول الملخص للي جاي

هعرض عليك قائمة دخل في الصورة

ستلاحظ آية بقى يا سيدي ☺️

بدأنا بالايراد الأساسي" المبيعات "

ثم

خصمنا منه " تكلفة المبيعات " مع رقم الإفصاح ٨

نتيجة الخصم = " مجمل الربح"

يخصم منها " المصاريف العمومية " مع رقم الافصاح٩

ثم خصم " مصروفات البيعية والتسويقية "

ثم

أضيف " أيردات اخرى "
" أرباح رأسمالية "

ثم الناتج " صافي الربح" قبل الضريبة أو الزكاة

بخصم منها " الضريبة أو الزكاة "

الناتج " الصافي "

طيب موضوع الإفصاح سيادتك 🤔

تمام 😊

هتلاحظ جنب كلمة " تكلفة المبيعات" في رقم إيضاح وده معناه ان التفاصيل في الإفصاح رقم ٨

فيما معناه تكلفة المبيعات جات منين

لو روحت للصفحة الخاصة الإفصاح رقم ٨

هتلاقي تكلفة المبيعات =

تكلفة المواد المباعة
+ اجور البيع المباشرة
+ايجارات المخازن
+محروقات
+ اهلاكات سيارات البيع و معدات التخزين
+ اي مصروف مباشر خاص الإيراد المبيعات

طيب تكلفة البضاعة المباعة جات منين 🤔

سؤال جميل

انصحك تشرب كوباية شاي متينة و تركز عشان ما تهيس 😅

والسبب اننا هنتفرع من الاجماليات إلى التفصليات 😉

لو جرد دوري👇

تكلفة البضاعة المباعة = مخزون اول + صافي المشتريات( المشتريات _ مردودات المشتريات _ الخصم المكتسب ) _ مخزون آخر المدة

وده معناه ان ميزان المراجعة قبل الاقفال لا يحتوي على حساب به رصيد بتكلفة البضاعة المباعة انما كل الحسابات السابقة 😉

لو جرد مستمر هتلاقي الرصيد مرصد في الميزان في حساب تكلفة البضاعة المباعة 👍

هنا خلصنا

بردوا لا
و السبب عايز اوضح لك قائمة الدخل من طقطق لسلام عليكم

فاكر الاربع كلمات

ايوة مقابلة _عرض_ إفصاح _ معايير

بعد ما قابلنا الايردات " المبيعات" بتكلفتها

طلعنا لمجمل الربح

وافصحنا عن كيف حسبنا التكلفة هتلاحظ في رقم إفصاح تاني جنب المصروفات العمومية

ولو روحت لصفحة ٩

هتلاقي بيتكون من

اجور ورواتب إدارة
اهلاك أصول تستخدمها الإدارة
كهرباء مبني الإدارة
مياة الإدارة
الخ
كل ما هو غير مباشر بتكلفة الإيراد

وبعده هتلاقي تم خصم مصروفات أخرى مثل المصروفات التسويقية

بس كده

هقولك

هنا لازم تفصح منفصلا عن أي مكاسب وخسائر أخرى أو مكاسب وخسائر رأسمالية أو لعمليات غير مستمرة

وبعدها تحسب صافي الربح قبل الضريبة و الزكاة

وتحسب الزكاة والضريبة وتخصمهم ثم يظهر صافي الربح

خلصنا هنا بقى يا استاذ😉

انت زهقت مني يا حسين 😅

باقي فقط الملاحظات 👇🌹
- المثال المذكور قديم للتوضيح

- حديثا حسب معيار الإيراد الأخير حساب الايردات الرئيسية ممكن يحتاج أفصاح " وتفصيل مكونات الإيراد على حده "

- كونك عارف نتيجة الاجماليات يساعدك في مراجعة التفاصيل و الرقابة عليها

- دليل الحسابات المعد صح بيريح في إعداد القوائم

- هناك طرق عرض خاصة ببعض الأنشطة مثل المقاولات وتختلف عنهاةانشطة اخرى

- يمكنك معرفة طريقة العرض الخاصة بنشاطك من الاطلاع على القوائم السابقة أو المشابهة

- لو الدليل ملخبط منك هات ميزان المراجعة على اكسيل و ارجع صنف الحسابات في عمود جانبي الى الخمس حسابات الرئيسية

- اعرف ان لمفاتيح هي الاجماليات واطلع على المعايير الجديدة و الباقي سهل

إلى لقاء مع كوباية شاي جديدة في بوست إعداد المركز المالي السنوية " الميزانية "😁

اعذروني في حالةةالسهو أو الخطاء أو المغالطات الإملائية

دمتم بخير



فتيح محمد

30/05/2026

الناس اللي تستاهل البلوك ( الحظر ) بكل راحة نفسية
واخرهم مفاجأة

- المؤذي
-المريض النفسي
- المزعج
- الحاقد
- الصديق اللي عنده فجر بالخصومة ( بضم الفاء )

لكن عدوك اللي بيحترم العداوة و عنده اصول و احترام ضيفوه للاصدقاء

#نصيحة

Address

Riyadh

Opening Hours

Monday 6pm - 11pm
Tuesday 6pm - 11pm
Wednesday 6:02pm - 11pm
Thursday 6pm - 11pm
Friday 4pm - 9pm
Saturday 6pm - 11pm
Sunday 6pm - 11:10pm

Website

Alerts

Be the first to know and let us send you an email when صنايعي حسابات Fatih Mohamed posts news and promotions. Your email address will not be used for any other purpose, and you can unsubscribe at any time.

Contact The Business

Send a message to صنايعي حسابات Fatih Mohamed:

Shortcuts

Share

Category